Attivitajiet ta’ ġbir ta’ fondi7

07 Attivitajiet ta’ ġbir ta’ fondi

7. ATTIVITAJIET TA’ ĠBIR TA’ FONDI

7.1 Festa ta’ Ġenerożità nhar l-Ewwel tas-Sena

Fl-Ewwel tas-Sena, waqt il-Festa ta’ Ġenerożità fid-Dar tal-Providenza, organizzata mid-Dar tal-Providenza biex jinġabru fondi għad-Dar, inġabret issomma rekord ta’ €1,275,442. It-temp tajjeb għalkemm kemmxejn kiesaħ għen biex għadd kbir ta’ nies ġew is-Siġġiewi jagħmlu d-donazzjoni tagħhom taħt it-tinda li ttellgħet fil-parkeġġ. Bħal kull sena, għadd ta’ parroċċi f ’Malta u Għawdex organizzaw ġabriet speċjali.

Ix-xandira televiżiva bdiet fid-9.00am b’quddiesa mill-kappella tad-Dar mill-E.T. Mons. Charles J. Scicluna u baqgħet sejra sa wara nofsillejl meta tħabbret is-somma totali fost is-soltu ferħ u briju tal-għadd kbir ta’ voluntiera li taw ħinhom għal din il-Festa ta’ Ġenerożità. TVM1, TVM2, ONE TV u NET TV ingħaqdu f ’ħinijiet twal fixxandira diretta ta’ ftit aktar minn ħmistaxil siegħa. Matul ix-xandira kien hemm programm sħiħ ta’ divertiment taħt it-tinda bis-sehem ta’ kantanti u mużiċisti ewlenin Maltin.

Matul il-jum kien hemm żjarat millPresident ta’ Malta, is-Sinjura Marie Louise Coleiro Preca u r-raġel tagħha Edgar; Dr Chris Cardona, il-Ministru għallEkonomija, Investiment u Intrapriżi Żgħar li rrappreżenta lill-Prim Ministru, il-Kap talOppożizzjoni Dr Adrian Delia, is-Segretarju Parlamentari għad-Drittijiet tal-Persuni b’Diżabilità u Anzjanità Attiva, Anthony Agius Decelis; l-Arċisqof Emeritus Mons. Pawl Cremona O.P. u l-Isqof Awżiljarju Mons. Joseph Galea Curmi. Attendew ukoll għadd ta’ ministri u membri parlamentari miż-żewġ naħat tal-Kamra tad-Deputati u rappreżentanti ta’ korpi kostitwiti li qattgħu ħin iwieġbu t-telefonati tal-pubbliku.

7.2 Kunċert annwali mill-Friends of Providence House NSW

Aktar minn $9,000AUD inġabru waqt kunċert b’risq id-Dar tal-Providenza organizzat mill-Friends of Providence House NSW. Ilverżjoni Awstraljana tal-Festa ta’ Ġenerożità, li tgħaqqad il-ġbir ta’ flus mad-divertiment, sar fis-sala tal-La Valletta Social Centre fi Blacktown nhar il-Ħadd, 24 ta’ Frar 2019. Mistiedna tal-unur kienu Lawrence Buhagiar, Konslu Ġenerali ta’ Malta fi NSW, Godfrey Sultana, Viċi-President tal-La Valletta Social Centre u l-isponsor ewlieni, George Vella ta’ Breakaway Travel fi Blacktown.

7.3 Mixja ta’ 150 kilometru madwar Malta b’risq id-Dar tal-Providenza

€1,725 inġabru fi tmiem-il ġimgħa matul mixja ta’ 150 kilometru madwar Malta organizzata minn ‘Trail Makers’ b’risq idDar tal-Providenza. Il-mixja bdiet is-Sibt fis-sebgħa ta’ filgħodu mill-parkeġġ tad-Dar fis-Siġġiewi u ntemmet fl-istess post il-Ħadd għall-ħabta tal-ħamsa ta’ filgħaxija. Fl-aħħar parti, għadd ta’ residenti ingħaqdu ma’ dawk li kienu qed jieħdu sehem fil-mixja f ’dak li l-organizzaturi ddeskrivew bħala l-isbaħ mument tal-attività. Il-parteċipanti mxew madwar il-kosta u mis-Siġġiewi rħewlha

lejn it-Tramuntana ta’ Malta u baqgħu jduru f ’mixjiethom lejn in-Nofsinhar sakemm waslu lura erbgħa u tletin siegħa wara fil-parkeġġ tad-Dar tal-Providenza.

