Gwida December 2021

EDITUR

Anthony M Baldacchino

DIRECTOR OF SALES & OPERATIONS

Lindsey Napier

DISINJATUR

Nicholas Cutajar

QARREJJA TAL-PROVI

Nicole Sammut

SENIOR BRAND SALES MANAGER

Jessica Spiteri Catania

SENIOR BRAND SALES EXECUTIVE

Wanaha Camilleri

SENIOR OPERATIONS & ACCOUNT EXECUTIVE

Sue Ann Pisani

RITRATT TAL-FAĊĊATA

Clint Gerald Photography

EMAIL info@gwida.mt

SIBNA FUQ FACEBOOK @Gwida.mt

SIT UFFIĊJALI www.gwida.mt

UFFIĊĊJU EDITORJALI, PUBBLIKATUR, UFFIĊĊJU

GĦAR-REKLAMAR

Content House, Mallia Buildings, 3, Level 2, Triq in-Negozju, Zone 3, Central Business District, Birkirkara, CBD 3010

TEL 2132 0713

PUBBLIKATUR

KONTENUT

Storja Prinċipali

08. Intervista ma’ Danita Camilleri – Il-Milied, il-ħajja tagħha u ċ-ċkejken Lenny

Intervisti oħra

18. Intervista ma’ Keith Demicoli – Il-Ħajja tiegħu wara l-PBS

26. Intervista ma’ Ike u Kaya – Ir-rappreżentanti ta’ Malta fil-Junior Eurovision

42. Intervista ma’ Eileen Montesin – L-Imħabba għall-Milied u x’kien hemm ġdid dis-sena...

Editorjal

48. L-Ikel tal-Milied – X’ser issajjar?

52. Il-Moda tax-Xitwa – X’ser tilbes?

58. Ir-rigalli tal-Milied – X’ser tixtri għall-familja tiegħek?

63. Missio – Knisja ġdida f’Mabanda

72. Is-solitudni – Artiklu minn FSWS

Kompetizzjoni

25. L-aħħar kupun biex tkun tista’ tirbaħ €1000 fi flus kontanti

64. Tisliba bi premju

65. Il-logħba tal-Editur

77. Kompetizzjoni oroskopju minn PaulJon

Skeda

32 – 40. Skeda bil-programmi fuq l-istazzjonijiet lokali u barranin

Skript

67. Strada Stretta: Episodju 8/ L-ewwel Staġun: It-tielet Parti

© Content House 2021

Id-drittijiet huma kollha riservati. Riproduzzjoni tar-rivista jew parti minnha hu pprojbit mingħajr permess speċjali u bil-kitba. L-opinjonijiet inklużi fil-GWIDA mhux neċessarjament huma dawk talEditur jew tal-Pubblikatur. Minkejja li kull attenzjoni raġjonevoli ttieħdet biex il-magażin ikun korrett u komplut, l-Editur u l-Pubblikatur mhumiex responsabbli għal żbalji u nuqqasijiet fl-artikli, reklamar, ritratti u stampi.

Riċetti

74. Riċetta ta’ Manuel Xuereb – Meatloaf festiv

75. Riċetta t’Anton B. Dougall – Bruschetta bil-ġobon feta

Oroskopju

77. Tagħrif dwar iż-żodjaku Sagittarius minn PaulJon

78. Iż-żodjaku ta’ dan ix-xahar

GWIDA DIĊEMBRU 2021

10. Intervista ma’ Danita Camilleri –Il-Milied, il-ħajja tagħha u ċ-ċkejken Lenny Ritratt Prinċipali: Clint Gerald Photography

L-ITTRA TAL-EDITUR

Anthony M. Baldacchino - Editur ta' GWIDA

Għeżież, Wasalna f’Diċembru u din hi l-aħħar GWIDA ta’ din is-sena! Kif għaddiet din is-sena! L-2021 tibqa’ mfakkra bħala s-sena talvaċċin fejn il-ħajja bdiet terġa’ tmur għan-normal wara waqfa minħabba l-pandemija tal-Covid-19.

Fir-rivista tagħna GWIDA, laqqajniekom ma’ diversi personalitajiet u komplejna nagħtukom ħarsa lejn l-aħħar stejjer ta’ gossip. F’dan l-aħħar GWIDA ta’ din is-sena, ser inlaqqgħukom ma’ tliet min-nies li jispirawni ħafna, fosthom Danita Camilleri magħrufa bħala One Chick and a Yorkie. Lil Danita sirt nafha s-sena l-oħra. Ġiet għall-photoshoot ġimagħtejn wara li kienet welldet u għandna ritratt tagħhom it-tnejn flimkien li ser jibqgħu jgħożżu għal dejjem. Wieħed mir-ritratti li kien ħa l-bravissimu Matthew Cutajar spiċċa biex qiegħed tattoo fuq idejn Andrew (ir-raġel ta’ Danita).

Għall-photoshoot ta’ din l-edizzjoni morna l-Art at Home, fejn hemm għażla wiesgħa ta’ kċejjen, kmamar tas-sodda, sufanijiet, eċċ. Bdejna bil-photoshoot u Lenny spiċċa jaqbeż fuq is-sodda! Beda jdur max-xowroom kollha waqt li Danita u jien tkellimna ftit dwar x’ġara f’dawn is-sentejn. Għal din nixtieq minn qalbi nirringrazzja lil Neville Refalo ta’ Art at Home għall-paċenzja li ħa bina dakinhar. Kif ukoll grazzi lil Clint Gerald tar-ritratti ħelwin li ħa.

Żewġ personalitajiet oħra li nammira huma Keith Demicoli u Eileen Montesin. Keith din is-sena ssorprenda lil kulħadd xħin ħabbar li kien ser jirriżenja mill-PBS. Staqsejnieh fuq dan, u anke issa li sar ziju! Keith hu umli, b’personalità tal-ġenn, u dejjem bi tbissima jara kif ħa jgħin lil kulħadd. Kellimt lil Keith ħafna drabi, iżda għal din l-intervista domna aktar minn siegħa nitkellmu u komplejt nikkonferma kemm hu raġel eżemplari, bla ebda pretenzjonijiet.

Ikolli nistqarr magħkom li minn dejjem kont ammiratur ta’ Eileen. Kont insegwi kull programm/serje li kienet tagħmel. Eileen din is-sena qed tkun aktar fuq Instagram fejn ta’ spiss tlaqqagħna

ftit ma’ affarijiet li tiltaqa’ magħhom. Eileen din is-sena reġgħet saret nanna! Eileen nammiraha għax dejjem kreattiva, mara umli, simpatika u reali. Eileen ma tinħebiex wara xi karattru meta tkun qiegħda fuq it-televiżjoni, iżda tkun hi. Dak hu s-sabiħ tagħha; li dejjem tkun taf fejn qiegħed magħha.

Tabilħaqq, din ser tkun l-aħħar rivista li ser nieħu ħsieb bħala editur. Kien għalija unur kbir u sabiħ li nkun parti minn din irrivista tant għal qalb ħafna Maltin u Għawdxin. Meta aktar kmieni din is-sena żort il-Biblijoteka biex nara l-edizzjonijiet tal-passat tal-GWIDA, stajt nammira li jien kont parti minn kullana sabiħa. Minkejja li l-internet hu għodda sabiħa, ir-rivisti ser jibqgħu jservu ta’ storja. Għadni niftakar meta kont żgħir nixtri l-GWIDA; aktar tard kont nibgħat lil Frederick li kien l-editur ta’ qabli biex nikteb fil-GWIDA, biex imbagħad spiċċajt nieħu ħsiebha għal aktar minn sentejn. Nixtieq nirringrazzja lil Jesmond u Iil Isabel li emmnu fija sa mill-bidu nett li kont kapaċi nieħu ħsieb din ir-rivista tant għal qalbi.

Tajjeb li ngħidu li dan mhux it-tmiem tar-rivista GWIDA iżda hemm aħbarijiet kbar u interessanti!

Il-GWIDA bħala magażin ta’ kull xahar mhix ser tibqa’ tiġi ppubblikata fis-sena 2022, iżda minflok qed naħdmu fuq pubblikazzjoni kbira u ambizzjuża, li tixbah iktar il-format ta’ coffee table book, li ser tibda toħroġ darba fis-sena. Aktar dettalji fil-ġimgħat u x-xhur li ġejjin. Nixtiequ nirringrazzjaw lilleluf ta’ qarrejja tal-GWIDA li tul iż-żmien baqgħu jixtru u jaqraw il-GWIDA. Infakkrukom li tistgħu ssegwu dak kollu li għaddej fiddinja tal-ispettaklu u t-televiżjoni billi ssegwu Gwida.mt, u s-social page tagħna fuq Facebook. Gwida.mt huwa l-iktar lifestyle portal segwit f’Malta.

Ir-riżultati tal-kompetizzjonijiet tagħna marbuta mar-rivista tal-GWIDA se jitħabbru fuq Gwida.mt!

F’isem it-tim kollu ta’ Content House, nixtiequ wkoll nawgurawlkom il-Milied u s-sena t-tajba. Grazzi.

Ritratti: Clint Gerald Photography

Fil-bidu tas-sena 2020, konna laqqajniekom għall-ewwel darba ma’ Danita Camilleri. Danita taħdem fil-midja soċjali u kuljum ittella’ ritratti u filmati ta’ xi jkun ġralha fil-ħajja tagħha. Dak iż-żmien Lenny kien għad kellu biss ftit ġimgħat. Għal din l-edizzjoni Iltaqjna ma’ Danita fixshowroom ta’ Art At Home, Ħ’Attard, biex nieħdu sett ta’ ritratti. Din id-darba, għall-kuntrarju tas-sena l-oħra, Lenny ma riedx joqgħod! Beda jiġri max-showroom kollha u fl-aħħar kellna nwegħduh id-doughnuts biex joqogħdilna għar-ritratti. Infatti fir-ritratt tal-qoxra qed taraw dik it-tbissima ħelwa tiegħu għax taħt il-kamera kien hemm ritratt tad-doughnuts jidhru! Għal min iħobb isegwi lil Danita jaf li Lenny hu wikkiel, obbidjenti u bravu ħafna. Ftit tal-ġimgħat ilu, Lenny beda wkoll jattendi child care. Din hija l-intervista ma’ Danita.

