Número 9
I.E.S. “San Paio” — Tui
VERÁN 2021
Series NETFLIX CREEDME (Susannah Grant, USA, 2019) Baseada en feitos reais, mostra a auténtica cara dunha violación e que sucede despois dela. As terribles secuelas que padecen as vítimas e como as soportan cada unha.
EL DESORDEN QUE DEJAS (Carlos Montero, España, 2020) Recentemente chegada ao instituto, Raquel é a nova profesora de Literatura cun pasado tráxico. E un presente moi inquietante. Obsesiónase coa sospeitosa morte que ocorreu alí tres semanas antes... e empeza a temer pola súa vida.
SOMBRA Y HUESO (Eric Heisserer, USA, 2021) Alina Starkov non espera moito da vida, quedou orfa despois da guerra e o único que ten non mundo é ao seu amigo Mal. Por mor dun ataque que recibe Mal ao entrar na Sombra, unha escuridade antinatural repleta de monstros que illou o país, Alina revela un poder latente que nin ela mesma sabía que tiña. Tras ese episodio, Alina é conducida á forza ata a corte real para ser adestrada como un membro dos Grisha, un grupo de magos de elite comandado por un individuo misterioso que se fai chamar O Escuro.
VIVIR SEN PERMISO (Aitor Gabilondo, España, 2018) Serie baseada nun relato do escritor Manuel Rivas, abordando o cru pasado e presente do narcotráfico en Galicia. Cando un empresario e capo da droga galego que oculta a súa doenza de alzhéimer decide retirarse, o seu segundo ao mando confabula para arrebatarlle o imperio ao herdeiro.
Serie TVE Á CARTA NÉBOA (Xosé Morais, Víctor Sierra, Alberto Guntín. España, 2020) É a primeira noite de entroido na illa de Néboa cando aparece o cadáver dunha adolescente, nun lugar rodeado de lendas: nesa mesma cova xa apareceran corpos asasinados da mesma forma, en 1919 e en 1989. A crenza popular é que o asasino é o “Urco”, un home con cabeza de lobo que sae do mar rodeado de cadeas para levar aos vivos. Quen está a cometer asasinatos desde hai máis de 100 anos? Para Mónica e Carmela, dúas investigadoras da Garda Civil, comezou a conta atrás.
Miniserie AMAZON PRIME VÍDEO 3 CAMINOS (Norberto López Amado, Franziska Meletzky, Ignacio Mercero. España, 2021) Narra a vida de cinco amigos de diferentes nacionalidades unidos polo Camiño de Santiago ao longo de tres épocas distintas, os anos 2000, 2006 e 2021. Tres anos diferentes, tres camiños, tres etapas da vida. O Camiño actúa de catalizador e escusa para reunilos en cada época das súas vidas. Reflexións sobre a existencia, o paso do tempo, o final do amor cando se desgasta e morren os soños, e o medo a envellecer.
PELÍCULAS
LA CASA DEL CARACOL (Macarena Astorga, España, 2021. 103´) O escritor Antonio Prieto decide pasar o verán nun pobo da serra malagueña, onde espera atopar tranquilidade e inspiración para a súa seguinte novela. Alí coñece a Berta, unha muller pola que sente unha atracción instantánea, así como a algúns personaxes peculiares sobre os que empeza a escribir e investigar. O que vivirá neses días lévao a pensar que, ás veces, a realidade supera aos mitos.
CRUELLA (Craig Gillespie, USA. 2021, 134´) Anos 70 en Londres. Decidida a converterse nunha recoñecida deseñadora de moda, unha nova e creativa Estella asóciase cun par de ladróns para sobrevivir nas rúas da capital británica. Pero cando o seu talento para a moda chama a atención da lendaria deseñadora, a Baronesa von Hellman, Estella cambia o rumbo da súa vida asumindo o seu lado malvado e a volvéndose na estridente e vingativa Cruella.
DESPIERTA LA FURIA (Guy Ritchie, USA, 2021, 119´) H é o misterioso tipo que acaba de incorporarse como garda de seguridade nunha compañía de blindados. Durante un intento de atraco ao seu camión, sorprende aos seus compañeiros mostrando habilidades dun soldado profesional, deixando ao resto do equipo preguntándose quen é realmente e de onde vén. Pronto se verá que H está a buscar un axuste de contas.
HUMAN LIFE (Gustavo Brinholi, Luiz H. Marques, Brasil, 2020, 68´) Documental que explora as historias dun pintor tetrapléxico, do fundador dun fogar para nenos abandonados e discapacitados, dun surfeiro que perdeu as mans nun accidente, dunha ex medallista olímpica que se ofreceu como voluntaria nun centro de apoio para mulleres embarazadas, da nai dunha nena con síndrome de Down, dunha sobrevivente do Holocausto e de moitas outras persoas.
EN UN LUGAR SALVAJE (Robin Wright, USA, 2021. 89´) Cando a súa vida é sacudida por inesperados acontecementos, Edee perde a habilidade de conectar co mundo e a xente que unha vez a rodeou. Anoxada da súa vida, decide retirarse a un bosque nas Montañas Rocosas. Alí sofre para axustarse á súa nova realidade e especialmente ao duro inverno que terá que soportar.
QUERIDOS CAMARADAS (Andrei Konchalovsky, Rusia, 2020, 120´) Novocherkask, Unión Soviética, 1962. Lyudmila é membro do partido comunista local. Ela defende os ideais do réxime comunista e despreza todo tipo de disidencia. Durante unha folga laboral nunha fábrica de motores, ve como o exército mandado polo goberno dispara contra os manifestantes e comete un masacre. Hai moita xente ferida e desaparecida. Unha das desaparecidas é a súa filla.
QUIEN A HIERRO MATA (Paco Praza, España, 2019, 107´) Nun pobo da costa galega vive Mario, un home exemplar. Na residencia de anciáns na que traballa como enfermeiro todos o aprecian. Cando o narcotraficante máis coñecido da zona, Antonio Padín, recentemente saído de prisión, ingresa na residencia, Mario tenta que Antonio se atope como na súa propia casa.
RAYA Y EL ÚLTIMO DRAGÓN (Don Hall, Carlos López Estrada, Paul Briggs, John Ripa, USA, 2021, 114 ´) No fantástico mundo de Kumandra, humanos e dragóns viviron xuntos hai moito tempo en perfecta harmonía. Pero cando unhas forzas do mal ameazaron o territorio, os dragóns sacrificáronse para salvar á humanidade. Agora, 500 anos despois, esas mesmas forzas malignas regresaron e Raya, unha guerreira solitaria, terá que atopar ao último e lendario dragón para reconstruír un mundo destruído e volver unir ao seu pobo.
SOLO UNA VEZ (Guillermo Ríos Bordón. España, 2021. 80´) Laura, unha psicóloga do servizo de atención ás mulleres que sofren violencia de xénero, leva unhas semanas sendo acosada polo marido dunha das súas pacientes. Nesta situación, debe tratar a unha parella que nunca puxo os pés nun centro deste tipo: Eva e Pablo. Por unha serie de malentendidos el recibiu unha denuncia, pero afirma con contundencia non ser ningún malfeitor.