7.4 Bike Ride b’risq id-Dar tal-Providenza

€3,501 inġabru waqt Bike Ride b’risq id-Dar tal-Providenza li saret nhar it-Tlieta, 19 ta’ Marzu 2019, fuq inizjattiva tal-Onor. Rosianne Cutajar u t-tim tagħha bl-appoġġ tal-Onor. Ryan Callus. Iż-żewg Membri Parlamentari, kif ukoll madwar tliet mitt biker inġabru kmieni filgħodu f ’Wied is-Sewda f ’Ħal Qormi biex f ’temp mill-isbaħ jerħulha għal dawra madwar Malta. Id-dawra ntemmet fil-parkeġġ tad-Dar tal-Providenza fis-Siġġiewi fejn il-bikers ingħataw merħba sabiħa mir-residenti u l-ħaddiema tad-Dar. L-attività kompliet bi stunt show bil-muturi fejn intrebħu wkoll għadd ta’ rigali.

7.5 “La Via Del Calvario”, Kunċert ta’ Mużika Sagra b’risq Id-Dar tal-Providenza

Il-Katidral Metropolitan ta’ San Pawl flImdina kien mimli nhar is-Sibt, 13 ta’ April għal “La Via Del Calvario”, kunċert ta’ Mużika Sagra għall-Ġimgħa Mqaddsa mill-Banda talPulizija ta’ Malta taħt it-tmexxijja tas-Surmast Direttur, l-Assistent Kummissarju Anthony Cassar. Għall-kunċert, li sar b’risq id-Dar talProvidenza, kienu preżenti fost oħrajn l-E.T. il-President ta’ Malta, Dott. George Vella, ilMinistru għall-Intern u s-Sigurtà Nazzjonali, Dr Michael Farrugia, l-E.T. Mons. Arċisqof Charles J. Scicluna, il-Kummissarju talPulizija, is-Sur Lawrence Cutajar u Fr Martin Micallef, Direttur tad-Dar fis-Siġġiewi. IlBanda tal-Pulizija kienet akkumpanjata millAmadeus Chamber Choir, il-Guest Musicians Ensemble, is-sopran Ruth Sammut Casingena, it-tenuri Brian Cefai u Charles Vincenti, l-organista tal-Katidral tal-Imdina Dr Chris Rolè, l-arpista Esmeralda Galea Camilleri, il-vjolinista u sassofonista Mro David Joseph Sammut flimkien mal-‘Pipe Band’

tal-Korp tal-Pulizija. B’kollox, fil-kunċert ta’ sagħtejn u nofs ħadu sehem mhux inqas minn mija u għoxrin parteċipant. “La Via Del Calvario” kien wieħed minn tliet kunċerti li huma ppjanati għal matul din is-sena biex jitfakkru l-25 Anniversarju mir-riattivazzjoni tal-Banda tal-Korp tal-Pulizija fl-1994 u l-205 Anniversarju mit-twaqqif tal-Korp tal-Pulizija fl-1814.

7.6 ‘Angelus’, Kunċert ta’ Mużika Sagra mill-Medina Foundation for Music

Fil-5 ta’ April ittella’ Kunċert ta’ Mużika Sagra u klassika bl-isem “Angelus” li sar fil-Katidral Metropolitan ta’ San Pawl. Dan il-kunċert kien organizzat mill-Medina Foundation for Music taħt id-direzzjoni tal-E.T. Chev. Mark Agius bis-sehem tal-Anacrusis Choir u s-solisti Karen Gatt Darmenia sopran, Claire Massa mezzo sopran, Joseph Aquilina tenur u James Vella Bondin baxx.

