LA RELÈVE EST ASSURÉE
Dir als Pompjeeë sidd de wichtegste Pilier vum CGDIS. All Dag rett Dir Liewen a setzt Iech fir d’Sécherheet vun Äre Matmënschen an. Dësen Deel vum Magasinn ass dohier Iech, ob Jugend, operationelle Pompjee oder Veteran, dediéiert.
Communauté
Habillement bei de Jugendpompjeeën Jeffrey Weyer, Département pompiers volontaires
CGDIS
Kleederstock säit Ufank 2021 vum CGDIS geréiert Um Enn vum Joer 2020 sinn déi lescht Stocken un Uniforme fir Jugendpompjeeën vu Feelen an de Stock vum CGDIS integréiert ginn a soumat gëtt d’Verdeelung vun de Kleeder iwwer de zonale Stock garantéiert. Dëst war e gemeinsame Schrëtt vun der DML an dem JFA vun de „Lëtzebuerger Jugendpompjeeën“. Dëse Stock geet aktuell net duer, fir all CIS mat neie Kleeder an kuerzer Zäit ze beliwweren, dofir si weider Commandë mat Ausliwwerung fir Enn vum Schouljoer ugeduecht.
Doduerch kënnen déi Responsabel vun de Stocke sech riichten an d’Beliwwerung vun de CIS’e ka méi konsequent an adequat duerchgefouert ginn. Déi kierperlech Beschafenheet an de Wuesstem: De Wuesstem bei de Kanner bréngt e méi en dackse Kleederwiessel mat sech. Dofir preparéiert den Zone Chef ee Surplus u Gezei, fir sou heefeg Commanden ze verhënneren. Den Unitéitschef vun de Jugend pompjeeën zesumme mam Chef CIS si responsabel iwwer dës Kleeder an hir Verwaltung. Wann d’Kleeder net méi passen, ginn se iwwer de klenge lokale Stock am CIS gewiesselt. Am Fall wou se futti sinn kënnen d’Kleeder iwwer d’Formulairen um Dynaforms oder mëttels dem Stock aus de CIS’en ausgewiesselt ginn.
Wéi leeft dat ganzt elo praktesch of: De Chef d’unité jeunes pompiers schätzt wat hien u Quantitéit a Gréisste fir seng Jugendpompjeeë brauch. Duerno fëllt hien de Bestellformular aus, deen um Dynaforms ze fannen ass. No den 3 Ënnerschrëfte vum Chef d’unité, CIS Chef a Chef de zone gëtt d’Commande vum zonale Stock preparéiert.
D’Formulairë fannt Dir op Dynaforms ënnert folgendem Link: https://dynaforms.cgdis.lu/ home/documents/forms/logistics
Wann d’Jugendpompjeeën nach keng Uniformen hunn: Deklaréiert är Besoinen iwwer de Bestellformular um Dynaforms.
68