Ħafna nies jibagħtulek fuq Lenny u fuq l-iżvilupp tiegħu. Kif taraha din?

Jien nagħmilha biex ngħinu lil xulxin. Jien nirċievi ħafna messaġġi mingħand in-nies jgħiduli x’għandi nagħmel u x’ inhu l-aħjar. Jibagħtuli ħafna għalliema li jaħdmu f’child care centres tad-daqs ta’ Lenny, u infermiera. Ovvjament jien nieħu l-pariri tagħhom u mbagħad nerġa’ naqsamhom mal-followers tiegħi biex dejjem nitgħallmu minn xulxin.

Lenny imma beda jitgħallem ħafna malajr u n-nies bdew jikkummentawlek fuqha din ukoll!

Iva dik iddejjaqni. Mhux f’sens ħażin, imma lit-tfal ma tistax tikkumparahom. Mhux kollha l-istess; forsi Lenny ma jafx jagħmel xi ħaġa li jafu jagħmlu huma u li jagħmel Lenny, ma jagħmlux ħaddieħor.

Tgħidilna ftit fuq il-karattru tiegħu?

Gas down! Ovvjament għadu żgħir imma s’issa jidher vera obbidjenti. Lenny jekk jara karta mal-art imur jarmiha fiż-żibel, jekk imur it-toilet jiflaxxja. Iħobb jidħaq ħafna u mhux xi wieħed joqgħod jeqred. Nisperaw li jibqa' hekk! L-unika ħaġa li għandu hi li jħobb joqgħod wisq miegħi, dik tinkwetani! Nibda ngħid li jekk ikollu xi waħda u titilqu, aqta’ kemm jibki. Għaliex anki l-iskola hemm għalliema waħda u l-ħin kollu mwaħħal magħha, u ma jrid lil ħadd iktar.

Din is-sena l-ewwel darba li beda child care. Kif kienet l-ewwel ġurnata?

L-ewwel ġurnata daħal qisu raġel, għidt bomba jien! Tgħidx kemm mort ferħana d-dar, beka ftit imma mhux tal-għaġeb u għidt vera mar tajjeb. Imma mbagħad dejjem niggravaw; aħna kollox bil-kontra! It-tieni ġurnata tkun agħar mill-ewwel, għax l-ewwel ġurnata ma kienx jaf x’ħa jiġri. Issa qed nissetiljaw ħafna imma kif iqum filgħodu u jkun jaf li t-Tnejn għax ikun sejjer l-iskola jkun irid li ngħidlu l-istorja. Ivvintajtlu storja ta’ din it-tifla li tmur l-iskola. Kif jiftaħ għajnejh ikun irid jismagħha din l-istorja u jgħidli “storja Lucy... storja Lucy”. Jiġifieri jkun jaf, jibqa' jeqred u ma jkunx irid imur, imma mbagħad tgħidx kemm jieħu pjaċir.

“Lit-tfal ma tistax tikkumparahom.”

Kif preparajtu għall-iskola?

Meta mort il-laqgħa taċ-child care ħadt filmat ta’ kullimkien, għax vera sabiħa. Bdejt nurih il-filmati minn qabel u allura hu vera kien ħerqan biex imur għax għandhom il-ground vera sabiħ, hemm slide u ħafna affarijiet tat-tfal.

U inti kif ħadtha?

Jien ħsibtni ħa nkun ħażin ħafna, avolja nimmissjah għax jien it-tifel dejjem miegħi. Fil-verità jien bniedma li kont niddejjaq inħallih ma’ ommi u mal-kunjata għax kulħadd għandu x’jagħmel u niddejjaq qisni nitfa’

l-piż tiegħi fuqhom. Allura li naf li mar hemm ma’ nies li qed jagħmlu xogħolhom u qed jieħu gost, ħadt naqra r-ruħ. Jiġifieri dawk it-tliet sigħat li jkun hemm, nipprova nagħmel kemm jista' jkun affarijiet ħalli ma nagħmilhomx meta t-tifel ikun miegħi u ma noqgħodx indejqu.

Miss Celine hi l-għalliema ta’ Lenny. Xi tgħidlek fuqu?

Miss Celine tħobbu ħafna. Jien il-biżgħa li kelli fuq Lenny kienet li meta jitkellem ma jifhmuhx, għax jien bħala ommu nifhmu x’qed jgħid, imma forsi ħaddieħor le. Allavolja hu jitkellem ħafna, bdejt ngħid, “Tgħid ħa jitkellem l-iskola?” għax il-karattru tiegħu ma nafx hux miegħi biss hekk jew jekk hux ħa joħroġ il-karattru tiegħu ma’ nies li ma jafx. Imma jkellimhom ħafna u joħdilhom rashom.

Wara kif kienet ir-reazzjoni tiegħu? Ħa pjaċir?

Wara dejjem jiġi super kuntent id-dar, u għalhekk qisni nkun irrid nerġa’ nibagħtu. Ikun jidher li ħa pjaċir, jgħidli x’għamel minn xħin jidħol sa ma joħroġ, eżempju fuq x’kienet l-istorja, x’qagħad jagħmel, x’kantaw. Allura jien inkun moħħi mistrieħ. La jiġi lura d-dar ferħan ngħid mela li qed nagħmel għall-ġid tiegħu.

“La jiġi lura d-dar ferħan ngħid mela li qed nagħmel għall-ġid tiegħu.”

U qed tieħdu l-pixxina hux?

Imma m’għamilniex suċċess, ma jridx imur iktar. Taf xi ġralu? Hu jħobb jgħum liberu bil-life jacket, però hemm bla affarijiet tal-għajnuna u xejn; trid iżżommu inti. Il-pixxina kienet żgħira, allura rah differenti mill-baħar u ma jridx imur, imma ma noqgħodx nisfurzah.

Xi jħobb jagħmel Lenny?

L-iktar ħaġa li jħobb huma t-trains għax iħobb ħafna lil Thomas and Friends. Infatti ħija biċċajt jgħidlu li tant kemm ħa jkun bravu li hu ħa jivvintahom it-trains f’Malta. Iħobb ukoll jagħmel dak li nagħmlu aħna pereżempju jekk inkun qed insajjar, ikun irid borma biex joqgħod iħawwad taparsi qed jagħmel bħali. Jekk inkun qed naħsel, ikun irid jaħsel, iħobb ħafna jimita lilna l-kbar. Bħala tifel imbagħad iħobb ikanta, jiżfen u jikkummiedja.

Imma jħobb ukoll il-privatezza. Ġieli ma jkunx irid li tuża l-mobile.

Dik għax hu jkun irid l-attenzjoni kollha fuqu. Mhux lili biss jagħmilha, anka lil missieru jgħidlu “no” biex ineħħi l-mobile u jħares lejh. Hu jkun jaf li bil-mobile ma nkunux qed nagħtu kasu mija fil-mija. Imma mbagħad ġieli jkun irid li noħdulu xi ritratt u jgħidilna hu stess, jgħidilna “photo!”

Intom għandkom kelb ukoll, jismu Buddy. Kif imorru flimkien?

Ma’ Buddy tajjeb ħafna, tant li qatt ma bsart li ħa jmorru tajjeb flimkien daqshekk. Buddy iktar ma jikber Lenny iktar isir close tiegħu. Issa Lenny tgħallem jagħtih it-treats, iżiegħel bih u jbusu, u l-kelb iħoss l-imħabba tat-tifel. Marru tajjeb ħafna flimkien. Min għandu kelb u kellu tarbija, agħtu ċans u taqbadx u tneħħi l-kelb għax tibża’ li ħa jagħmillek għat-tifel. Aħna fil-bidu kien jipprova jigdmu, ovvja, xi ħaġa ġdida fid-dar jew joħodlu d-dummy, imma maż-żmien vera saru ħbieb. Għall-bidu din kienet il-biżgħa tagħna; li ma jidrawx flimkien, imma ġiet kif xtaqt, li qishom l-aqwa ħbieb flimkien.

Man-nanniet kif imur Lenny?

Tajjeb ħafna hux. Ma’ waħda qisu mar il-ġungla u mal-oħra kollox eżatt. Ma’ ommi jiġi l-iżmattat, maħmuġ u mberfel u mal-kunjata jiġi kif bgħattu

jiġifieri pulit, nadif u kollox bl-eżatt għax il-ħin kollu timsaħ fih bil-wipes.

Kont tibża’ mit-terrible twos?

Iva kont nibża' u kont ngħid li tiegħi mhux ħa jkun hekk, imma fil-verità ovvja li jkun hekk. Bħalissa waslu affarijiet antipatki li ma tkunx trid li jagħmilhom imma jagħmilhom u jrid jgħaddi minnhom. In-“no” lanqas jilħaq iqum filgħodu għax l-ewwel kelma li jgħid. Kollox “no”, jiġri, jaħrablek, trid toqgħod attenta u l-ħin kollu moħħok fik. Peress li Lenny ilu jimxi, ilni nniżżlu mill-karozza għal mal-art, u qabel kont ngħidlu “oqgħod hemm” u joqgħod. Issa moħħu biex jiġri, anke għand ommi jiftħilha l-gate u jaħrab. Il-ħin kollu on the verge li jiġrilu xi ħaġa.

