Storja Prinċipali
DESTINY CHUKUNYERE
Ritratti: Matthew Cutajar
Il-Eurvision, il-familja u kurżitajiet oħra fuq Destiny!
Il-kantanta żagħżugħa Destiny ser tkun qed tirrappreżenta lil Malta fil-Eurovision Song Contest li ser isir f'Rotterdam l-Olanda. Din is-sena, il-kanzunetta magħżula hi Je Me Casse li bil-Malti tfisser Jien tlaqt ’l hemm. Kanzunetta li tagħti vuċi lin-nisa fis-soċjetà u tħeġġiġhom jużaw il-vuċi tagħhom biex jaqbżu għad-drittijiet tagħhom. Din is-sena l-Eurovision ser isir fit-18, 20 u 22 ta’ Mejju, u ser jixxandar b’mod dirett fuq TVM. Destiny hija tfajla simpatika immens, għandha karattru ferrieħi u moħħha biex tieħu pjaċir u ġġiegħel lin-nies ta’ madwarha jieħdu pjaċir magħha. Fuq kollox tfajla li tħobb u tgħożż lill-għeżież tagħha, b’mod speċjali lin-nanna tagħha Monica. Tkellimna ma’ Destiny fuq ir-relazzjoni li għandha m’ommha u anke fuq il-parteċipazzjoni tal-Eurovision ta’ din is-sena. Destiny, ser tkun qed tipparteċipa fl-ewwel semifinali li fih ser jikkompetu 16-il pajjiż. Malta ser tkun qed tagħlaq dan il-festival. Tgħid kif jgħidu l-Ingliżi “save the best for last”? X’taħseb Destiny fuq din? Inħossni kuntenta ħafna ħafna li ser nagħlaq is-semifinali! Ma nistax niddeskrivi l-pjaċir li ħadt xħin rajt li ser inkanta fl-aħħar post. Vera emozzjoni sabiħa li ser nagħlaq ix-xow.
Ikollok aktar eċitament? Ovvja. Irrid nagħlaq ix-xow with a bang! In-nies ma tantx jemmnuni kemm neċita ruħi meta nitla’ fuq palk. Inħossni qisni persuna li ser inkanta għall-ewwel darba. Vera nibża’ u neċita ruħi, u ommi teħel ma’ rasi. Avolja ħadt sehem fi Britain’s Got Talent u fil-Junior Eurovision, ma tagħmilx effett? Xejn! Dawk sempliċi avvenimenti li kienu kbar ħafna u li għenuni nikber, imma anke jekk inkun ser inkanta fuq palk żgħir xorta nħossni ħa mmut bl-eċitament. Peress li rbaħt il-Junior Eurovision, meta ssiefer jagħrfuk? Meta kont il-Bulgarija iva, ir-receptionist ma waqafx iħares lejja! Meta rani induna mill-ewwel min jien u qishom
GWIDA Mejju 2021
9
