Suara Saking Bali
Édisi LIX | Séptémber 2021
Satua Cutet Terjemahan
tapaswi Leo Tolstoy
Uskup sedek numpang kapal uli Archangel ka biara Solovétsk, lan di duur kapalé ento ada masi makudang penumpang ané lakar matirtayatra ka candi-candi ané ada di tongosé ento. Pajalané antar. Aginé makesiur tis. Ané lakar matirtayatra ada ané mabahan, madaaran lan ada masi ané ngrembug. Uskup, masi, majalan kema, lan dugas ragané matolihan menék tuun tepukina makudang nak muani sedeng majujuk di haluan tur ningehang raos bendéga ané nujuh-nujuhang limané ka tengah pasih. Uskup marérén lan nyurengang paningalan ka tongos ané tujuhanga tekén bendégané. Sakéwala tusing ada apa tepukina sajaba yéh pasih ané makenyah kasunarin ai. Uskup majalan maekang meled bareng ningehang, nanging tatkala bendégané nepukin Uskup, ia ngelés topongné tur mendep. Ané lénan masi bareng ngelés topong tur nguntul.
16