Fejn kont meta għamel l-ewwel pass?

Id-dar konna, kien ilu jitla’ mas-sufan. Ifhem bilfors id-dar konna għax fi żmien il-Covid.

L-ewwel kelma x’qal?

Papà l-ewwel u l-inqas li jgħid issa għax ħlief mummy ma jgħidx.

Mummy’s boy jew father’s boy?

Mummy’s boy u kif, li kultant ikun iż-żejjed, li jibki anke jekk ma nkunx hemm jien fid-dar u hemm ir-raġel. Vera xi ħaġa antipatka li din anke malfollowers inħobb ngħidha. L-irġiel minn day one jridu jkunu hemm, aħna stess irridu nħalluhom u mhux nagħmlu kollox aħna għax ’il quddiem

“Għall-bidu din kienet il-biżgħa tagħna; li ma jidrawx flimkien.”

tbati. Anke biex nidħol ninħasel jibki, ikun irid joqgħod ħdejja. Ma jafx joqgħod fuq is-sufan fejn ir-raġel.

Kif tgħallmu u kif tikkoreġih?

Jiena nipprova nħallih jagħmel li jfettillu moħħu, li forsi mhux kulħadd jaqbel. Pereżempju jekk morna

Tignè Point u hemm l-ilma, inħallih jidħol ġol-ilma mbagħad nikkoreġih wara u ngħidlu biex ma jibqax jagħmilha imma nħallih jagħmilha għax jien nemmen li bniedem aktar ma tgħidlu tagħmilhiex, iktar jagħmilha. S’issa rnexxielna imma kemm ħa ndumu ma nafx ngħidlek. U “no” nippruvaw ma ngħiduha qatt għax iktar ma tgħidlu “no”, iktar jisfida.

It-toys għalik tixtrihom jew għal Lenny?

Għat-tnejn! It-toys jien sirt niġġennen għalihom daqsu jew iktar minnu, imma Lenny iħobb ħafna jilgħab. Imbagħad hemm toys u toys. It-trains nixtruhom iktar għalih u toys edukattivi, li tipo trid tpoġġi miegħu biex tużahom, nixtrihom għalija.

Xi jrid għall-Milied?

Għall-Milied irid track kbira ta’ Thomas. Diġà xtrajtha għax sibtha u xtrajthielu u ħa ntihielu fil-Milied bħattradizzjoni. Jiena qatt ma trabbejt bis-Santa Claus. Aħna ommi kienet tgħidilna li ħa tixtrihulna, allura ma rridx nagħmel hekk u nixtieq nagħmillu elf on the shelf u dawn it-tradizzjonijiet tal-Milied.

Xi jfisser għalik il-Milied?

Familja. Jien il-Milied inħobb inqattgħu ħafna malfamilja u issa iktar u iktar li Lenny qed jifhem. Għalina, il-Milied huwa sentimentali ħafna; jogħġobni ħafna.

Rigal sabiħ għal Danita?

Kemm ilni li għandi lil Lenny qisni lanqas inkun nixtieq xejn, li nkunu flimkien biżżejjed. Imma l-iktar rigal li jista' jkolli hu li jiftħu l-Christmas markets u ninsew din il-Covid għax xbajt. Rigal materjali lanqas naf, lanqas biss ħsibt xi rrid.

Inti għandek relazzjoni sabiħa mal-mamà tiegħek.

Il-mummy ma tistax ma tkunx qrib tagħha għax kull min jafha, ommi speċjali, ċajtiera ħafna u kull meta tiltaqa’ magħha jew inkunu għandha, qatt mhu boring; dejjem tivvinta, dejjem tara kif ħa ddaħħakna u allavolja għandha biex tkun imdejqa għax ma tismax u kellha ħafna problemi b’qalbha, dejjem mara pożittiva ħafna. Anka jekk pereżempju ngħidilha kemm jien ma niflaħx u kemm sirt inħossni vera għajjiena, tgħidli dak it-tifel qed jgħajjik mhux ħa toqgħod tagħmilhom bi kbar u ħafna għaġeb. Kulħadd iħobbha u kull fejn tkun il-mummy, il-life of the party

“Għall-Milied irid track kbira ta’ Thomas.”

X’inhuma l-kwalitajiet li ħadt mingħandha? Li ndaħħak u l-pożittività. Dawk żgur li mingħandha u li ma niħdux għalina. Ommi rabbietna vera relaxed, anka fuq skola qatt ma kienet tisfurzana noqogħdu nistudjaw, tgħidli forsi ħazin. Qatt ma kienet xi waħda ta’ ħafna punishments, però xorta dejjem konna nobduha għax bniet ċertu trust magħna li jiena qed nipprova nagħmilha ma’ Lenny li magħna nieħdu pjaċir ħafna imma ħin is-serjetà, serjetà u ħin iċ-ċajt, ħin iċ-ċajt.

Inti din is-sena ukoll tlaqt mix-xogħol full time. Kif tħossok?

Jiena naqqast minħabba t-tifel u kelli min jaħdem ilħanut. Imbagħad bil-Covid vera morna lura bħal ħafna businesses sfortunatament u la jien għandi xogħol fuq Instagram u social media, għalaqt il-ħanut biex ikolli iktar ċans għal mat-tifel u dan ix-xogħol.

X’jgħidulek in-nies u kemm tirċievi messaġġi kuljum?

Messaġġi jkolli ħafna li ma tantx inlaħħaq magħhom, però nipprova kemm nista’ nibagħtilhom lura għax naraha bħala responsabiltà li tibagħtilhom lura u tkellimhom għax imbilli għandek il-followers ma jfisser xejn u ma jfissirx li kibritlek rasek, u nipprova nkun ħafna friendly magħhom. Sfortunatament hawn Malta għadu mhux meqjus bħala xogħol dan. Aħna meqjusin li nieħdu l-affarijiet b’xejn, mentri minn wara l-kwinti hemm ħafna

xogħol xi jsir li fil-verità sfortunatament ma jidhirx, bħal ħafna xogħol ieħor. Nixtieq li jkun meqjus iktar bħala xogħol normali u infatti din nitkellem ħafna fuqha fuq Instagram. Din iddejjaqni ħafna jien, għax dan xogħol bħal ta’ ħaddieħor, aħna nħallsu l-bolla u t-taxxa u l-vat bħal kull self-employed ieħor. Darba waħda bagħtitli messaġġ u qaltli jekk inti tmur tieħu loan mill-bank x’ħa tgħidlu. Weġibtha li naħdem bħal ħaddieħor. Però tidħol ’il quddiem, dan il-bidu kollu hekk. Jiena ilni sitt snin issa.

Għaliex se tibqa’ mfakkra din is-sena għalik?

Din is-sena bħal kulħadd se nibqa’ niftakarha bil-Covid jien. Din is-sena ma ġrali xejn speċjali apparti Lenny li twieled is-sena ta’ qabel. Imma din is-sena għalija se tibqa’ tfakkarni fil-Covid. Jien il-Covid għallimni ħafna, naħseb l-affarijiet kollha li għallimt lit-tifel kienu ħafna bis-saħħa tal-Covid għax qgħadna ħafna d-dar u anka lil Lenny gawdejnieh ħafna.

Jibagħtulek xi messaġġi li ma tkunx taf kif ħa twiġibhom?

Ġieli jkun hawn minn dawn it-tip ta’ messaġġi li taqbad u tibgħathom jixxejru jew inkella ma tibagħtilhom xejn. Ġieli anke fuq it-tifel, eżempju: “kif qed tieħdu fil-ħamrija jgħaffeġ? Jista’ jimrad.” Darba kien hemm waħda bagħtitli għax il-kelb kien qed jilgħaq lil Lenny u qaltli “Jaqq int bis-serjetà qed tħallih jilagħqu?” imbagħad lil dik minflok bgħattilha, għamilt storja fuqha.

“Aħna meqjusin li nieħdu l-affarijiet b’xejn, mentri minn wara l-kwinti hemm ħafna xogħol.”

Kif tistrieħ?

Dan l-aħħar, meta jkun rieqed Lenny u noqgħod nara xi episodju. Dak sar il-break tiegħi u qed immur darba jew darbtejn class, qed nipprova nżommha li mmur nagħmel naqra training għax dak il-ħin qisek tinsa kollox u ma taħseb f’xejn. Il-bqija xagħri u hekk kollox jien sirt nagħmel, self-service.

Diffiċli li tkun omm?

Diffiċli għax ma tieqaf qatt, minn xħin tqum sa ma tagħlaq għajnejk, imma hi xi ħaġa ta’ sodisfazzjon kbir u lanqas hemm kliem li jiddeskrivu kemm hi xi ħaġa sabiħa. Ħafna emozzjonijiet differenti, roller coaster għax filli jtellagħhomlok u filli jkollok aptit tgħannqu u timlieh bews.

Ftit ilu fuq l-Instagram tiegħek, lil Lenny staqsejtu jridx ħuh jew oħtu. Hu qallek li jixtieq, imma int?

Dik lir-raġel trid issaqsiha! Għax jiena nixtieq ieħor u hu le. Fil-verità, illum il-ġurnata bil-flus li trid għalihom u iktar xogħol, għax wieħed ukoll iġenninni, aħseb u ara bi tnejn, imma togħġobni familja jiena. Tipo ma nimmaġinax ma jkollux oħtu jew ħuh, għax jiena mingħajr ħija ma nimmaġinanix. Għal Lenny l-iktar.

Kien hemm xi episodji ta’ Lenny li tibqa’ tiftakar?

