VERÁN Amor de verán

«Quen nos pode arredar do amor de Cristo?

Porque estou seguro de que nin a morte nin a vida, nin os anxos nin os principados, nin o presente nin o porvir, nin as potestades, nin a altura nin o abismo, nin calquera outra criatura nos poderá afastar do amor que Deus nos ten en Cristo Xesús, noso Señor».

Le o relato completo na Carta aos Romanos 8, 35-39.

Remata sexto, péchase unha etapa e comeza un verán moi especial, con moitos sentimentos e emocións

Por un lado, coa nostalxia de rematar Primaria con todo o que vivimos estes anos. E por outro, coa ilusión e os nervios ante o comezo unha etapa nova apaixonante: a Secundaria.

Se tiveses que resumir todo o aprendido este tempo sería que o amor de Deus é infinito e que nunca nos abandona, pase o que pase. É un amor que nos impulsa a vivir, a acariñar a natureza, a ser unha gran familia que se respecta e coida a buscar o ben e a felicidade común. Un amor que nos busca e se deixa encontrar en toda a Creación, no silencio, na oración, na celebración e no corazón.

Deus coñécete, sabe o teu nome e está namorado de ti, quérete como es e non hai nada que te poida separar del.

Sempre está contigo.

1. Escribe no teu caderno o que máis che gustou e o que aprendiches durante este curso na clase de Relixión.

2. Imaxina que o compartes nunha rede social. Elixe o formato e edítao en vídeo, cun baile, unha foto, un texto, un reto, etcétera. Expoñede os traballos en clase.

Nam Rate Este Ver N

Abre ben os ollos e mira ao teu arredor: o sol, o aire, o río, o mar, as estrelas. O teu grupo de amigos de verán, as persoas novas que vas coñecer, as que te coñecen e te queren. Viaxes, excursións, paseos, carreiras, mil cousas novas por facer e por descubrir. Xeados, mosquitos, cancións, auga fresquiña e calor.

Ama moito e goza de todo o que che brinda a vida. Porque o amor conéctanos con Deus, con nós mesmos e cos demais.

Atrévete a amar, a conectar.

Realiza o test do amor

Elixe só as opcións coa que te queres comprometer e namorar este verán:

1 Namórate da Creación

• Comprométete a coidala.

• Goza da súa beleza.

• Non deixes residuos e recicla.

2 Namórate das persoas

• Respecta a cada persoa como é, única e diferente.

• Axuda sempre a quen o necesite.

• Busca o ben común.

Suma 1 punto por cada opción elixida en cada un dos bloques.

Resultados por bloques:

3 puntos: Namorado

2 puntos: Frechazo

1 punto: Amor a distancia

0 puntos: Que é o amor?

3 Namórate de ti

• Coida o teu corpo.

• Coida a túa mente.

• Quérete como es.

4 Namórate de Deus

• Descúbreo no que te rodea.

• Comparte e celebra a túa fe.

• Ama como Xesús nos ensina.

3. Tras coñecer a túa elección, elabora o teu propósito de amor para este verán no teu caderno.