Foto: Thomas Bickhardt • Bickfoto.
ASTRUPTUNET Han skapte nokre ikoniske portrett av bygda sin, Nikolai Astrup. Besøker du Astruptunet kan du stå der han sto ved staffeliet, og kjenne på korleis du sjølv vert påverka av omgjevnadene. Den vakre kunstnarheimen til Engel (1892 – 1966) og Nikolai Astrup (1880 – 1928) ligg idyllisk til ved Jølstravatnet. Nikolai Astrup er ein av Noreg sine mest kjende kunstnarar og har i løpet av dei siste fem åra hatt lanseringar i England, Tyskland, USA og Sverige. Tekstilkunsten til Engel Astrup har dei seinare år blitt løfta gjennom utstillingar, og hennar sentrale rolle på Astruptunet har blitt ein viktig del av forteljinga om kunstnarheimen. Det pågåande restaureringsarbeidet i hagen vil få fram att livsverket til kunstnaren, og du kan spasere blant både rabarbra og frukttre som han sjølv brukte igjen og igjen som motiv. I den nyoppussa kaféen kan du nyte sveler og kaffi med utsikt over Jølstravatnet.
OPNINGSTIDER 17. juni – 30. juni, kl. 11.00 – 16.00. 1. juli – 31. juli, kl. 10.00 – 17.00. 1. august – 14. august, kl. 11.00 – 16.00. 19. august – 11. september, fredag – sundag kl. 11.00 – 16.00 PRIS GALLERI: Vaksne kr. 100,- / Honnør, student kr. 75,- / Born (0 – 18 år) GRATIS PRIS OMVISING: Vaksne kr. 125,- / Honnør, student kr. 100,- / Born (under 7 år) GRATIS / Born (7 – 18 år) kr. 50,- / Familebillett kr. 250,KONTAKT: Tlf. 57 72 12 20 · sum@misf.no · misf.no/nn/astruptunet
fjordkysten.no
15