Waħda kbira hi meta għamilli kokò fil-jumperoo. Dan ikun tond u joqgħod jaqbeż fl-istess ħin. Mela jien u r-raġel qomna l-Ħadd, tfajnieh fih sakemm qed inlestu

biex noħorġu u nħallu lit-tifel għall-aħħar, u kif sejra nbiddillu sibnieh, il-kokò ħariġlu mill-ħarqa ma nistax nifhem kif, il-kokò taħt u hu jaqbeż ġo fih, toys kollha mċappsin, il-jumperoo wkoll; konna ħa niġġennu jien u r-raġel.

U meta għamel il-punti, episodju li ma tistax tinsa b’mod negattiv għax f’sekonda jweġġagħlek lanqas tinduna minn taħt għajnejk għax iddar stess weġġa’. Darba oħra kont qed ninħasel u sakemm inkun qed ninħasel ikollu l-mobile u xħin ħriġt mix-xower hu ġie taħti u qed nisma’ qisu “hello, hello”. Xħin mort niċċekja nsibu face time ma’ waħda mara li kienet klijenta tiegħi. Kont ħa mmut. To be fair din naqra kbira fl-età u ma nafx kinitx taf tużah! Forsi ma rat xejn.

Għall-2022 għandek xi ħaġa pjanata?

Le ta. Jien ma tantx nippjana fil-bogħod. Jiena go with the flow, ta’ dak il-ħin.

Aħna ta’ GWIDA nawguraw lill-familja Camilleri, Milied u sena mill-isbaħ!

“Wieħed ukoll iġenninni, aħseb u ara bi tnejn, imma togħġobni familja.”

KEITH DEMICOLI

Il-ħajja wara li rriżenja mill-PBS

L-2021 ħa nibqgħu niftakruha bħala s-sena li tlifna lil Keith Demicoli bħala xandar fuq l-aħbarijiet. Minn dakinhar għaddew ix-xhur! Iżda x’ġara minn Keith Demicoli? Ħa nerġgħu narawh? Issa li sar ziju, kif qed iħossu? Iltqajna miegħu biex insiru nafu aħjar lil din il-persuna tant maħbuba mill-Maltin u l-Għawdxin.

Kif tiddeskrivi din is-sena?

Kienet sena ta’ ħafna tibdil, kważi l-iktar sena li kelli tibdil u li ġraw affarijiet kbar f’ħajti, fis-sens li tlaqt ix-xogħol li kont ilni nagħmel u tant kont inħobb, sirt ziju u biddilt xogħol kompletament differenti.

Issa qed nipprova niskopri dinja fejn nibda noħloq l-affarijiet għal rasi, fejn għal dawn l-aħħar xahrejn din tajtha importanza iktar mill-aspett personali.

L-ewwel li ġara kien meta fl-24 ta’ Frar irriżenjajt mill-PBS, imbagħad xahar wara ppreżentajt Mużika Mużika li kienet xi ħaġa kbira, għax inzerta fil-perjodu li kellna kwazi lockdown f’Malta, allura Malta kollha kienet qed issegwi, imbagħad fit-30 t’April spiċċajt mill-PBS u qrajt l-aħħar aħbarijiet. Imbagħad kien sajf movimentat sakemm sibt saqajja fil-Kamra tal-Kummerċ u erġajt lura għatteleviżjoni sa ċertu punt għax kelli l-programm tal-Kamra tal-Kummerċ stess, programm ġdid, il-programm Dot EU u Aħbar Tajba. Ovvjament Aħbar Tajba kulma għandi kontribut żgħir ħafna ta’ għaxar minuti. Kienet sena movimentata, riżultat ta’ sena ta’ qabel li matulha ħsibt ħafna fuq ilġejjieni tiegħi. Kienet sena ta’ transizzjoni.

L-aħħar ġurnata tal-PBS kif kienet?

Diffiċli tispjega, qisu bħal meta jkollok wild, rabbejtu, ħadt ħsiebu, mbagħad ħa jiżżewweġ u mhux ħa terġa’ tarah b’mod regolari; ħa jibqa’

miegħek imma mhux ħa terġa’ tarah ta’ spiss. Tkun ħabbejtu, tajt kollox għalih, imbagħad taf li xi darba se tiġi dik il-ġurnata fejn ħa jmur għal rasu t-tifel/ tifla għax ikun sab il-maħbuba tiegħu u jiżżewġu u jmorru jgħixu flimkien. Jien sa ċertu punt hekk ġrali; kont iżżewwiġt lill-udjenza għal erbatax-il sena, mbagħad sa ċertu punt għażilt li nieqaf minn dik ir-relazzjoni intima li ta’ kull filgħaxija tidħol fiddar tan-nies biex tikkomunikalhom l-aħbarijiet.

Kont konxju li se nħossha fl-aħħar ġurnata għax issir parti minnek. Kont preparat għaliha mentalment imma kont naf li fl-aħħar bullettin ħa jgħadduli ħafna ħsibijiet. Ma stajtx ma ngħid xejn għax qisu kien hemm aspettattiva li rrid ngħid xi ħaġa. Fil-bidu nett tal-aħbarijiet kont iktar emozzjonat mill-aħħar, telgħatli qisha għoqla fi griżmejja u ħassejt li dan il-kapitlu kien se jingħalaq; hekk kelli bitter sweet feeling. Kont naf li xi darba se tiġri. Ħafna nies qaluli: ‘qatt ma kont nistennieha għax inti kont qisek maħluq għaliha dik, kont narak li tibqa’ tagħmilha għal dejjem’. Jien personalment ħassejt li kien il-mument ittajjeb li jekk għandi nipprova xi ħaġa ġdida f’ħajti; issa ċ-ċans li ħa nagħlaq erbgħin sena. Din li ħa nagħlaq erbgħin sena xbajt insemmiha, imma nibqa’ nirrealizza kemm il-ħajja hija tassew qasira u jekk għandek bżonn tieħu deċiżjoni dwar il-futur tiegħek importanti li taqbad u tagħmilha għax iżżmien qed jgħaddi.

Stennejt dan ir-rispons kollu?

Le lanqas qatt. Meta tajt ir-riżenja tiegħi fl-24 ta’ Frar, ftit kienu jafu; it-tmexxija tal-PBS, il-kollegi tiegħi u waqfet hemm. Imbagħad l-għada, jien dħalt għax-xogħol normali, mort press conference l-Furjana u Peppi kiteb status għax sar jaf, u ftit

Ritratti: Darrin Zammit Lupi

wara bdew itellgħuha l-portals kollha f’tebqa t’għajn. Imbagħad il-mobile ma waqafx.

Siegħa wara kelli l-photoshoot ta’ Mużika Mużika u spiċċajt wasalt siegħa u nofs tard. Dan kollu għax ma stajtx inlaħħaq mat-telefonati, man-nies u l-media li riedu reazzjoni għaliex ħa nitlaq. Fl-istess ħin ridt nikteb ir-rapport tal-konferenza li kont għandi kemm attendejt. Ma tawnix ċans niktibha. F’dak il-ġenn, għidt lil Ruth Amaira biex taqra s-servizz tal-aħbarijiet li kelli nikteb minfloki u spiċċajt tlaqt mix-xogħol biex immur għall-photoshoot.

Illum il-ġurnata tara aħbarijiet?

Biex inkun onest miegħek, minn mindu spiċċajt, bdejt nipprova nsib, jekk ikolli ftit ħin, niddedika ftit għall-familja għax ħafna drabi kien qed ikolli xi attività filgħaxija għax żdiduli l-impenji bħal konferenzi jew xi awards night. F’dawn is-sitt xhur jekk rajt 2 bullettini tal-aħbarijiet f’daqqa, ħafna... ma rnexxilix nara iktar minn hekk. Imma jekk tgħidli “Immisjajthom l-aħbarijiet f’dawn is-sitt xhur?”, ngħidlek li l-aħbarijiet ma mmisjajthomx. Li mmisjajt kienet ir-relazzjoni man-nies, imma tal-anqas irnexxieli nżomm ftit kuntatt b’dawn il-programmi li għandi.

Jiġifieri jekk ngħidlek x’taħseb fuq ix-xandara preżenti, tgħidilna?

Ma rajtx biżżejjed aħbarijiet biex ikun nista’ nikkummenta, imma hemm ħafna tajbin. Issa d-dinamika tal-aħbarijiet inbidlet għax issa hemm xi għaxra differenti jaqraw l-aħbarijiet; kollha għandhom il-karatteristiċi partikolari mill-ftit li nafhom waqt li kont naħdem magħhom. Fis-sens mhux kif kont jien; għamilt disa’ snin kważi naqra l-aħbarijiet jien. Dik oħra, ħajti qisni ħadtha ftit lura għax qabel dejjem kont nasal id-dar fid-9.15 ta’ filgħaxija. Il-mara u t-tifla batew miegħi f’din; fis-sens nibda xogħol fil-11 normalment għaliex

ġieli kont nibda fit-8 ta’ filgħodu, mbagħad li tibqa’ sad-disgħa ta’ filgħaxija kienet tgħejjini fiżikament u mentalment. Imma la x-xogħol tieħu gost tagħmlu,

ma kontx ingerger. Issa b’din id-deċiżjoni ridt intihom iktar prijorità, allura dak il-ħin nipprova nqattgħu iktar mal-familja.

X’qalulek il-mara u t-tifla?

Sa ċertu punt il-mara ħadet gost li nkunu hawn filgħaxija u issa kemm ilna li ġejna r-Rabat sena ilu, iktar u iktar; tal-anqas ingawdu ftit id-dar flimkien filgħaxija. Ix-xogħol li kelli kien sabiħ però fih impenn, li fit-8pm trid tkun live; dan qatt ma rrekordjajnieh l-aħbarijiet. Trid tkun hemm u trid tkun fl-aqwa tiegħek, in-nies ħafna drabi ma kinux jindunaw li jiena kont inkun ilni xi għaxar sigħat qabel fin-news room. Kienu jaħsbu li nkun frisk bħal ħassa; għadni dieħel xil-ħamsa ta’ waranofsinhar.

