COn moita arte

Pai, Fillo e Espírito Santo

Os cristiáns cremos nun só Deus: Pai, Fillo e Espírito Santo.

Así o expresamos rezando o Credo na Eucaristía. A seguinte obra de arte que che mostramos trátase dunha icona —as iconas son os cadros típicos de Rusia—, creado polo artista ruso Andréi Rubliov (h. 1360-1430). Representa a Trindade.

Nesta icona, Rubliov pintou a unidade e a pluralidade da Trindade. Vemos tres anxos que son case idénticos entre si: teñen o mesmo rostro, o mesmo tamaño, levan roupas parecidas e os tres sosteñen unha vara. Represéntase un diálogo entre eles, sen palabras, con xestos serenos e harmoniosos de gran beleza.

• O anxo da esquerda representa o Pai. A cor azul con transparencias da súa roupaxe simboliza a divindade.

• O anxo central representa o Fillo ou Cristo. As cores azul e vermello do seu manto simbolizan que é Deus —azul— e home —vermello.

• O anxo da dereita é o Espírito Santo. Viste túnica azul porque é Deus, e un manto verde que simboliza a vida, porque o Espírito Santo é o que nos dá a nova vida polo Bautismo.

Nos tres anxos aparece a cor dourada, que simboliza a luz de Deus. Están sentados ao redor dunha mesa cun cáliz que representa a Eucaristía, símbolo da Comuñón con todos os cristiáns.

1. Observade a obra e mediante unha chuvia de ideas comentade en clase o que máis vos chama a atención desta preciosa icona.

Que arte tes!

As iconas

As iconas combinan imaxes e símbolos. As imaxes que representan teñen unhas características moi especiais:

• Non son tridimensionais.

• Nunca levan sombras, porque Deus é luz.

• Teñen importancia as miradas.

• As paisaxes sempre aparecen en segundo plano.

• Todos os detalles posúen un significado relixioso.

• Cada cor ten un significado teolóxico. Neste sentido utilizan ouro ou dourado, branco, azul, vermello, verde, marrón e negro.

Antes de comezar a pintar unha icona, o artista debía xaxuar, facer oración e ser bendicido pola comunidade. De maneira que unha icona non pode entenderse separándoo da fe.

As iconas son moito máis que obras de arte; son como catequese. Ensínannos e axúdannos rezar.

Como é Deus para ti?

As iconas están cheas de simboloxía. Con todo o que aprendiches nesta unidade sobre como é Deus, realiza unha icona coa imaxe que tes de Deus.

1. En silencio e con calma, pensa no que coñeces de Deus. Anótao se o cres necesario.

2. Pide a Deus que che axude a saber transmitir esas ideas a través da arte.

3. Utiliza toda a túa creatividade e deseña símbolos que reflictan cada idea.

Axuda en anayaeducacion.es