7.7 BBQ b’risq id-Dar tal-Providenza

Nhar is-Sibt, 22 ta’ Ġunju l-voluntiera talMaratona tal-Volleyball organizzaw BBQ fil-Belvedere tad-Dar tal-Providenza bħala attività biex jinġabru fondi għall-istess Maratona. 7.8 Il-Maratona tal-Volleyball 2019

€687,795 inġabru waqt il-ħdax-il edizzjoni tal-Maratona ta’ Volleyball b’risq id-Dar tal-Providenza li saret bejn il-Ġimgħa, 5 u l-Ħadd, 7 ta’ Lulju 2019 fil-parkeġġ tadDar fis-Siġġiewi. Din is-somma tinkludi €378,226 li nġabru waqt l-edizzjoni speċjali tal-programm Xarabank tat-28 ta’ Ġunju fuq TVM. Erbgħin plejer rġiel u nisa, coaches,

referees, score keepers, tobba, fiżjoterapisti, infermiera u għadd kbir ta’ voluntiera oħrajn sfidaw is-sħana li ippersistiet u għal tlieta u ħamsin siegħa sħaħ intlagħab il-Volleyball biex jinġabru l-fondi li d-Dar tant għandha bżonn. Il-Maratona kienet inawgurata uffiċjalment il-Ġimgħa mill-E.T. il-President ta’ Malta, Dr George Vella. Żaru wkoll ilMaratona il l-Prim Ministru Dr Joseph Muscat u s-Sinjura Michelle Muscat, il-Kap tal-Oppożizzjoni Dr Adrian Delia, Mons. Arċisqof Charles J. Scicluna, l-Isqof Awżiljarju Mons. Joseph Galea Curmi, Ministri, Segretarji Parlamentari, deputati miżżewġ naħat tal-Kamra u membri Maltin tal-Parlament Ewropew. Kollha qattgħu ħin jirrispondu wkoll it-telefonati millmembri tal-pubbliku li kienu qed iċemplu biex jagħtu d-donazzjonijiet tagħhom. Il-Maratona tal-Volleyball ixxandret b’mod dirett f ’diversi ħinijiet fuq l-istazzjonijiet tat-televiżjoni TVM, TVM2, ONE TV u NET TV. Din il-Maratona setgħet tkun suċċess grazzi għal numru sabiħ ta’ voluntiera flimkien mal-players li għamlu xogħol imprezzabbli.

7.9 Fine Dining fl-Imdina organizzata minn Infinitely Xara

€26,300 inġabru waqt lejla gastronomika b’risq id-Dar tal-Providenza organizzata minn Infinitely Xara Co. Ltd, li s-sidien tagħha huma l-familja Zammit Tabona. Din l-ikla, li ġiet organizzata għat-tielet sena konsekuttiva, saret f ’Misraħ il-Kunsill fl-Imdina, biswit il-Kunsill Lokali tal-Imdina u bl-isfond talfaċċata grandjuża tal-lukanda ta’ ħames stilel, The Xara Palace Relais & Chateaux. Aktar minn mija u sebgħin ruħ attendew għal ikla ta’ ħames korsi akkumpanjata b’inbejjed differenti u mużika akustika minn Fiona Cauchi. L-ikla saret taħt il-patroċinju tal-E.T. Monsinjur Joe Galea Curmi, l-Isqof Awżiljarju ta’ Malta.

Għall-ikla attendew diversi kumpaniji stabbiliti li taw ġenerożament donazzjonijiet għad-Dar tal-Providenza. Is-sħab ewlenin għal din l-ikla kienu Conrad Family Office, PWC, VJ Salomone Marketing Ltd, Halmann Vella Ltd, KRS Releasing, The Point Shopping

Mall, MFSA, GSD Marketing Ltd, Malta International Airport, Insignia Cards, Francis J. Vassallo & Associates Group, Seifert Systems Ltd, the P. Cutajar Foundation u l-Kunsill Lokali tal-Imdina.

7.10 Donazzjoni mill-Friends of Providence House NSW

Il-Friends of Providence House NSW għamlu donazzjoni ta’ $AUD16,800 (€10,239) lid-Dar Tal-Providenza. Iċ-ċekk kien ippreżentat lil Fr Martin Micallef, Direttur tad-Dar, waqt ilMaratona tal-Volleyball li saret bejn il-5 u s-7 ta’ Lulju 2019 minn Leli Borg, ħu Jim Borg, ilKordinatur tal-grupp filantropiku Awstraljan. Il-flus inġabru permezz ta’ sponsorships, attivitajiet u donazzjonijiet.

