STARY TARG
Gdo się za swój jynzyk wstydzi, takim niech się każdy brzidzi
er y
k Jan
Dr
al
Fr
yd
Czy ludzie zacznóm se wożyć ty wieca z kierymi uż żyjóm dłógi roki?
Inszóm kiśnie Dzisio bydzie kapke o rozmajtym caparcie, ździorbach, hobach, charapuciu i charmynziu. To sóm wszecko wieca, kiere uż ludzióm nie sóm przidajne, bo abo przestały fungować, abo uż sóm tak zmazane, że sie nie do ich wypucować, abo uż nie sóm modne. Podziwejcie sie ludzie do czego my uż dzisio doszli, że każdy capart i rozmajte hoba potrzebujóm inszej kiśni, abo inszego placu. Na papiór i papyndekiel je inszo, na zielazo inszo, na szklane wieca inszo, na plastik inszo i aji na rozmajte niedojedzóne wieca też inszo. Spółniołech se, że eszcze na rozmajtóm oblyczke też je inszo, bo łóna je kansi nieskorzij prano i w kszeftach przedowano. Wszecko by to było dobre, ale moc ludzi je uż takich co nie poradzi czytać, bo downo skóńczyła szkołem, a dzisio dziwo sie yno na telewizor, abo posłócho radyja. I skyrs tego analfabetyzmu dziynnie idzie uwidzieć, że cały tyn capart kiery uż żodyn nie potrzebuje wciepowany je do jednej kiśni w kierej lekciyj mogóm cosi wychledać rozmajci babrocy. Jako to kiejsi było, że ludzie ni mieli potrzeby nic nie wyciepować i poradzili żyć dłógi roki s tymi samymi ździorbami we swojich kwartyrach, tego nie wiym, ale tak było. Kiejsi wszecko było sprawowane tak dłógo jak sie yno dało, a nieskorzij jak to było drzewiane, to zustało pocipkane na gnotku i chyniónne pod blache. A insze wielki zieleźne wieca zbiyrali złómiorze i żodne charapuci żodnymu sie kole chałupy nie plyntało.
20
TRAMWAJ CIESZYŃSKI • V 2021
Wszeckim sie zdo, że sóm my coroz móndrzejsi, a to ni ma do kóńca prowda, bo eszcze nie tak downo żodyn szklanej flaszki by nie wyciepoł yno umytóm zaniós do skupu. To samo było ze zielazym i papiórym, kiery też dycki szło przedać i mieć za to porem groszy.
SłoWNiCZEK capart - mało potrzebne rzeczy, ździorba - nieużywana rzecz/grat, hobo - niepotrzebny grat, charapuci - rupiecie, charmynzi - chrust, gałęzie, przidajne - potrzebne, zmazane - brudne, podziwejcie sie - popatrzcie się, kiśnia - skrzynia, papyndekiel - karton, wieca - rzeczy, oblyczka - ubiory, kansi - gdzieś, kszeft - sklep, wyciepowany - wyrzucany, poradzili - potrafili, wychledać - wyszukać, kwartyr - mieszkanie, pod blache - do pieca, nieskorzij - później sprawowane - naprawiane, pociupkane - porąbane, gnotek - pieniek, dycki - zawsze, przedać - sprzedać.