Inti u ħuk m’għadkomx fil-media. Influwenzak?

It-tnejn li aħna għadna nħobbuha ħafna l-media u għadna nagħmlu xi xogħol relatat mal-media imma mhux bl-istess intensità kif konna nagħmluha sa ftit ilu. Ma kienx hu li influwenzani jew ħeġġiġni biex nitlaq. Bdiet minn telefonata fit-12 ta’ Jannar li l-Kamra tal-Kummerċ possibbilment kellhom xi vacancies u minn hemm bdiet l-istorja. Applikajt,

għaddejt mill-proċess tal-interview, imbagħad spiċċajt dħalt xahar u nofs wara. Ġiet ftit b’kumbinazzjoni, bis-saħħa ta’ persuna li kont naf; nista’ nsejħilha ħabiba tiegħi li qaltli b’din l-opportunità u jien iddeċidejt li nagħtiha ftit ħsieb u norqod ftit fuqha ,u llum ma jiddispjaċinix.

X’inhu x-xogħol tiegħek?

S’issa uffiċjalment qed niffoka fuq il-programm

tat-television, L-Intrapriża li jixxandar kull nhar ta’

Ħamis waranofsinhar u għandha pubblikazzjoni kull

xahrejn jisimha Commerial Courier fejn ikollha ’l fuq

minn mitt paġna li tiffoka fuq in-negozji. Fuq dak qed

niffoka l-aktar għax qed niffoka ftit iktar ħin għalija personali, bħal pereżempju, preżentazzjonijiet ta’ konferenzi, voice overs, scripting u nagħti pariri fuq komunikazzjoni. Mal-Kamra tal-Kummerċ għandi dawn

iż-żewġ proġetti għaddejjin magħhom u l-kumplament qed ikolli ħafna ħin għalija biex nipproduċi u nippreżenta DOT EU. Vera programm ta’ sitt minuti fil-ġimgħa imma vera joħodli ħafna ħin għax huwa pjuttost dinamiku. Imbagħad għandi programm ieħor fuq l-affarijiet Ewropej fuq CampusFM nhar ta’ Erbgħa filgħodu; dak nofs siegħa. Imbagħad hemm Aħbar Tajba. Is-sabiħ hu li qed nagħmel ħafna affarijiet differenti, programmi fuq affarijiet Ewropej, programm fuq in-negozji u l-intrapriżi, programm soċjali; l-affarijiet li nieħu gost nagħmel. Imbagħad qed ikolli ftit reklami, jew kollaborazzjonijiet kummerċjali ma’ kumpaniji privati. Qabel, meta kont ġurnalist u kont naqra l-aħbarijiet, ma stajtx nagħmel reklami ta’ kumpaniji għax min jaqra l-aħbarijiet, bil-liġi talAwtorità tax-Xandir ma jistax ikun involut f’reklamar. Illum bil-midja soċjali kif kibret, din hija niċċa ġdida.

Jiġifieri ħa ssirilna influencer?

U le ma ngħidx li ħa nsir influencer. Anka l-kelma influencer ma tantx togħġobni ħa nkun għidtlek kollox. Imma jekk bil-personalità tiegħi jew li żviluppajt matul is-snin, in-nies nista’ nispirahom biex ikunu aħjar biex jaħsbu fuqhom infushom biex ikunu aktar ferħanin, aktar sodisfatti b’ħajjithom stess u li sa ċertu punt ikun hemm xi kumpanija li jaħsbu li jien nista’ ngħin fil-kampanja tagħhom, ma ngħidx le. Ma ngħidx iva lil kulħadd għax jiddependi xi jkun il-prodott, imma trid tkun xi ħaġa li naqbel magħha jien. Ħafna drabi s’issa

kelli ħafna fuq sostenibbiltà; kumpaniji li jippromwovu prattiċi sostenibbli. Dawk nidħol għalihom bil-qalb kollha għax huma xi ħaġa pożittiva li jien nippromwovi.

F’Jum il-Missier rajniek f’reklam mat-tifla tiegħek ukoll...

Dak affaxxinanti għax żewġ aħwa li jiena għandi ammirazzjoni kbira lejhom, li bdew negozju flimkien huma daqshekk determinati biex jagħmlu suċċess. Ftit stramba għax qatt ma kont nimmaġinani hekk imma xorta esperjenza. Jien qatt ma ngħid le għal esperjenza ġdida għax il-bidla li għamilt fil-karriera professjonali, bidla kbira, għamiltha għax nixtieq dejjem nagħmel avventuri ġodda f’ħajti, għax konxju li l-ħajja jekk ma tagħmilhiex ikkulurita kemm tista’, imbagħad tiġi monotona, tiġi dejjem l-istess.

Dejjem neqred li l-ħajja qasira, għalhekk nipprova naħtafhom l-opportunitajiet minn mindu kelli tnax-il sena u bdejt nikteb fil-gazzetta. Tgħallimt li opportunità anka jekk b’xejn, volontarja nagħmilha għax ma tistax tgħid fejn twasslek. Network... inti qisek tistabbilixxi xibka ta’ kuntatti li jaffettwawlek il-vjaġġ tal-ħajja. Hemm kelma importanti li hi reputazzjoni. Jekk tibni reputazzjoni li inti serju, professjonali, intelliġenti, metikoluż, l-affarijiet ħa tipprova tagħmilhom blaħjar mod, mhux ħa twaqqa’ lill-klijent jew il-persuna li tkun fdatek għaċ-ċajt... ir-reputazzjoni kollox. Trid tagħmel sagrifiċċji billi taħdem b’xejn. Jien bħalissa qiegħed volontarjat bħala Kap tal-Komunikazzjoni u tal-Marketing ta’ Special Olympics Games li se jsiru Malta. Għandi portafoll li lanqas kont naf kemm hu impenjattiv, għażilna logo uffiċjali, qed nippruvaw nikkomunikaw kemm nistgħu li se jkun hawn dawn illogħob hawn Malta f’Mejju li ġej.

F’Novembru nxterdet l-aħbar li ħuk Fabian sar missier għall-ewwel darba. Kif qallek li ħa ssir ziju?

Fabian qalli l-għada li ppreżentajt il-finali ta’ Mużika Mużika. Ġew id-dar tagħna u tawna kaxxa li fiha kien hemm mug. Xħin ftaħtu, il-mug kellu miktub, ziju. Alexia indunat mal-ewwel imma jien le, moħħi dam ma rrealizza. Fil-mug kien hemm miktub, ‘L-aqwa ziju’ u ħsibthom qed jgħiduli hekk minħabba li addottaw kelb. Għandhom kelb li jħobbuh ħafna u għaddew passata

bija. Imbagħad xħin rajt li r-reazzjoni ta’ Alexia ma kinitx tas-soltu nfqajna ngħajtu.

Il-Milied xi jfisser għalik?

Il-Milied hu l-iktar perjodu li nistenna fis-sena, fis-sens li għadni ngħożż it-tradizzjonijiet li tiċċelebra t-twelid ta’ Ġesù, niftakar fiddrawwiet u tradizzjonijiet tat-tfulija, il-prietka tal-Milied u l-quddiesa ta’ nofsillejl. Imma l-Milied huwa okkażjoni biex anke ħbieb li forsi tkun traskurajthom xi ftit, hemmhekk l-aħjar skuża biex terġa’ tingħaqad u tiltaqa’ magħhom u tgħid kelma flimkien. Il-Milied narah okkażjoni li jgħaqqadni mhux biss mal-familja imma wkoll mal-ħbieb. Inzertajt li l-mara wkoll tħobb ħafna l-Milied u minn Novembru nibdew nippjanaw kif ħa nqattgħu l-Milied, jekk hux ġejjin jieklu d-dar tagħna, kif ħa nqattgħu lejlet il-Milied u biex naraw meta fil-ġimgħa ta’ qabel ħa niltaqgħu ma’ xi ħbieb. Dak ix-xahar skeda sħiħa ta’ kif se nqattgħu żmien il-Milied. Diffiċli biex ikun hawn festa isbaħ millMilied.

X’rigal trid għall-Milied?

Jien mhux dak it-tip. Ma temminnix, imma l-affarijiet materjali ma tantx jagħmlu bija. Jekk tgħidli għal rigal partikolari, ħa nkunu għalaqna sena fid-dar u l-ewwel kamra tad-dar, kif tidħol (l-intrata) għadna rridu narmawha ftit imma ma kinitx prijorità għax għidna nagħmlu kollox bil-mod għax ma tistax timla d-dar f’daqqa. Iktar xi ħaġa personali kieku nieħu gost biha, imma jien bix-xejn tikkuntentani.

Inti ħa tippreżentah Mużika Mużika tas-sena d-dieħla?

Ma nafx x’ħa jiġri. Ir-rispons kien pożittiv ħafna u l-festival intlaqa’ tajjeb ħafna. L-idea kienet li qisu jkun stil simili għall-festivals ta’ barra minn Malta fejn qisu l-anchor tas-serati jkun l-istess għal ftit snin. Ma nafx jekk hux ħa tibqa’ dik l-idea, x’aktarx hekk imma għad m’hemm xejn uffiċjali. Jien għalija Mużika Mużika għen biex psikoloġikament u emozzjonalment taffa ħafna mit-tbatija tannies li ġab miegħu ż-żmien tal-Covid, speċjalment bis-solitudni, anzjani, anke familji li kienu d-dar flimkien, anke dawk li s-soltu ma jisimgħux kanzunetti bil-Malti jew japprezzaw il-mużika Maltija. Dak iż-żmien kien ġimgħa qabel tħabbru iktar restrizzjonijiet u konna kważi f’lockdown Illum ngħid li mnalla li sar għax tajna gost lil Malta kollha u tajna doża ta’ enerġija pożittiva.