7.11 BBQ mill-ħbieb ta’ Pierre Vella Petroni u Anne Marie X uereb

F’Lulju l-ħbieb ta’ Pierre Vella Petroni u Anne Marie Xuereb organizzaw BBQ b’risq id-Dar tal-Providenza fejn inġabret is-somma ta’ €5,425. Il-kumpaniji li taw flus jew prodotti għall-BBQ kienu Valyou Superstore tanNaxxar; Prime Limited; Big Fresh tal-Mosta; General Soft Drinks Co. Ltd.; Simonds Farsons Cisk; C. Camilleri & Sons; Zamco; IsSinjuri Ronnie Axisa u Karl Vella Petroni; Vascas; Studio 9; Provita; Rausi & Co; Joseph Casapinta, artist; BOV plc u BNF Bank. 7.12 Fewġa Klassika –Kunċert mis-St Paul’s Metropolitan Orchestra Is-St Paul’s Metropolitan Orchestraippreżenta kunċert vokali u strumentali fil-Knisja Parrokkjali ta’ Santa Luċija taħt id-direzzjoni ta’ Chev. Mro. Mark Agius. Il-kunċert kien organizzat mill-Kunsill Lokali ta’ Santa Luċija b’risq id-Dar tal-Providenza. Ħadu sehem is-soprani Karen Gatt Darmenia u Frances Catherine Farrugia, it-tenur Joseph Aquilina, il-baritonu Louis Andrew Cassar u l-mistiedna speċjali Louisa Buhagiar. Preżenti għall-okkażjoni kien hemm il-Viċi Sindku, is-Sur Frederick Cutajar, il-kappillan Rev. Dr Joe Mizzi, id-Direttur tad-Dar tal-Providenza, Fr Martin Micallef u rappreżentanza talkomunità Ċiniża f ’Malta.

7.13 Pasta Night mis-sotto kumitat tad- Dar (Ħbieb tad-Dar tal-Providenza – Siġġiewi) Nhar id-9 ta’ Awwissu, il-Ħbieb tad-Dar tal-Providenza (Siġġiewi), li hu sotto kumitat tad-Dar tal-Providenza, organizza Pasta Night b’risq id-Dar fil-Belvedere tad-Dar tal-Provdienza. Is-somma miġbura minn din l-attività kienet ta’ €1,200. Din is-sena dan ilgrupp organizza numru ta’ attivitajiet oħra ta’ ġbir ta’ fondi

7.14 Ġabra waqt quddiesa fir-Ramla tal-Qortin

Nhar is-Sibt, 17 ta’ Awwissu, bħal ma tagħmel kull sena l-Assoċċjazzjoni tal-Boathouses organizzat ġabra waqt il-quddiesa li ssir apposta għall-villeġġjanti. Il-quddiesa kienet iċċelebrata minn Fr Martin Micallef, idDirettur tad-Dar. Din is-sena inġabret issomma ta’ €932.

7.15 Ġabra waqt il-quddiesa tal-Festa ta’ Santa Marija ta’ Ħal Muxi.

Bħalma jsir kull sena l-Arċipriet ta’ ĦażŻebbuġ fl-okkażjoni tal-Festa ta’ Santa Marija li tiġi ċċelebrata fil-Kappella ta’ Santa Marija ta’ Ħal Muxi stieden lid-Direttur tad-Dar talProvidenza biex jiċċelebra quddiesa li fiha ssir ġabra għad-Dar tal-Providenza. Din is-sena nġabret is-somma ta’ €323.

