dendAZ. THIS IS BASQUE DESIGN AZKUNA ZENTROKO DENDA
dendaz.azkunazentroa.eus
dendAZ online: diseinurako eta artisautzarako leiho irekia, iraunkortasunarekin konprometitua
dendAZ. This is Basque Design, Azkuna Zentroaren denda, Kulturen Atarian kokatutako show room dinamiko eta bizia da. Bertan, produktu esklusiboak aurkitu daitezke, iraunkortasunarekin konprometituta dauden bertako hogeita hamar artistak, sortzailek eta artisauk eginak. Sorta zabala da: moda eta papergintza, liburuak eta jostailuak, bitxiak, osagarriak edo dekorazioa eta kultura-artikuluen aukera zabala. Zentroko kultura-programazioarekin lotutako arte-katalogoak eta liburuak ere eros daitezke, baita bertako hornitzaileek egindako merchandising korporatiboa ere. dendAZ. This is Basque Design lineako dendan zabaltzen da (dendaz. azkunazentroa.eus). Diseinura irekitako leiho bat, erosketa-esperientzia gisa, proiektu honen bereizgarriari eusten diona: bertako talentuaren ikusgarritasuna. Horrela, edozein lekutatik eta edozein unetan eros daitezke Zentroko produktu asko eta argitalpen guztiak, bai eta dendAZ komunitatea osatzen duten profesionalen lana ezagutu ere. dendAZ. This is Basque Design, eremu birtualean, Homo Faber Guide-ra (www. homofaberguide.com) hedatuko da datozen hilabeteetan. Europa osoko profesionalen, museoen, galerien eta denden aipamenak biltzen dituen gida digitala 76
da, eta esperientzia-ibilbide bat sortu du artisautzaren eta diseinuaren inguruan Abana Bilbao, Tytti Thusberg eta Ekomodo batu dira dendAZ komunitatera Hiruhileko honetan, hiru proiektu batu dira dendAZ. This is Basque Design komunitatera. Hainbat produkturen ingurukoak dira, baina diseinuaren bidez jasangarritasuna lortzeko interesa batzen ditu. Abana Bilbao -Lucas abajo eta Laxmi Nazabal- altzari garaikideen editorea da, eta berezko nortasuna duten altzariak eta osagarriak diseinatzen eta fabrikatzen ditu, bertako materialetan eta estilo atlantikoan inspiratuta. Tytti Thusbergek, Donostian bizi den artista eta diseinatzaile finlandiarrak, emozio iraunkorrak proposatzen ditu moda ekologikoko diseinuen bidez. Azkenik, EkoREC Europako enpresa industrial bakarra da, birziklatzeaz gain, produktu propio bilakatzen du, eguneroko produktu bihurtzen ditu ehunak. Hirurek aurkeztuko dituzte beren proposamenak hiruhileko honetan, apirilean eta ekainean egingo den Euskal Diseinuaz programaren barruan. Informazio gehiago: 28 eta 29 orri.
