Interess
IL-PROGRAMM SAJFI X’ser ikun qed jagħmel Malcolm Pisani?
2806 Media Productions immexxija mill-kantant Malcolm Pisani u t-tfajla tiegħu Kim Cutajar li hija wkoll kantanta u attriċi, ser ikunu qed iwasslu programm frisk għas-sajf! It-tnejn għandhom għal qalbhom il-midja u ħarġu bilprogramm D BBQ Show, programm li ser inissel tbissima lil kull telespettatur li ser ikun qed isegwi ta’ kull ġimgħa. Lil Malcolm snin ilu konna rajnieh ukoll jippreżenta programm tal-kċina u wara 7 snin ser jirritorna bħala preżentatur. “Il-ħsieb li ntellgħu programm kienet ilha tberren f’moħħna iżda dejjem niddiskutu ħafna ideat u qatt ma kkonkludejna xejn, sakemm meta konna fil-bidu nett tal-Covid-19 kellna iktar ħin f'idejna u ġurnata fost l-oħrajn qbadna nitkellmu biex nieħdu dan il-programm aktar bis-serjetà. Minnufih bdejna naraw x'nistgħu nagħmlu biex intellgħu prodott tajjeb biex it-telespettaturi li ser ikunu qed jaraw dan ilprogramm mid-dar jieħdu gost magħna. Wara kollox dak huwa l-għan tagħna li wara weekend sħun tas-sajf kulħadd ipoġġi fuq is-sufan u jsegwi programm ta’ divertiment,” jgħidilna Malcolm. Malcolm iżid li fil-programm ser naraw diversi personalitajiet, “Ikkuntattjajna lil personalitajiet personalment biex nagħmlulhom stedina uffiċjali filprogramm tagħna u meta spjegajna l-andament ta’ dan
il-programm mal-ewwel aċċettaw ... avolja fl-aħħar ta’ kull programm, it-tellief ser ikollu sfida, iżda għal dan u iktar tridu ssegwu D BBQ SHOW”. Ser ikun programm ta’ divertiment, tisjir, daħk, kurżitajiet – riċetti interessanti ta’ x'nistgħu nitgħallmu u nsajru fuq ilbbqs tagħna. Waqt dan il-programm sajfi ma jonqosx ukoll li jkollna xarba friska; ta’ kull ġimgħa ser inkunu qed naraw lil James jipprepara din ix-xarba mhux alkoħolika, ideali għall-familja kollha. Malcolm mhux ser ikun waħdu fil-programm malpersonalitajiet, iżda miegħu ser ikollu lill-kok Melvin li ser jispjega l-ingredjenti ta’ x'ser isajru l-personalitajiet mistiedna u fl-aħħar u mhux l-inqas ikun qed jagħti l-verdett tiegħu ta’ min jirnexxilu jsajjar l-aħjar u ta’ min jagħmel l-aqwa preżentazzjoni tal-platt. Ta’ kull ġimgħa fuq il-paġna uffiċjali ta’ D BBQ SHOW ħafna rigali ser jkunu qed jintrebħu mit-telespetturi meta jipparteċipaw fil-kompetizzjonijiet ta’ kull ġimgħa. D BBQ SHOW ser jibda l-Ħadd 4 ta’ Lulju 2021 fuq NET wara l-bulettin tal-aħbarijiet tas-7.30pm. Malcolm Pisani u Kim Cutajar iħeġġu lit-telespettaturi Maltin u Għawdxin biex isegwu dan il-programm u jissapportjaw l-ewwel produzzjoni televiżiva tagħhom, u jwegħduhom serata li ħa tnissel tbissima fuq kulħadd.
GWIDA Lulju 2021 25
