MILEX-2021:
Sərgidə diqqət çəkən yeniliklər ?Zaur Babaşov, Rizvan Fikrətoğlu Silah və hərbi texnika istehsalı iqtisadiyyatın ən yüksək texnoloji sahələrindən biridir, eyni zamanda dövlətlərarası münasibətlərin və milli təhlükəsizliyin təmin olunmasında mühüm rol oynayır. Bu baxımdan müasir dünyada diqqət çəkməyi bacaran müdafiə sənayesi sərgiləri yalnız texnoloji çəkiyə malik deyil, həm də dövlətlərarası münasibətlərin qurulmasında böyük əhəmiyyət daşıyır. 23-26 iyun 2021-ci il tarixlərində Belarus Respublikasının Minsk şəhərində keçirilmiş “MILEX-2021” 10-cu Beynəlxalq Silah və Hərbi Texnika sərgisi bir çox yeniliklərlə müşahidə olundu. Bu, Belarusda koronavirus pandemiyasının yaratdığı məhdudiyyətlərin tətbiqindən sonra ölkədə keçirilən ilk böyük beynəlxalq tədbir oldu. POLİQON jurnalı “MILEX-2021” sərgisini dərindən izləmiş və bu barədə yenilikləri Azərbaycan ictimaiyyətinə təqdim edir. Ümumiyyətlə, MILEX sərgisi həmişə yüksəksəviyyəli təşkilatçılığı, uğuru və xarici tərəfdaş ölkələrin ona olan
32 www.poliqon.az
marağı ilə seçilmişdi. Şərqi Avropa bölgəsindəki ən böyük ixtisaslaşdırılmış müdafiə sənayesi sərgisi hesab olunan MILEX-də başda Belarus olmaqla müxtəlif ölkədən müdafiə sənayesi sektorunda fəaliyyət göstərən şirkət və dövlət müəssisələri iştirak edərək öz məhsullarını sərgiləmişdir. Sərgidə əsas ağırlıq Belarusun müdafiə sənayesi şirkətlərinin payına düşmüşdür. MSN rəhbərliyi MILEX sərgisinə qatılıb. Ümumilikdə Belarus, Rusiya, Çin, Türkiyə və Özbəkistandan 150 müdafiə sənayesi şirkəti öz ekspozisiyalarını “Minsk
Arena” Kompleksində nümayiş etdirmişdir. Sərgidə Belarus 119 şirkət, Rusiya 27 şirkət, Çin 2 şirkət, Türkiyə 1 şirkət, Özbəkistan Müdafiə Sənayesi üzrə Dövlət Komitəsi ilə təmsil olunmuşdur. Müasir silah və hərbi texnika modellərinin nümayiş olunduğu sərgidə Azərbaycan da daxil olmaqla 21 ölkədən 31 rəsmi nümayəndə heyəti iştirak etmişdir. Azərbaycanı müdafiə sənayesi naziri Mədət Quliyevin rəhbərlik etdiyi nümayəndə heyəti təmsil etmişdir. Görüşlər zamanı Azərbaycan Müdafiə Sənayesi Nazirliyi ilə müvafiq qurumlar arasında hərbi-texniki sahədə əlaqələrin inkişaf