Nawguraw lil Keith Demicoli u l-familja tiegħu l-isbaħ xewqat fil-Milied u s-sena l-ġdida.

IRBAĦ €1,000 MA’ GWIDA

Kulma trid tagħmel hu li ġġemma’ t-12-il kupun li ħarġu f'din ir-rivista tul din is-sena. Dan hu t-tnax u l-aħħar kupun. L-ewwel kupun ħareġ fl-ewwel edizzjoni ta’ Jannar. Ibgħat il-kupuni kollha f’daqqa sal-31 ta’ Diċembru u tista’ tirbaħ €1000 fi flus kontanti!

KUPUN 12 – Diċembru 2021

Survey

L-aqwa programm ta’ din l-iskeda hu: ___________________________________________

L-aqwa preżentatur/iċi ta’ din l-iskeda hi: ________________________________________

L-aqwa studio ta’ din l-iskeda hu tal-programm: __________________________________

L-aqwa drama ta’ din l-iskeda hi/hu: _____________________________________________

L-aqwa attur/iċi ta’ din l-iskeda hi/hu: ____________________________________________

Ibgħat dan il-kupun flimkien ma’ 11 oħra fuq GWIDA , KOMPETIZZJONI, Content House, Mallia Buildings, 3, Level 2, Triq In-Negozju, Zone 3, Central Business District, Birkirkara, CBD 3010

IKE U KAYA

Ser jirrappreżentaw lil Malta f’Pariġi għall-JESC

Ike u Kaya rebħu l-Malta Junior Eurovision u b’hekk ser jirrappreżentaw lil Malta f’Pariġi dan ix-xahar – proprju fid-19 ta’ Diċembru! Min-naħa ta’ dawn it-tnejn kollox hemm lest u preparat biex jesebixxu l-kanzunetta tagħhom My Home biċ-ċans li jirbħu dan il-festival prestiġġjuż. Il-kanzunetta, My Home titkellem fuq dawn it-tnejn, li jiġrilhom x’jiġrilhom dejjem ikunu hemm għal xulxin. Ike jgħidilna, “Għalhekk il-kanzunetta tagħna jisimha hekk għax aħna d-dar ta’ xulxin!”. My Home nkitbet minn Owen Leuellen u l-Muxu, filwaqt li l-mużika hija ta' Cyprian Cassar.

Ike u Kaya mhumiex wiċċ ġdid fix-xena lokali!

Rajniehom l-ewwel darba f’Ottubru tas-sena 2020 filprogramm popolari, Malta’s Got Talent. Iltqajna ma’ dawn iż-żewġ artisti u staqsejniehom ftit mistoqsijiet!

Kif ħassejtukom dakinhar li rbaħtu?

Ike: Lanqas nista’ nispjega x’ħassejt eżatt! Li naf kont ferħan ħafna u ma ridtx nemmen li rbaħna.

Kaya: Dakinhar li rbaħna ma stajniex nemmnu. Konna qisna ġo ħolma. Kienet xi ħaġa li ħdimna ħafna għaliha u rnexxiet.

Kif timmaġinawha d-dar tagħkom u fejn?

Ike: Nimmaġina li jkolli dar naqra kbira u komda. Nagħżel li nibqa’ noqgħod il-Belt Valletta.

Kaya: Nixtieq li la nikber, id-dar tiegħi tkun kbira, bilpixxina u nkun nista’ nagħmel kamra għall-kant biex inkompli b’dak li nixtieq.

Ritratti: Jonathan Brincat

X’qalulkom sħabkom tal-iskola l-għada li rbaħtu?

Ike: Ferħu ħafna miegħi. Kif rawni sa għamluli kartolini u kitbuli messaġġi sbieħ fuqhom!

Kaya: Meta dħalt l-iskola kulħadd ġie fuqi biex jgħidli proset! Bdew jgħajtu u lanqas kelli ċans niekol fil-break, għax ridt inlaħħaq ma’ kulħadd biex jawgurali.

X’inhuma l-preparamenti issa għall-Junior Eurovision?

Ike: Issa li għamilna l-vidjow mużikali, għaddejjin b’ħafna lezzjonijiet u studju biex inkunu preparati għal dik il-ġurnata.

Kaya: Bħalissa għaddejjin bil-preparamenti, provi, u ħafna affarijiet. Niltaqgħu kuljum mal-għalliema tagħna biex nipprattikaw il-kanzunetta u biex inkunu preparati għal meta tasal il-ġurnata.

Qatt mortu Pariġi jew din ser tkun l-ewwel darba?

Ike: Iva ġieli mort Pariġi. Togħġobni ħafna u ħerqan biex nerġa’ mmur.

Kaya: Jiena l-ewwel darba li sejra Pariġi. Ħerqana ħafna għax minn dejjem xtaqt immur.

X’ser tieħdu bħala lucky charm meta tmorru hemmhekk?

Ike: Bħala lucky charm ħa nieħu domna ta’ Ta’ Pinu u ritratt ta’ ħija ż-żgħir, Kly, għax dak id-dinja tiegħi.

Kaya: Bħala lucky charm jien ħa nieħu santa talbużnanna tiegħi, l-istess lucky charm li żammejt miegħi meta kantajna fil-Junior Eurovision hawn Malta. Għamiltha fil-but tal-libsa u dejjem nitlobha qabel ma noħroġ fuq l-istage biex titlob għalija u tibqa’ miegħi. Naf li kienet tkun ħerqana meta jkolli xi festival.

Issa ilkom tafu lil xulxin. Għamiltu xi ħaġa tad-daħk bejnietkom?

Ike: Ħafna ħafna għamilna praspar! Waħda

minnhom hi li konna għamilna bħala prank call lin-nanna ta’ Kaya f’xis-siegħa ta’ filgħodu taparsi ġie d-delivery man ġabilha l-pizza!

Kaya: Għamilna ħafna praspar fosthom, niftakar u nidħaq kull darba li nsemmiha. Meta xtrajna l-ħelu li jkunu togħma mhux normali (ħżiena ħafna) u biex naqbdu man-nanniet tagħna, ġegħelniehom jikluhom u kienu ħżiena ħafna!

Liema kienet l-isbaħ esperjenza s’issa tagħkom?

Ike: Esperjenza li tibqa’ tiġri miegħi hija meta l-idolu tiegħi, Owen Leuellen, qalli biex nieħu sehem fil-vidjow tiegħu u kont ferħan ħafna. Esperjenza sabiħa immens hija tal- Malta’s Got Talent li wasalna sal-finali u ġejna fir-raba’ post, u l-ikbar esperjenza ħa tkun li ħa nitilgħu nirrappreżentaw lil pajjiżna.

Kaya: L-isbaħ esperjenza tiegħi hi meta rbaħt San Remo u tlajt fl-2019 u ġejt l-ewwel barra minn Malta. Kif ukoll meta ma’ Ike għaqqduna flimkien fil-Malta’s Got Talent u bqajna tilgħin sal-finali u ġejna fir-raba’ post. Ovvjament l-ikbar u l-isbaħ esperjenza hija din; li rbaħna u ħa nirrappreżentaw lil Malta din is-sena.

Iktbu messaġġ flimkien lill-għalliema tal-kant u dawk kollha li tawkom l-għajnuna.

Ike: Ms Gillian u Mr.Owen, grazzi ta’ dak kollu li għamiltu u li qed tagħmlu magħna.

Kaya: L-ebda kliem ma jista’ jiddeskrivi kemm aħna grati għal dak kollu li għamlu magħna l-għalliema tagħna li dejjem kienu hemm għalina, il-ħbieb tal-qalb tagħna li dejjem tawna s-sapport u fl-aħħar u mhux l-inqas, ilġenituri tagħna li jagħmlu minn kollox u jiddedikaw il-ħin tagħhom għalina u lill-familjari tagħna kollha.

X’tixtiequ għall-Milied u xi jfisser għalikom?

Ike: Għadni ma vvintajt xejn s’issa. Għadni ma nafx x’nixtieq eżatt għal dan il-Milied. Imma l-Milied inħobbu ħafna u jġibli ferħ kbir.

Kaya: Il-Milied ifisser ħafna, inħobbu ħafna għax festa li tgħaqqadna bħala familja. Nixtieq ħafna affarijiet għallMilied imma l-aktar importanti huma l-paċi, is-saħħa u l-barka.

Għandkom pjanijiet flimkien għas-sena l-ġdida?

Ike: Bħalissa qed niffukaw fuq il-Junior, però pjanijiet hemm imma ma nista’ niżvela xejn għalissa.

Kaya: Iva għandna ħafna pjanijiet imma għalissa ħa nżommu kollox sorpriża.

LIRIKA

Ike and Kaya – Home

(Kaya verse)

We’re floating high above the clouds

Past Jupiter we won’t look down

It feels like magic levitate till we fly higher

Don’t tell me it’s not real just cause we’re young We’ll make it what we want past the stars

(Chorus)

Where do we go if we keep dreaming

What if our world would change its way

Where do we go... never alone

Maybe if we just keep on believing

Maybe we could live in a fairytale

Where do we go, where do we go

You are my home

(Ike verse)

They say home is where the heart is

But you stole mine

When you came in my life, it’s like I found me a gold mine

You can look me in the eyes when you hold my Hand but you won’t understand I got feelings that

I ain’t never really felt in my life ...

So I started giving hints tryna show ya

I’m the one for you we could do it right

So come one step closer and let me hold you

(Chorus)

Kaya: Where do we go if we keep dreaming

Ike: Where do we go now

What if our world would change its way

Ike: yeah

Kaya: Where do we go... never alone

Kaya: Maybe if we just keep on believing

Ike: Keep on believing

Kaya: Maybe we could live in a fairytale

Where do we go…

Ike: I will never let you be alone

(Higher octave)

Where do we gooooooo

Ike: Where do we go now!!

