ubâ ääigi

sávt. Päikkinoomâi miärusoosij sänirááju vuod lii taggaar, moin puáhtá sierâdâllâđ, já tagareh noomah, main lii eromâš sänirááju teikâ hitruus nomâttemaggâ, pääcih älkkeebeht eelliđ.

Ovtâskâs aktiivliih kielâkevtteeh nuuvtko KuobžâSaammâl pyehtih vaiguttiđ päikkinoomáid uáli ennuv, mut tuš rájálii kuávlust, táválávt jieijâs orroomkuávlu váimusist. Sii vaikuttâsah uáinojeh táválávt kuittâg tuš noomâi meereest, säniráájust já mottoom verd noomâi nabdemaagâin. Ton lasseen sii päikkinoomáid ij pyevti lopediđ hirmâd kuhes eellimave, jis toh iä lah vyerkkejum káártán. Ko enâmij kevttim nubástuvá, te päikkinoomah läävejeh meid nubástuđ teik lappuđ. Kuobžâ-Saammâl päikkinoomâin káártán lii peessâm suulân kuálmâduási, já mun oskom, et toh láá tobbeen vala uáli kuhháá. Toh láá suu nabdem noomâi juávhust toi puoh táválumosij juávhust. Suu eromâšuboh päikkinoomah eelih nuuvt kuhháá ko kiinii taid taarbâš, kiävttá já muštá. Tot lii mikrotoponymij kolgâmuš.

Mut maidsun Kuobžâ-Saammâl jieš ličij jurdám tast, et suu päikkinoomâin láá ráhtám analyys? Mun lam aaibâs vises, et sun ličij povvâstâm njálgáht päikkinommâtotkee hommáid já nomâttâm suu illoon vala muáddi lasepääihi. Já tot eskin lii-uv päikkinommâtotkee mielâst pyeri já suámi!

Kárttá, moos láá merkkejum tagareh Kuobžâ-Saammâl adelem päikkinoomah, moh láá peessâm káártán. Čapis riegis čáittá suu táálu já kiedi. (Vuáđukárttá: Maanmittauslaitoksen avoimet kartta-aineistot CC by 4.0)

Luuvâ lase:

Ilmari Mattus: Anarâš päikkinoomah. Anarâškielâ servi 2014. Matti Morottaja: Kuobžâ-Saammâl: Iäččán eellimkerdi. Anarâškielâ servi 2020. Taarna Valtonen: Mielen laaksot. Mïelen vuemieh. Miela vuomit. Mielâ vyemeh. Miõl vue'm. Neljän saamen kielen paikannimien rakenne, sanasto ja rinnakkaisnimet vähemmistö–enemmistö-suhteiden kuvastajina. Suomalais-Ugrilainen Seura 2014. (PDF-kirje puáhtá viežžâđ tääbbin: https://www.sgr.fi/fi/items/show/79 -> spokkâl kove)