Felicidade

A felicidade

A felicidade está relacionada con...

• Sentirte ben contigo mesmo.

• Permanecer en harmonía coa Creación.

• Manter un compromiso cos demais.

Fomos creados para ser felices, e a nosa felicidade está vinculada á do resto de persoas. É imposible sentirte feliz cando os que te rodean sofren o pasan mal por calquera razón.

Cando alcanzamos un soño, superamos retos, conseguimos algo que desexabamos ou cumprimos desexos: sentimos a felicidade. Pero a felicidade é moito máis que eses momentos esporádicos da nosa vida. Podemos ser felices no noso día a día sen que pasen cousas extraordinarias, gozando das pequenas cousas como, por exemplo, unha tarde con amigos, un paseo ao sol coa avoa, xogar coa túa mascota, ler un libro, etcétera.

Para ser feliz non existe un manual de instrucións nin un GPS que te guíe. Tampouco uns filtros que che mostren o lado bonito da vida. A felicidade é un xeito de vivir buscando o lado bo das cousas que che suceden e o ben común, mostrando agradecemento, construíndo un mundo máis solidario e comprometido.

Ser feliz é amar como nos ensina Xesús.

2. Realiza unha enquisa a diferentes persoas con estas dúas preguntas: «Que é para ti a felicidade?» «Que necesitas para ser feliz e por que?».

3. Escribe no caderno un momento feliz da túa vida.

• Expoñédeos en clase e extraede conclusións sobre eses momentos.

• Deseña un cartel que exprese que é para ti a felicidade. Cólgao no teu cuarto.