¿Y SI FALTARA CALIDÁ NA INFORMACIÓN DEL MUNDIU LA SIDRE?

Esti añu les conferencies del SISGA fueren una perbona fonte d’información y discutiniu al rodiu la sidre.

Muncha información y poca información non siempres son lo mesmo que la bona o mala información. Munches vegaes paeznos qu’al lleer eses informaciones entá tenemos más duldes qu’enantes de conoceles y fasta camentamos que quiciabes lo que mos falta nun ye la cantidá d’anuncies sinon la calidá de los conteníos que se mos tan ufriendo y, en dalgunos casos, fasta paez que de miente interesada

Si hebo daqué perinteresante nel caberu SISGA eso fuere’l so apueste poles conferencies y alderiques que s’ufi ertaren al públicu asistente. Toes elles bien escoyíes, y meyor acoyíes, que dieren pasu a discutinios non vistos fasta entóncenes. Hebo muncha y mui bona información; tanta y tan bona, que gracies a ella paez qu’alloriamos empecipiando a camentar que quiciabes mos prestaría saber entá más porque, dempués de los discutinios que viéremos nel SISGA, igual hai más informaciones que mos falten o que nun paecen ser lo que paecía que yeren. Nel mes de xunu viéremos pelos periódicos, y dalgunes páxines istitucionales de la sidre n’internet, un convite de calter internacional de brinde pola sidra diciéndonos que nesos díes cellebrábase’l denomáu Díi Mundial de la Sidre, un díi que naquelles dómines nun sabíemos quién nin ónde lu convocaben. Nesti puntu quier l’autor del artículu reconocer que nun-y diere muncha importancia, por nun dicir denguna. Poro sigún pasaben los díes nun se nos escaecía esta tema y punxímosnos a la gueta de cualesquiera informaciones qu’atopáremos, porque nel organismu internacional responsable de la reconocencia de les cellebraciones internacionales (la Organización de les Naciones Xuníes) nun atopamos res y nos periódicos del país malapenes atopábemos dellos artículos. Ún

El Díi Mundial de la Sidra y la Candidatura de la Cultura Sidrera Asturiana a Patrimoniu Inmaterial de la Humanidá son iniciatives nes que mos falta más informaciónd’información y discutiniu al rodiu la sidre.

solu, a dicir verdá, porque la mayoría de los artículos espublizaos na prensa yeren una copia d’un primer artículu, y ensin facer públicos nin l’autor orixinal nin el muérganu convocante de la cellebración. Masque sí que llegáremos a saber que la convocatoria venía d’una asociación mercantil d’Alemaña, la Verband der Hessischen Apfelwein und Fruchtsaft-Keltereien, l’Asociación de Llagares y Sidreríes de Hesen. Inda más, siguiendo cola gueta inversa de l’anuncia d’esti díi mundial de la sidra entamáu dende Alemaña, llegáremos fasta otra asociación europea, allugada en Bélxica, la European Cider and Fruit Wine Association, l’Asociación Europea de Sidra y Vinos de Frutes, nome curiosu asgaya, que, pa quien nun lo sepa, ye una asociación d’empreses que cunta ente elles coles cerveceres Heineken y Carlsberg. Muncho más interesante mos paecieren les conferencies que nel SISGA se desendolcaren al rodiu la importancia de les denominaciones d’orixe, nes que pudimos tener conocencia de primera man sobro la so necesidá como elementu de sofi tu a la identidá del productu agroalimentariu tradicional. Sicasí, nel alderique que siguió darréu, dende’l públicu aportárense dalgunes custiones perimportantes no que cinca al furrular de les denominaciones d’orixe. Ente elles la tocante a cuando frañare la D.O. Cava al colar de la entidá los ellaboradores más afamaos de Catalunya pa entamar con una nueva asociación nomada CORPINNAT, venceyada al conceutu identitariu ya ecolóxicu de los vinos del Penedès, énte’l conceutu del cava ellaboráu per otres fasteres d’España. Daqué que tamién tamos viendo n’otra denominación d’orixe, la D.O.C. Rioja, que tamién ta frañando pola so negativa a la reconocencia de la identidá propia de los vinos de la Rioja alavesa, na que los bodegueros yá cunten colos estatutos de la nueva asociación Viñedos de Álava. Otra tema tamién interesante asgaya ye la de la materia prima de la sidra, de la que se vien falando hai cuantayá ensin qu’haiga alcuerdu ente los que desi-

De la candidatura de la Cultura Sidrera Asturiana a Padremuñu Inmaterial de la Humanidá, carecemos de la tresparencia que les instituciones públiques y privaes debieren ufrir

Imaxe del estremáu procuru na presentación d’una sidra de calidá ya una cider industrial. El trabayu de la Denominación d’Orixe ye’l meyor afitu pa la nuesa sidre.

La convocatoria del Díi Mundial de la Sidre vien d’una asociación mercantil d’Alemaña, l’Asociación de Llagares y Sidreríes de Hesen

xen una sidra natural de mazana y los que puxaron por incluyir otres frutes y verdures na ellaboración de les sidres. Tamién esto apaeció nos discutinios del SISGA d’esta vuelta con dalgunos llagareros europeos qu’entrugaren por qué si’l vinu ye una bébora fecha de magar uva, cientu por cientu, nun pasa lo mesmo cola sidra, a la que les lleis dexen amesta-y otros productos. La entruga quedare ensin retrucar porque los ponentes de la mesa dixeren que la competencia ye de la Xunión Europea, de la que xurden estes lleis, anque ensin mentar que nos caberos años ente los mayores inversionistes de la sidra tan les compañíes cerveceres y dalgunes bodegues de vinu. Y, fi nalmente, otru tema de munchu interés y poca información ye’l de la candidatura de la Cultura Sidrera Asturiana a Padremuñu Inmaterial de la Humanidá, na que carecemos de la tresparencia que les instituciones públiques y privaes debieran ufrir a los que dende la so presentación tan afi tándola; de tala mena que mentanto nunos díes y nunes circunstancies se diz que yá ye un fechu, n’otros momentos dizse esa espresión tan patria de que ta too fecho “pa la vuelta viniente”. Nesti sen paez que pudiera vese dalgún resultáu col discutiniu que se desendolcare demientres el caberu SISGA, nel que delles presones punxeren na mesa les sos duldes sobro la tramitación de la candidatura, tres de ver na páxina ofi cial d’internet de la UNESCO qu’eso nun yera asina. Tres d’eso, hai pocos díes que’l Gobiernu del Principáu vien de dar delles razones al rodiu de la non consideración nesti añu, masque sí pa les xuntes de la organización internacional del viniente. Munches coses, y mui estremaes, coles que pesllamos l’artículu tornando al entamu y a la entruga y les dubies de si se carez d’una falta de calidá nes informaciones que mos lleguen sobro la sidre y de les que, por muncho que s’entrugue, non siempres atopamos rempuesta.