Ordinansa sa Butuan City Mental Health Care and Wellness Coordinating Aprobado na ang ordinansa mahitungod sa Butuan City Mental Health Care and Wellness Coordinating Council nga gipangunahan ni Konsehal Cherry May Busa sa Committee on Health. Katuyoan sa nasangpit nga ordinansa nga mahatagan og igong pagtagad ang mga indibidwal nga adunay mental health issue sa syudad. Ang City Mental Health Care and Wellness Coordinating Council maoy mahimung responsable sa paghatag sa makanunayon, rasyonal, ug nagkahiusa nga tubag sa problema sa mental health. Lakip na usab nga matagaan og tubag ang mga concerns ug ang pagmugna sa mental health care program. Gitumong sa ordinansa ang pagpatuman og mga guidelines ug pagpagawas og mekanismo sa lokal nga level. Ang konseho ang mag ugmad og dekalidad nga mental health care programs pinaagi sa pag develop sa sakto ug epektibo nga istruktura, sistema ug mekanismo nga magsiguro ang husto, accessible, barato, angay, episyente, ug epektibo nga paghatag sa mental health care sa mga tawo nga nanginahanglan niini. Ang kunseho ang: •Magmasubli ug magpormula
Caraga INFOCUS
ang palisiya ug guidelines sa mental health issues ug concerns; •Pag develop sa tigman ug inklusibo nga plano ug programa sa mental health; •Pag palig-on sab sa koleksyon sa datos sa mga kaso, pagpahigayon sa regular monitoring, ug ebalwasyon agig suporta sa policy formulation ug planning sa mental health; •Pag promote ug pag pasilitar sa mga sector alang sa development ug implementation sa mental health iglabot sa mga programa sa mga ilawom sa sector niini; •Paghatag sa kinatibukang technical supervision ug sa pagsiguro sa pagsunod sa palisiya, programa, ug proyekto sulod sa comprehensive framework sa City Mental Health Care Delivery System ug sa ubang aktibedades kalabutan sa implementasyon niining oridinansa, pinaagi sa pag review sa mental health services, sa pagsunod sa balaud, ug ubang remedies gikan sa balaud. •Pagplano ug pag implementa sa mga gikinahanglan ug dali nga capacity building, reorientation, ug training programs para sa tanang mental health professionals, mental health workers, ug
allied professionals basi na niining ordinansa. •Pagsubli sa balaud nga may kalabutan sa mental health ug sa rekomendar nga balaudnon nga maoy musestenar ug magpalig-on sa mga programa, serbisyo, ug uban pang mental initiatives; •Pagbuhat sa inter-agency committees, project task forces, ug uban pang grupo nga kinahanglan sa pagimplementa sa mga palisiya ug programa sa kini nga ordinansa; ug •Pagbuhat sa ubang trabaho ug kalihokan nga kinahanglan sa pagpatuman sa katuyoan aning ordinansa. Subay sa Republic Act No. 11036 o ang The Mental Health Act kini nag hatag og sukdanan sa tanang Pilipino mahitungod sa mental health lakip na sab ang fundamental right sa mga tawo nga nanginahanglan og serbisyo sa mental health. Ang Butuan City Mental Health Care and Wellness Coordinating Council ang mahimong paagi aron makabuhat og maka dugang sa mga angay nga buhaton sa pagtabang sa katawhan sa syudad aron matagaan og pansin og tubag ang mga nag lisud nga indibidwal sa ilang mental health. (Butuan PIO/PIA Agusan del Norte)
May 29-June 4, 2021 |
27