Where do we goooo

Ike: yeahh!!

Where do we go… never alone

Maybe if we just keep on believing

Ike: Keep believing!!

Maybe we could live in a fairytale

Ike: yeahh!!

Where do we go, where do we go

It feels like home

(Ike outro)

Yeah when I’m with you I always feels like home

Ain’t nothing to hide now that cover’s blown

Now it’s all out… and I seen enough

To know what I’m looking at is but a seed of love

I see faith and I see our future in your eyes

And I won’t stop trying till you’re mine

Kaya: so where do we go

Ike: you are my home

NHAR TA’ ĦADD

TVM Nostalgija

07:00 Vizjoni

07:30 Ta' Filghodu

09:00 Ahbar Tajba – Keith Demicoli jirritorna fuq TVM bi programm soċjo-reliġjuż. Flewwel sezzjoni tal-programm, mistieden jitkellem fuq suġġett morali, segwit minn diskussjoni dwar għadd ta’ suġġetti varji.

09:30 Quddiesa tal-Jum

10:30 Malta u lil hinn minnha

12:00 News

12:15 Uejja – Kwiżż show ġdid bi preżentazzjoni ta’ Angie Laus.

15:00 Cappas

15:45 Madagascar

16:15 Lenti

16:45 Ghawdex Illum

17:15 @Magic

17:45 Tghid x'inhu

18:00 Muzika Muzika - it-triq 'il quddiem

18:45 Ninvestigaw X'Qed nieklu

NHAR TA’ TNEJN

TVM

6:30 Sorelle (R)

7:00 Ta’ Filgħodu – Għodwa sabiħa tibda b’tazza kafe u l-kariżma speċjali li għandu Ray Attard. Sharp Shoot Media qed jaħdmu fuq programm divertenti ta’ kull filgħodu.

9:00 FitAM – Melanie Kelly u

Andreana jirritornaw flimkien għat-tieni staġun ta’ FitAM. Dan il-programm jiffoka fuq l-attivita fiżika u kemm hu mportanti li wieħed jieħu ħsieb lilu nnifsu.

9:30 Quddies

10:00 Għaddi s’hawn – Antonella tirritorna fuq TVM bi programm ġdid.

11:45 Snekks – Riċetti qosra u bnini.

12:00 Aħbarijiet

12:15 Niskata

14:35 Ilsienna

14:40 Dr. Protomiks – programm

għat-tfal

14:55 Naqraw flimkien

15:05 Avaru

15:10 Backstage

15:45 Sorelle

16:30 Maltarti

16:45 Illum ma’ Steph

18:00 Ilsienna

18:30

Moħħok Hemm – Kwiżż show

ġdid ma’ Carlo Borg Bonaci.

19:15 Venere

19:45 Skritt

20:00 L-Aħbarijiet

21:00 Noli - Noli hija storja mimlija

emozzjonijiet ta’ tfajla li rat

lil ħajjitha tinqaleb ta’ taħt

fuq, hekk kif missierha ġie

maqtul, u ftit wara sparixxa

t-tifel tagħha waqt logħba ta’

bejniethom. Georgia spiċċat waħedha imma l-uġigħ u l-frustrazzjoni biddlithom f’determinazzjoni biex issir investigattriċi ewlenija fi sforz biex hi wkoll jirnexxilha tasal għall-verità li tant kellha bżonn issir taf. Ma' kull każ li bdiet issolvi mal-iskawdra tagħha aktar ma setgħetx tifhem x’kien qed iżommha milli ssolvi dak li tant kella bżonn tasal għalih.

22:00 Carter Jirraporta

22:30 Ħajjitna Ktieb

23:00 Kollezzjonist (R)

23:30

08:00

10:00

12:35

18:30 Pjazza

Preview

17:30 Flimkien ma’ Nancy

19:15 Mill-Chcina ta’ Dari

20:10 PrimeTime

20:30 Reboot

21:15 Ġrajjiet Kurrenti

NET

7:00 Net AM – Keane Cutajar u Roberta Bonello jippreżentaw mit-Tnejn sal-Ġimgħa fis-7am.

12:30 Bejnietna – Edizzjoni oħra ta’ dan il-programm immexxi minn Dulcima Aquilina u Stephanie Chircop.

16:20 Missio Tfal

16:30 Kikkra Te – Marco Calleja, Valerie Vella u Marilena Gauci jippreżentaw dan il-programm divertenti.

18:10 Net Live

19:30 Aħbarijiet

20:30 Ulied il-lejl – Serje ibbażat fuq ir-rumanz bestseller Suwed Ulied il-Lejl.  21:40

NHAR TA’ TLIETA

15:45 Sorelle

16:30 Maltarti

16:45 Illum ma' Steph

18:00 Kaxxarizz– Kull programm jiddiskuti kollezzjonijiet privati li nsibu fil-mużewijiet.

18:30 Mohhok Hemm

19:15 Ritratti

19:45 Tezori mill-Belt Siekta

19:50 Malta Film Awards

Naqraw Flimkien

15:05 Avaru'

15:10 Backstage

20:00 News/Sports News/Weather Report/Financial News

21:00 Nostalgija – L-istorja spiċċat meta Frank kien irrabbjat

sew għall-missieru. Dun Feliċ iqabbad lil Philip biex jaqra ittra pastorali mibgħuta millArċisqof. George iqabbad lil Philip biex jixtrilu kartolina u bukkett fjuri għall-anniversarju taż-żwieġ. Dun Feliċ jipperswadi lil Grezzju biex jibda programm ħalli jieqaf jixrob. John u Sarah jaqblu li jtemmu l-istorja ta’ mħabba ta’ bejniethom. Grezzju jasal u jħabbar lil uliedu li se jibda programm biex jaqta’ x-xorb.

NHAR TA’ ERBGĦA

16:45 Illum ma' Steph 18:00 Vizjoni – L-aħwa Preca ser jippreżentaw programm fuq il-gastronomija u l-kċina.

18:30 Mohhok Hemm

19:15 Wirt u Eredi

19:45 Super 5 Lottery

19:50 Malta Film Awards

20:00 News/Sports News/Weather Report/Financial News

21:00 Attwali – Programm ġdid preżentat minn Norma Saliba fejn jiġu diskussi stejjer li qed jagħmlu l-aħbar.

21:45 A day in the life – Wayne Camilleri flimkien ma’ Peter Borg jiltaqgħu ma’ diversi personalitajiet mix-xena tal-arti u l-entertainment li għandhom passjoni kbira għal xogħlhom. Dan il-programm juri li millindustrija tal-arti, karriera hija possibli.

06:21 Pollyanna

11:59 Grande Fratello Vip

12:14 Sport MediasetAnticipazioni

12:21 Sport Mediaset

13:03 I Simpson

14:21 The Big Bang Theory

15:18 Mom

17:06 12:33 Meteo.it 12:44 Beautiful 13:10 Una vita 13:45 Uomini e donne 15:10 Grande Fratello Vip 15:25 Love is in the air 16:35 Pomeriggio Cinque 17:45 Caduta libera 18:40 Tg 5 - Anticipazione 18:54 Tg 5 - Prima pagina 19:01 TG5 19:31 Meteo.it 19:36 Paperissima Sprint 20:25 Luce dei tuoi occhi 22:50 X-Style 23:26 TG5

NHAR TA’ ĦAMIS

21:00 Għad-dell ta’ San Pietru –Enċiklopedija dwar kif taħdem

il-kurja papali. Dokumentarju

interessanti ta’ x’qed jiġri fil-Vatikan. Dan il-programm

juri l-wirt storiku u l-ħajja ta’ kuljum mill-Vatikan.

22:00 Nisfidak – 3 iħbieb jisfidaw lil xulxin biex jagħmlu sfidi ħorox, bla skript, bla regoli u kollox misteru!

22:30 Luxdesign® 23:15 Etimologija ® 23:30 Sorelle ®

NHAR TA’ ĠIMGĦA

Fratello Vip

17:33 Studio aperto Live

17:36 Meteo.it

17:41 Studio Aperto

18:40 CSI - Scena del crimine

19:42 N.C.I.S. - Unità anticrimine

20:31 Rambo

22:25 Lo specialista

Canale 5 06:30 Tg 5 - Prima pagina 06:45 Tg 5 - Prima pagina

06:59 TG5

07:42 Morning news

10:00 Forum

11:58 TG5

12:34 Meteo.it

12:41 Beautiful

13:06 Una vita

13:45 Uomini e donne

15:10 Grande Fratello Vip

15:20 Love is in the air

16:35 Pomeriggio Cinque

17:50 Caduta libera

18:40 Tg 5 - Anticipazione

18:56 Tg 5 - Prima pagina

19:03 TG5

19:34 Meteo.it

19:37 Paperissima Sprint 20:20 Grande Fratello Vip

NHAR TA’ SIBT

CSI - Scena del crimine

19:32 CSI - Scena del crimine

20:24 MOVIE

Canale 5

06:45 Tg 5 - Prima pagina

06:54 Meteo.it

06:59 TG5

07:43 Meteo.it

07:49 X-Style

10:00 Forum

11:58 TG5

12:33 Meteo.it

12:44 Beautiful

13:06 Una vita

13:40 Elisa di Rivombrosa

15:41 Spirito libero

16:37 Spirito libero

17:44 Conto alla rovescia

18:40 Tg 5 - Anticipazione

18:54 Tg 5 - Prima pagina

19:01 TG5

19:33 Meteo.it

19:38 Paperissima Sprint

20:31 La musica è cambiata

23:36 TG5

EILEEN MONTESIN

Għal dawk li huma segwaċi ta’ Eileen Montesin, setgħu jibdew jaraw partijiet mill-ħajja tagħha fuq Instagram. Din il-personalità maħbuba minn ħafna ddeċidiet li tiftaħ profil tagħha u żżomm lis-segwaċi aġġornati fuq xi aspetti minn ħajjitha. Eileen titkellem fuq kollox, mit-temp sal-logħob tal-Manchester United. Biss jekk hemm suġġett li Eileen tħobb wisq hu bla dubju l-Milied. Fix-xahar ta’ Diċembru ma stajniex nevitaw milli nagħmlulha intervista u nistaqsuha wkoll fuq it-twelid tan- neputija l-ġdida!

