Apuntamentos de veny

Veny elixe a Xesús

Hoxe elixo seguir a Xesús e camiñar ao seu lado para vivir unha vida mellor.

Elixo ser parte dunha familia grande, aberta e acolledora onde compartir a miña vida e a miña fe, a Igrexa.

Celebro os sacramentos, e neles descubro a Deus e encontro a forza para seguir camiñando.

Con Xesús conéctome á vida, en todo o que me sucede, en cada persoa coa que me encontro, na oración, na natureza.

Organizo os meus apuntamentos

Recibir

Creación

Recordo o que aprendín

• Xesús é o centro da vida cristiá en comunidade.

• Os sacramentos, instituídos por Xesús, marcan os momentos máis importantes da vida dos cristiáns.

• Os sacramentos son sete: o Bautismo, a Confirmación, a Eucaristía, a Reconciliación, a Unción de enfermos, a Orde sacerdotal e o Matrimonio.

• A felicidade cristiá vívese a través do servizo á comunidade e a todas as persoas.

Cóntame o que aprendiches

Responde no teu caderno

1 Que implica a vida cristiá?

2 Que son os sacramentos?

3 Que é unha catedral?

4 Completa a frase: A vida cristiá conéctate...

Experimenta e crea

5 Por parellas, elaborade un podcast que conte o que aprendemos ao longo desta unidade. Expoñédeo en clase de xeito orixinal e divertido.

Como aprendiches

6 Continúa neste novo curso co teu Diario de Reli. Escribe nel o que aprendiches nesta unidade ou con calquera tema tratado en clase.

• O ideal é que redactes as túas reflexións ou o que queiras gardar no teu interior para poñelo en práctica.

• Iso fará da túa vida e a das persoas que te rodean máis solidaria e bondadosa. Non o dubides.

7 Escribe no teu caderno o que che gustou e o que non che gustou da unidade.