7.16 Festa Għeneb fis-Siġġiewi

Grupp ta’ residenti tad-Dar tal-Providenza ħadu sehem f ’Festa Għeneb organizzata millKunsill Lokali tas-Siġġiewi fil-pjazza ewlenija tar-raħal nhar il-Ħadd, 25 ta’ Awwissu 2019. Huma tellgħu stand fejn setgħu jesibixxu u jbiegħu prodotti tal-ikel li jħejju huma fiċĊentru Agrikolu San Isidor. Is-sotto-kumitat tad-Dar Ħbieb tad-Dar tal-Providenza - Siġġiewi tellgħu stand biex ibiegħu xorb għannies bil-qliegħ imur għad-Dar tal-Providenza. 7.17 Swieqi Fest

Nhar it-8 ta’ Settembru, waqt is-Swieqi Fest, attività sportiva organizzata mill-Kunsill Lokali Swieqi b’risq id-Dar tal-Providenza inġabret is-somma ta’ €1,100. Preżenti għal din l-attività kien hemm Fr Martin Micallef, Direttur tad-Dar tal-Providenza, li rringrazzja lill-Kunsill Lokali u lil dawk kollha li ħadu sehem.

7.18 Volleyball League mill-Impegati tal-Isptar Mater Dei

€1,020 inġabru matul il-5 edizzjoni talMater Dei Hospital Volleyball League 2019 organizzat mill-Employee Health and Well Being Unit fi ħdan l-Isptar Mater Dei b’kollaborazzjoni mal-Malta Volleyball Association nhar is-Sibt, 7 ta’ Settembru fil-Cottonera Sports Complex.Din is-sena, kien hemm rekord ta’ timijiet li ħadu sehem – 15 b’kollox u l-istess bħal fis-snin l-imgħoddija, id-dħul kien kollu b’risq idDar tal-Providenza. Wara kompetizzjoni

ħarxa bejn il-15-il tim, Volley Lama, Land Sharks, Mater Dei u More Volley Mates ikkwalifikaw għas-semi-finali. It-tim ta’ Mater Dei kiseb it-3 post, Volley Lama it t-2 post waqt li Land Sharks ġew iddikjarati r-rebbieħa.Ħajr speċjali jmur għall-helpers li bil-għajnuna li jagħtu nistgħu nħarsu ’l quddiem għal aktar Volleyball Leagues li bis-saħħa tagħhom kulħadd jista’ jgawdi l-isport, jagħmel ħbieb ġodda u fl-istess waqt jgħin lid-Dar tal-Providenza.Is-CEO tal-Isptar Mater Dei, is-Sur Ivan Falzon u Ms Monica Camilleri, Assistant Principal Employee Health & Well Being ta’ Mater Dei għamlu l-preżentazzjoni ta’ €1020 lil Fr Martin Micallef, Direttur tad-Dar.

7.19 Bike Ride u BBQ or ganizzat mill-Forzi Armati ta’ Malta

Nhar il-Ġimgħa, 27 ta’ Settembru, ilForzi Armati ta’ Malta bil-koperazzjoni tal-Pulizija ta’ Malta u l-Protezzjoni Ċivili organizzaw Bike Ride li telqet mill-Barracks tal-Forzi Armati f ’Ħal Luqa u ntemmet b’Pasta Night b’risq id-Dar tal-Providenza fid-Dar tal-Providenza fis-Siġġiewi. Waqt din l-attività nġabret is-somma ta’ €1,512.

7.20 Id-Djarju tad-Dar

Għal darb’oħra d-Dar reġgħet ippreparat djarju f ’forma ta’ ktejjeb żgħir li jista’ jinżamm fil-but għas-sena 2020. Dan id-Djarju jinkludi l-ħinijiet tal-quddies kollu li jsir fil-knejjes kollha ta’ Malta u Għawdex kemm fil-Ħdud kif ukoll fil-ġranet l-oħra. Kif ukoll lista talfesti parrokkjali kollha fiż-żewġ gżejjer għassena 2020.

Dan id-djarju tqassam lil kull dar f ’Malta u Għawdex flimkien ma’ invilopp bejn l-aħħar ta’ Settembru u l-bidu ta’ Ottubru 2019, bl-indirizz tad-Dar biex min irid jagħti donazzjoni lid-Dar permezz tal-posta. Permezz ta’ dan id-djarju, li bit-tagħrif li fih jibqa’ jintuża s-sena kollha, is-sostenituri jkollhom l-opportunità li juru s-solidarjetà tagħhom mad-Dar.

