Oideas: Sceallaí Seacláide Síle Ní Chearbhaill

BRIOSCAÍ SCEALLAÍ SEACLÁIDE

Síle Ní Chearbhaill

Níl aon rud níos deise ná brioscaí sceallaí seacláide agus bainne. Is sceallaí seacláide bainne amháin atá san oideas seo ach tá sé go deas le meascán de sceallaí bainne agus sceallaí bána nó le cnónna agus seacláid. Cuirim smarties leo má tá siad á ndéanamh agam do pháistí.

COMHÁBHAIR:

150g im 100g siúcra donn éadrom 60g siúcra gránaithe 1tsp úscra fanaile 1 ubh 225g plúr bán ½ tsp sóid aráin 200g sceallaí seacláide

MODH:

1. Réamhthéigh an t-oigheann go 190c/ gasmharc 5. 2. Smear 2 thrádaire bácála le him. 3. Uachtaraigh an siúcra agus an t-im le chéile go dtí go mbíonn an meascán éadrom agus clúmhach. 4. Measc isteach an ubh agus an t-úscra fanaile. 5. Crith isteach an plúr agus an tsóid aráin.

Measc gach rud le chéile leis na sceallaí seacláide. 6. Cuir cairn bheaga den mheascán ar na tráidirí le spúnóga. Fág spás idir na cairn. 7. Bácáil san oigheann ar feadh 8-10 nóiméad nó go mbíonn dath donn órga orthu. Beidh siad fós bog. Fuaraigh ar na tráidirí ar feadh cúpla nóiméad.

An Ofráil Laethúil

A Athair ró-ghrámhair, tugaim suas duit gach a bhfuil romham inniu, gach smaoineamh, focal is gníomh, gach áthas is brón. Ófralaim duit iad i bpáirt le Críost san Aifreann, ar intinn Chroí Íosa agus ar intinní an Phápa, mar atá ... (féach thíos) ... agus ar m’intinní féin. Deonaigh dom, trí spreagadh an Spioraid Naoimh agus le cabhair ó Chroí Mhuire gan Smál, an lá seo a chaitheamh ag freastal ortsa agus ar dhaoine eile. Amen.

MÁRTA:

Soiscéalaíoch: Cabhraímis le Críostaithe atá faoi ghéarleanúint.

Go dtuga an Eaglais ar fad tacaíocht ár bpaidreacha agus ár gcabhair ábhartha do Chríostaithe atá faoi ghéarleanúint.

AIBREÁN:

Uilíoch: An tAos Óg

Go ndéana daoine óga rud go fi al dá ngairm, agus go gcuimhní siad go dáiríre ar a saol a thíolacadh do Dhia mar shagairt nó sa bheatha rialta.

BEALTAINE:

Soiscéalaíoch: Críostaithe na hAfraice, fi nnéithe na síochána

Go ndéana Críostaithe san Afraic aithris ar Íosa Críost, agus fi anaise fh áidhiúil a thabhairt leis an athmhuintearas, le cothrom na Féinne, agus leis an tsíocháin.

Timire an Chroí Ró-naofa