Fig. 1 Demonstrasjon framfor rådhuset.
Foto: Roar Øhlander
AKSJONISME OG BYMILJØVERNET Dag Kittang
Aksjonar som politisk uttrykksform prega debatten rundt vern og fornying av byar og tettstader den siste halvdelen av 1900-talet. Aksjonane utfordra funksjonalismens planleggingsideal med vekt på modernisering og fornying av dei historiske trehusmiljøa våre, og førte til at eit meir verneorientert syn vart etablert innanfor byplanlegginga.
Utanomparlamentariske aksjonar sette sitt preg på den politiske debatten i 1970åra gjennom protestar og aksjonar mot utbygging av vassdrag, nedbygging av kulturlandskap og sanering av historiske
byområde. Sakene, krava og uttrykksmåten var til dels nye, men aksjonar som politiske ytrings- og organisasjonsform hadde lenge spela ei sentral rolle i norsk og europeisk historie.
FORTIDSMINNEFORENINGEN ÅRBOK 2019
63