Fil-ġimgħat ta’ qabel beda jitqassam dan id-Djarju għadd kbir ta’ voluntiera minn kull qasam tal-ħajja taw daqqa t’id fl-ippakkjar ta’ dawn id-djarji f ’envelopes apposta.

Ir-ritratt bil-kulur tal-qoxra kien ta’ pittura tal-artist Francis Galea.

Il-Middlesea Valletta Life Assurance Company Ltd u GasanMamo Insurance sponsorjaw l-istampar tad-djarju. Din is-sena l-Maltapost reġgħet qassmet dan id-Djarju b’xejn.

7.21 ‘Requiem et Ressurrectio’ –Kunċert mis-St Paul Metropolitan Orchestra

Il-Ġimgħa, 8 ta’ Novembru s-St Paul Metropolitan Orchestra tellgħet kunċert b’risq id-Dar tal-Providenza bl-isem ta’ ‘Requiem et Ressurrectio’ fil-Katridal Metropolitan tal-Imdina. Ir-repertorju sagru esegwit huwa xogħol tal-kompożitur Malti Mro. Joseph Sammut. Dan ix-xogħol kien ġie esgwit għall-ewwel darba fl-1991.

7.22 Maratona ta’ 30 siegħa ta’ xandir minn Radju 103 Maltasheart

€12,710 inġabru waqt maratona ta’ 30 siegħa mużika fuq 103 organizzat minn Arthur Caruana b’risq id-Dar tal-Providenza. Ilmaratona bdiet il-Ġimgħa, 6 ta’ Diċembru fis-6.00am u baqgħet sejra sa nofsinhar tal-għada. Fi tmiem il-maratona, Fr Martin Micallef, Direttur tad-Dar tal-Providenza, irringrazzja lil Arthur u t-tim tiegħu li organizzaw il-maratona: Nescafè, Beacon Media Group, Newsbook, preżentaturi ta’ 103 Maltasheart, kantanti, bands, semmiegħa u dawk kollha li taw l-appoġġ tagħhom permezz ta’ donazzjoni. L-Arċisqof Charles J. Scicluna u l-Isqof Awżiljarju Joseph Galea Curmi żaru l-istudios ta’ 103 biex jappoġġjaw lil Arthur u t-tim tiegħu kif ukoll biex iħeġġu lill-poplu jagħmel donazzjoni lid-Dar talProvidenza.

7.23 Kunċert mill-Banda tal-Forzi Armati ta’ Malta

Id-Dar tal-Providenza u l-Forzi Armati ta’ Malta, bil-kortesija tal-Kapitlu Metropolitan tellgħet il-kunċert annwali b’risq id-Dar taħt il-patroċinju distint tal-E.T. Dr George Vella, President ta’ Malta. Il-Kunċert sar fil-Katidral tal-Imdina. Waqt il-Kunċert ingħata l-Premju Dun Mikiel Azzopardi. Is-somma miġbura waqt dan il-Kunċert kienet ta’ €1,453.

7.24 Milied fis-Siġġiewi

Kull sena l-Kunsill Lokali tas-Siġġiewi jorganizza attività bl-isem Pjazza Milied filpjazza tas-Siġġiewi. Din l-attività ssir b’risq id-Dar tal-Providenza.

7.25 Dawra bil-Ferrovija għat-tfal

Is-sotto Kumitat (Ħbieb tad-Dar talProvidenza,Siġġiewi) organizza Train Ride għat-tfal mill-Pjazza fis-Siġġiewi. (Ara 8.7) Din l-attività saret is-Sibt, 7 ta’ Diċembru 2019 bejn id-9.00am sas u s-6.00pm Is-somma miġbura minn din l-attività kienet ta’ €2,154. Soċjetà Mużikali Santa Marija tal-Qrendi reġa’ organizza Maratona ta’ 63 siegħa ta’ xandir mill-istess każin b’risq id-Dar. Għal dan il-għan il-Ħadd, 22 ta’ Diċembru organizzat ukoll attività tal-Milied fil-pjazza tal-Qrendi b’risq id-Dar. Bħal kull sena numru sabiħ ta’ kumpaniji u l-entitajiet governattivi u tal-Knisja komplew jappoġġjaw lid-Dar tal-Providenza permezz tal-iskema tal-għoti ta’ 25ċ mill-ħaddiema kull xahar li b’kollox inġabru €73,523.

