eru nokkrar óæskilegar aukaverkanir þekktar s.s. skjálfti, kvíði, svefnleysi, háþrýstingur og hjartsláttartruflanir. Neysla koffíns undir morgun hefur neikvæð áhrif á svefn viðkomandi, þá hversu vel honum gengur að sofna og einnig á gæði svefnsins (Horrocks og Pounder, 2006; Schwartz og Roth, 2006). Rannsókn Liira o.fl. (2014) benti til þess að notkun svefnlyfja bætti ekki gæði svefns eftir næturvaktir og áhrifin breyttust ekki með hærri skömmtum. Svefnlyf hjálpi hvorki einstaklingum að sofna fyrr né sofa lengur. Melatónín hefur verið notað af vaktavinnufólki í gegnum tíðina í þeim tilgangi að bæta svefn. Þá er melatónín tekið eftir vaktina til að stuðla að betri og lengri dagsvefni en rannsókn Crowley o.fl. (2003) sýndi ekki marktæk tengsl melatóníns og betri svefns.
Lokaorð
Vaktavinna getur verið skemmtileg og gefandi upplifun í sjálfu sér en hún getur hins vegar haft margvísleg neikvæð áhrif á heilsu og líðan þeirra sem hana stunda (Marquié o.fl., 2014; Niu o.fl., 2011). Þá getur vaktavinna haft víðtæk áhrif á aðra einstaklinga s.s. skjólstæðinga vaktavinnufólks (Brown o.fl., 2012; Marquié o.fl., 2014; Niu o.fl., 2011), fjölskyldur þeirra og vini (Kryger, 2007). Þá benda rannsóknir til að þreytt og syfjað vaktavinnufólk ógni umferðaröryggi samborgara (Brown o.fl., 2012; Peate, 2007). Heilsuvernd og eftirlit með vaktavinnufólki er mikilvægur þáttur til að fyrirbyggja alvarlegar afleiðingar vaktavinnunnar og er það okkar einlæga von að hægt sé að nýta þessi skrif til frekari heilsueflingar og forvarnarstarfs.
Styrktarsjóður LSS Styrktarsjóður LSS tók við af styrktarsjóði BSRB og hefur sl. þrjú ár verið starfræktur á vegum Landssambands slökkvliðs- og sjúkraflutningamanna.
Vinnuveitendur greiða 0,75% iðgjald pr. félagsmann í sjóðinn og geta félagsmenn sótt ýmsa styrki tengda heilsufari sínu, hvort sem það eru andleg eða líkamleg veikindi eða í formi forvarna til að tryggja betra heilsufar. Sjóðurinn styrkir hátt í 20 mismunandi málaflokka og þar eru sjúkradagpeningar, líkamsrækt og fæðingarstyrkir algengustu styrkirnir. Þar á eftir koma tannlækningar, sjúkraþjálfun, augnaðgerðir og sálrænn stuðningur. ,,Aukning í sjóðinn hefur verið um 30% milli ára og er þetta kærkomin búbót fyrir okkar félagsmenn,“ segir Guðrún Hilmarsdóttir, skrifstofustjóri LSS. Í stjórn sjóðsins sitja þau Hermann Sigurðsson framkvæmdastjóri, Guðrún Guðrún Hilmarsdóttir Hilmarsdóttir skrifstofustjóri og Halldóra skrifstofustjóri LSS.
Guðjónsdóttir bókari. Þegar sjóðurinn var fluttur yfir til LSS var tekin ákvörðun um að þeir sem sitja í stjórn LSS sjái ekki þær umsóknir sem berast eða eru samþykktar. Starfsfólk skrifstofunnar eru einu aðilarnir sem vinna við umsóknirnar enda eru þar oft á tíðum viðkvæmar upplýsingar. ,,Vegna erfiðra aðstæðna sem koma upp hjá viðbragðsaðilum veitir Styrktarsjóður LSS aukna styrki í sálrænan stuðning, hvort heldur eru rýnifundir með sálfræðingum í samráði við stjórnendur eða einstaklingsviðtöl. Einnig er til ferli um sálrænan stuðning hjá Neyðarlínunni sem er virkjað ef upp koma ákveðnar aðstæður með það að markmiði að tryggja að okkar félagsmenn séu andlega vel á sig komnir og geti sinnt starfi sínu áreynslulaust“ segir Guðrún. „Við hvetjum félagsmenn okkar að kynna sér úthlutunarreglur og hvaða rétt þeir hafa á heimasíðu okkar www.lsos.is.“ Á vakt fyrir Ísland
35
