16
moonnâm. Toh puohtii sárnuđ veikkâ mast. Ohtii máttáátteijee eeđâi, et syemmilijn taat mana masa ain nuuvt, et toh tietih kielâoopâ mut iä sánáduv, ko toh ain loheh uŋgarkielâ suomâ-ugrilii kielâtutkâmuš ohtâvuođâst ađai eresnáál ko veikkâ škoovlâst, aalmuglâšopât tuvâst teikkâ kielâkuávdáást. Oppâtijmij maŋa lâi távjá monniilágán kulttuur ohjelm, ovdâmerkkân aalmugmuusikkonserteh teikkâ čaitâlmeh. Ehidist uáppeeh monnii kam puskuávlu Galéria kávézó -nommâsii kähvi viistán, teikkâ baari tot eenâb lâi. Jiem tieđe, et kihheen ličij juuhâm tobbeen käähvi, lâš-uv tobbeen käähvi vyebdimnáál lamaškin. Tot lâi áávus ain muu mušto mield koskâiijâ räi, mut jis tastmaŋa lâi vala koško, te saatij eelliđ aldasii käävpist. Uŋgarist iä lah alkoholvyebdim raijiittâsah. Tubbáák tuše ferttij uástiđ peiviv, ko Uŋgarist tom ij pyevti uástiđ ko sierânâs Nemzeti dohánybolt -nommâsijn kaavpijn, moh láá hyeneeht áávus. Monnii suujâst Galéria kávézó ij lamaš oholoopâi ääigi áávus, te ferttij moonnâđ mottoom eres sajan. Maaŋgâs eteh, et Debrecen ij lah eromâš mučis kaavpug, mut ton ollâopâttuv kampuskuávlu tuođâi lii. Kampus lii viijđes já uáli ruánáá. Baari lasseen tobbeen láá ovdâmerkkân riššokäldee já kirkko já kirhoost meid olmâ kähviviste. Ollâopâttâh še lii muččâd, taggaar ärbivuáválii nálásâš ige taggaar ko veikkâ Tuurku ollâ opâttâh. Debrecenist joteh kyehti rađevávnu kiäinu še, mut taid tarbâšij kevttiđ viehâ harvii. Kyevti oho keččin kesikuursân poođij nubbe uáppee, kote lâi lamaš fáárust Tuurku ollâopât tuv uŋgarkielâ kuursâin. Tot kesikurssâ lâi tag gaar, et tobbeen puovtij leđe kyehti vuossâmuu oho teikkâ kyehti majemuu oho, jis ij halijdâm leđe nelji oho. Siämmáá ääigi tot vuossâmuš
turkulâš skippáár vuolgij jo meddâl. Mist syemmilijn lâi išeruttâ kesikuursâ várás, já toos kuulâi máttááttâs lasseen aassâm já purrâmuš hadde. Tobbeen lijjii kuittâg tagareh ulmuuh še, kiäh jiejah maksii ubâ homá, teikkâ sii vanhimeh maksii, mut jyehi tááhust uáppeeh lijjii išeruđâttáá. Já tot kulloo lâi tiivrâs. Jiem mušte tárkká, mon ennuv tot maavsij, mut čielgâsávt paijeel tuhháát eurod tot lâi, lâš-uv lamaš joba kyehttuhháát, jis tobbeen luuvâi nelji oho. Must lâi älkkee leđe pääihi alne nelji oho, ko kiinii eres maavsij. Vaidâlitteht uáppeeh sarnuu enâmustáá eŋgâlâš kielâ koskânis. Nuuvt lâi tondiet, et kuursâin lijjii ulmuuh veikkâ mon ennuv, aainâs-uv paijeel čyeti, já táiđutääsih-uv lijjii ton mield: kiinii maatij jo aalgâst uŋgarkielâ masa tievâslávt já kiinii eres ij máttám vala ollágin. Saksaliih já nuorttâriijkâliih lijjii ennuv, nuuvt et uŋgarkielâ lasseen muu eŋgâlâš- já saksakielâ táiđu-uv puáránij. Vala ton-uv keežild ko muu visteskipáreh láin Sveeicist já Amerikast. Puohlágán draama-uv tobbeen kuursâ ääigi kale lâi, ko lijjii nuuvt ennuv ulmuuh jieškoteuvlágánijn enâmijn, já enâmustáá toh lijjii nuorah. Veikkâ lâi mii luuhâmjuávhust meiddei ohtâ 75-ihásâš nuorttâriijkâlâš äijih, kiäs uŋgarkielâ lâi ääigiájánâs. Pyereest tot sáárnui.
Nijttomarikielâ kesikurssâ Kiđđuv 2017 mun ožžum tiettiđ, et must álgá čohčuv pargo, mast mun rááhtám šleđgâlii korpus marikielâ várás, teikkâ marikielâi várás; toh láá kuittâg kyehti kirjekielâ. Mun lijjim oppeet luuhâm monnii verd nijttomarikielâ ollâ opâttuvâst, mut kuittâg poođij mielân, et mađe pyerebeht tom máttá, tađe älkkeebin pargo vaarâ šadda. Uuccim išeruuđâ marikielâ kesikuursâ várás já ožžum tom. Ton ive kurssâ