7.28 Coin Boxes

I d-Dar tqassam diversi coin boxes f ’diversi ħwienet madwar Malta kollha. Voluntiera tad-Dar jgħinu biex jingħaddew dawn il-flus. B’kollox din is-sena ġbarna €6,090.

7.29 “Karus ta’ Mħabba”

Id-Dar tal-Providenza toffri karus mingħajr ħlas lil dawk il-parroċċi jew skejjel li jixtiequ jħeġġu lit-tfal jissaportjaw lid-Dar talProvidenza. Ma’ dan il-karus li jissejjaħ ‘karus ta’ mħabba’ inqassmu wkoll flyer bil-Malti u bl-Ingliż li fiha nispjegaw lit-tfal u lillgħalliema l-għan ta’ din l-inizjattiva kif ukoll x’jistgħu jagħmlu aktar biex fis-soċjetà tagħna l-persuni b’diżabilità jkunu meqjusa verament indaqs. Din l-inizjattiva nippreżentawha bħala parti minn katina ta’ inizjattivi li persuna tista’ tagħmel favur il-persuni b’diżabilità u d-drittijiet tagħhom. Ħafna drabi dan il-karus ta’ mħabba jintuża fi żmien ir-Randan. Din is-sena minn din l-inizjattiva nġabret is

7.26 Maratona ta’ 63 siegħa ta’ xandir minn Radju 15 ta’ Awwissu

Bħal kull sena Radju 15 ta’ Awwissu fi ħdan is

7.27 L-iskema tat-25ċ

somma ta’ €5,761.

7.30 Wedding bookmarks

Id-Dar toffri bookmark biex jintużaw minn dawk il-koppji li jagħżlu li minflok souvenirs tat-tieġ jagħtu donazzjoni lid-Dar. Din is-sena l-offerti laħħqu s-somma ta’ €6,100.

7.31 Okkażjonijiet Speċjali u Mwiet

Din is-sena, kien hemm ukoll numru ta’ persuni li fl-okkażjoni ta’ għeluq sninhom jew f ’anniversarju tat-tieġ tagħhom, organizzaw festin fejn stiednu l-familjari u l-ħbieb biex minflok rigali jagħtu donazzjoni lid-Dar talProvidenza.

Ikun hemm min li meta xi membru tal-familja jiġi nieqes, jagħżlu li minflok fjuri jintbagħtu donazzjonijiet lid-Dar tal-Providenza. Din is-sena daħħalna €158,877 minn dawn iddonazzjonijiet.

7.32 Bażar u Ċ entru Agrikolu

Id-Dar għandha bażar li jinfetaħ għallpubbliku kull nhar ta’ Tlieta u kull nhar ta’ Ħamis filgħodu. F’dan il-bażar jinbiegħu oġġetti li l-pubbliku jagħti lid-Dar biex jinbiegħu. Il-bażar jiftaħ ukoll waqt diversi attivitatjiet li d-Dar torganizza u li jkunu miftuħa għall-pubbliku.

Iċ-Ċentru Agrikolu jbiegħ ukoll il-prodotti fid-Dar stess u waqt wirjiet li jsiru matul issena kif ukoll fl-uffiċċju tal-Belt.

7.33 Uffiċċju l-Belt Valletta

Id-Dar għandha uffiċċju fi Triq San Pawl, il-Belt, li jiftaħ kuljum filgħodu mit-Tnejn sasSibt. Matul l-2019 minn dan l-Uffiċċju daħlu €33,652 f ’donazzjonijiet. 7.34. Kalendarji għall-benefatturi

Kull sena d-Dar tal-Providenza, tistampa 5,000 kalendarju ta’ mal-ħajt u 1,000 kalendarju għall-fuq l-iskrivanija (tent calendar) biex jitqassmu lill-benefatturi li jiġu d-Dar waqt il-ġranet tal-festi tal-Milied u l-ewwel tas-sena biex jagħtu d-donazzjoni tagħhom. Din is-sena l-istampi ta’ fuq ilkalendarju kienu pitturi tal-artist Għawdxi John Grima.