2 minute read
JOSÉ LUIS PIÑERA. SIDRA PIÑERA
JOSÉ LUIS PIÑERA. SIDRA PIÑERA “¿Pagaries cinco euros por una botella sidre?”
Jose Luis Piñera.
Advertisement
Spoiler, los participantes na visita organizada por LA SIDRA al Llagar de Piñera taríen dimpuestos... siempres que se garantizare non solo la calidá, sinón l’orixe de la sidre y mui especialmente les condiciones de serviciu, siendo inrenunciable l’echaor/a y la meyora les condiciones llaborales d’estos
Los visitantes escuchen con atención nun intre de la visita al llagar.
Dempués del paréntesis marcáu pol branu, el Clú de LA SIDRA vien de retomar les sos visites guiaes pelos llagares asturianos que venía faciendo’l postrer xueves de ca mes. Nesta ocasión, el llagar escoyíu ye’l de Piñera, un llagar de calter familiar que data d’entamos del sieglu pasáu y que dende 1940 lleva comercializando la so sidre como Sidra Natural Piñera. Ellaborada de manera artesanal dafechu, el procesu de produción de sidre piñera incorpora nueves teunoloxíes pa masimizar el rendimientu, de magar l’importante procesu de modernización y d’ampliación de capacidá de produición que se desendolcó nel 1980, ensin desdexar en dengún momentu la tradición. Exemplu d’ello ye la prensa neumática que pudimos conocer na visita, capaz de mayar once tonelaes de mazana al tiempu en ciclos de cincu o cincu hores y media y qu’utiliza más que los dos llagares hidráulicos colos que tamién cuenta nes sos istalaciones. Anguañu en Sidra Piñera corchen tres palos de sidre estremaos, caún d’ellos con unes carauterístiques organoleutiques concretes y bien definies: Piñera, Llosa Serantes, y Piñera Etiqueta Negra, estes dos caberes acoyíes a la DOP ‘Sidre d’Asturies’, calificación que José Luis defende con comencimientu como l’únicu camín pa la sidre asturiano. Nes tres busquen un equilibriu de carauterístiques, tendiendo ca vegada más a monovarietales, utilizando poques races de mazana y siempres les mesmes, buscando pa la so sidre una personalidá definía mui concreta. Nello xuega un papel emportante les sos
VER MÁS SEMEYES
pumaraes, al par del mesmu llagar y que pudiemos conocer nel percorríu pel mesmu. Nel trescursu de la visita José Luis Piñera dio desplicaciones sobro la so sidre y retrucó a toles entrugues plantegaes polos presentes, pero tamién dio pie a un interesante alderique al que convidamos tamién a los nuesos llectores ¿Ta’l públicu asturianu preparáu pa una sidre más caro?. La rempuesta de los presentes foi enforma unánime: siempres que se trate d’una sidre cualitativamente meyor y que seya servía nes condiciones afayaíces, tendría xacíu una diferenciación de precios na sidre, neto que se fae con otres bébores nes que los precios nun son los mesmos en función de la calidá, comu’l vinu o la cerveza. Dientro d’ello matizóse que nun se trata namás de la calidá de la sidre en si, sinón de la necesidá de que seya bien echá por profesionales y de la emportancia de qu’estos esfruten de les condiciones llaborales y salarios que reconozan la rellevancia del so trabayu y lu dignifiquen.
Testu: Llucía Fernández Semeyes: Vera Anikina
