Inclusão Sociopolítica dos Povos Indígenas do Tocantins - Povo Akwê - Xerente

ROM WASKU PSÊ AIMÕ NHANẼ KTÂPREZU SIKUTÕRĨ Tô kbure sisize tê sakra nõrĩ, smĩ zdawazaparkwai mẽ kãtô kãhã tê kmã kahõs kõ nõrĩ sisize tê sakra mnõ dat tmã wawi mnõ pibumã, kãtô dure rommãdkâ nã krsi dur mnõ za tokto ĩstõ ku aimõ kbure rommãdâ wasku nhanẽ aimõ ktâprezu tê kutõrkwa. Twa za tsi wasku pês kbure kmã danmĩpar mnõ pibumã kãtô dure aimõ kuitabr snã dat tmã kmãdkâ pibumã ĩsipi tâkã nẽhã dasiwawi mnõ pibumã ro sikrãiptẽ wa.

Twa tô sisize tê sakra mnõ aimõ dat tmã wawi mnõ pibumã, aimõ ro tmã smĩkra psê mnõ damẽ tô ĩstõ ku tê hri pibumã kãtô dure aimõ dat tmã wẽ kõ nõri sisize tê sakra mnõ kãtô dure aimõ ĩwarbe mnõ zatô dure aimõ damẽ tsi wasku pês aimõ nhanẽ tê kutõrĩ ktâprezu ĩsisizem nã tmã ĩwatbro.

Twa, tô kbure sisize tê sakra mnõ, aimõ siwasku psê pibumã aimõ nhãnẽ ktâprezu tê kutõrĩ, za aimõ sisize tê sakra tô ĩsnãkrta hawi za ktâprezum zanãmrkwa simã kmẽ zaihâ (contador) aimõ psê snã ĩsiswaskuze tê tmã kmãnãr pibumã.

Tô kbure sisize tê sakra mnõ za dure aimõ rom zamãr waihkukwa (advogado) simã krmẽ zaihâ tê waihkâ pibumã za siwasku psê pibumã aimõ nhanẽ ktâprezu tê kutõrĩ.

Tô tahã hêsuka dasiwasku psê re hã aimõ nhanẽ ktâprezu sikutõrĩ, za aimõ tsi ssõmr Justiça Eleitoral ku, tô bdâ aimõ 30 nã kmã nẽmr wi dasiwawi mnõ zem hawi. Twa, aimõ bdâ si hri tê samãr psê kõwa, hêsuka ĩsize dat kmã prê re hã aimõ tê kmã kahõs hawi dat tmã somr kõdi, tô aimõ kbure hêsuka siwasku re hã tê sõmr wamsi za dure tôtahã hêsuka dat kmã prê rê hã tmã sõmrn.

21