Xi jfisser il-Milied għalik?

Aħna normalment nibdew inżejnu minn Ottubru u ngħidlek għalfejn. L-ewwel nett jiena nirraġuna li tieħu battikata, għax jien inħobb inneħħi kollox! Jiġifieri jekk għandi rokna pereżempju bl-ornamenti tal-Manchester United, inneħħi l-affarijiet kollha biex hemmhekk nimlieh bl-affarijiet tal-Milied, jekk għandi bookcase inneħħi l-kotba kollha u nimlieha blaffarijiet tal-Milied. Għandi ħafna affarijiet tal-Milied għax meta konna nsiefru qabel il-pandemija dejjem konna nġibu xi ħaġa tal-Milied mill-post li nkunu żorna, bħala tifkira.

Però jien il-Milied minn dejjem inħobbu għax ifakkarni fil-mużew, meta kont tifla. Niftakar konna nagħmlu xi essay u nwaħħlu s-santi u min ikollu l-isbaħ essay kien jirbaħ il-grotta. Allura dejjem niftakarni mmur id-dar b’xi grotta ġdida.

Però l-ikbar rabta tiegħi mal-Milied huwa minħabba Christine għaliex jiena dħalt l-isptar fil-ġurnata talMilied u kelli lil Christine fit-28 ta’ Diċembru, u għalija dawk il-ġranet tal-Milied huma kollha marbuta ma’ Christine. Jien u Mark semmejna lit-tifla Christine għax mingħalina li Christ hija parti minn Christmas imma mbagħad skoprenja li Christine hija għal San Kristofru.

X’tiftakar mill-Milied ta’ 30 sena ilu meta dakinhar twieldet Christine?

Qattajtu l-isptar u mhux xi ġurnata sabiħa għax jien dħalt l-emerġenza l-isptar, xahrejn qabel. Jiġifieri dak iż-żmien, dik il-ġurnata kienet tal-biżgħa. Imma

nħares lura nirringrazzja lill-Bambin li għadda kollox

b’wiċċ il-ġid u saret ġurnata sabiħa għax setgħet ma kinitx allaħares qatt.

Il-ġurnata tal-Milied filgħaxija konna għadna kemm nidħlu noqogħdu fid-dar tagħna fejn noqogħdu issa, konna għadna m’aħniex lesti mid-dar, la kellna kamra tal-banju lesta għax kienet għadha torba, la twieqi lesti għax kienu għadhom bil-pastik, la kellna telephone u f’daqqa waħda emerġenza rrid immur l-isptar. Niftakar kien maltemp kbir għax tant hu hekk li kelli lil tal-familja d-dar u mat-tmienja bdew jaħsbulu minħabba l-maltemp. Jien kont ġos-sodda għax jien għamilt seba’ xhur ġos-sodda, ġew filgħaxija għandi biex jarawni, daru kollha mas-sodda u qagħdu kollha ħdejja.

Christine li kienet suppost ser titwieled fi Frar, spiċċat biex twieldet fl-iktar żmien li tant inħobbu!

Kif tqattgħu l-Milied?

L-ewwel nett fil-ġurnata tal-Milied dejjem inkunu malfamilja. Normalment aħna nkunu mistednin għand ilpreżentatriċi Josette Sciberras. Dawk jgħodduna bħala parti mill-familja. Snin twal ilna nqattgħuh magħhom il-Milied.

Però għal ħafna snin ukoll lejlet il-Milied u lejlet

l-Ewwel tas-Sena kienu jfissru xogħol għalija, għax konna nagħmlu d-dinner dances tal-Milied u kien ikolli ħafna nies. Mill-aħħar t’Ottubru kont inkun full-up. Tant hu hekk li meta kelli lil Christine f’Diċembru li kif għedtlek suppost ġiet fi Frar jiena kelli dinner dances

ta’ lejlet il-Milied u lejlet l-Ewwel tas-Sena, u meta dħalt

l-isptar f’jum il-Milied kien għadu ġej id-dinner dance

ta’ lejlet l-Ewwel tas-Sena u kien għad kelli l-affarijiet

x’nipprepara. Ovvja mill-isptar ma stajtx immur

magħhom jagħmlu l-imwejjed, is-siġġijiet, eċċ, u ħadu

ħsiebhom Mark u tal-familja. Jien nieħu ħsieb it-table plan, kif se nqassam lin-nies, nagħmel il-biljetti tal-ikel

għax jien inħobb ikolli kollox b’eżatt u organizzat, u lil Mark għedtlu biex iġibli kollox l-isptar, bħal biljetti, timbru, eċċ. Għadni niftakar lit-tabib jidħol fil-kamra

u sabni nittimbra l-biljetti, jiġifieri l-isptar u bqajt naħdem.

Din is-sena mal-mejda se jkollkom membru ġdid. Hekk hu, ħa jkollna lil baby Stella jekk il-Bambin irid, naturalment ferħ kbir. Lanqas għandna fomm biex nirringrazzjaw lill-Bambin għax issa flok 5 inkunu 6.

Kif qaltlek li se terġa’ ssir nanna?

Ma ngħidlekx li l-ewwel ma tkun qalet lili, għax ovvjament l-ewwel ma tkun qalet lir-raġel però żgur li wara r-raġel lili tkun qalet. Xi ħaġa li jiena xtaqt għax jien togħġobni familja kbira. Just qaltli “biż-żieda”. Peress li kienet xi ħaġa li jien xtaqt qisha riedet tgħidli biex taqtagħli xewqti mill-ewwel mingħajr ebda xenxilli.

U meta welldet kif ħassejtek?

L-ewwel nett miraklu, miraklu kbir, lanqas tista’ tiddeskrivi l-ferħ. Kont qed naraha fuq Zoom u thank God ma tantx damet biex ħelset. Ovvjament tara lil bintek tbati; kont qed nitlob il-ħin kollu, “Bambin ħu ħsiebha, agħtiha li għandha bżonn ħalli ma tbatix ħafna”.

Għandkom relazzjoni vera sabiħa flimkien. Nirringrazzja lill-Bambin, kollox trid taħdem għalih. Ħdimt għaliha wkoll dik, sa minn mindu kienet żgħira. Jiena dejjem stmajtha tat-tifla tiegħi imma tal-ħabiba tiegħi wkoll.

Anka waqt li tippreżentaw il-programm tidhru vera familja magħquda u tidhru li tikkomunikaw tajjeb ħafna.

Għandna l-ups u downs tagħna u ma naqblux f’kollox u ġieli nilletikaw, imma ovvjament inħobbu lil xulxin, speċjalment meta tkun fuq ix-xogħol ta’ dak il-ħin imbagħad għaddiet, u nkomplu għaddejjin.

Xħin rajt l-ewwel darba lil Stella f’idejk...

Bla kliem, miraklu anka issa li dalwaqt tagħlaq tliet xhur; tibqa’ tgħid li għandi miraklu f’idejja jien. Però l-istess ngħid għal Nina li dalwaqt tagħlaq tmien snin.

Din is-sena bdejt fuq Instagram u beda jkollok ħafna reazzjonijiet. Kif iddeċidejt li teqleb diġitali?

L-ewwel nett mhux jien iddeċidejt imma kienet tħeġġiġni Christine. Kienet tgħidli “Ma, dan in-new source jekk inti trid tibqa’ tikkomunika man-nies, speċjalment maż-żgħażagħ”. Imma qisu kkonvinċietni u għedtilha biex tibda tgħallimni l-affarijiet biċċa biċċa. Sal-lum għadni nitgħallem affarijiet ġodda u kif nikteb ċertu affarijiet – insaqsiha, imma ngħidilha: għidli kif tagħmel din jew l-oħra, u ovvjament dejjem nitgħallem xi ħaġa ġdida u nħossni kburija bija nnifsi li rnexxieli nsib mezz kif inkompli nżomm kuntatt speċjalment mażżgħażagħ, għax mhux faċli. Imma tellajna 8,000 follower u fuqhom issa fuq Instagram! Issa nibqa' naħdem ħalli jiżdiedu.

Xi jkun ir-rispons tan-nies?

Speċjalment meta tkun xi ħaġa funny ir-rispons ikun ħelu, għax in-nies jikkummentaw u r-reazzjoni tagħhom iddaħħakni u fl-istess ħin ħafna nies jirrelataw ruħhom miegħek fis-sitwazzjoni u jgħidulek x’ġara lilhom jew kieku huma x’kienu jagħmlu jew jgħidulek kemm kelli bżonnha dik id-daħka llum. Allura nħossni li nkun għamilt xi ħaġa ta’ ġid u għalija dak sodisfazzjon kbir.

Instagram jew televixin?

Kieku staqsejtni bejn radio u tv kont ngħidlek radio, imma naħseb bejn Instagram jew tv għadni nagħżel tv, għax huwa mezz li nħossni komda fih, mezz li kbirt fih.

Meta kien spiċċa It’s Morris kont spiċċajtu bi cliff hanger. X’ġara minn Becky?

Dejjem inħobb inħalli bieb imbexxaq, anke meta konna għamilna KC kont ħallejt bieb imbexxaq fejn immorru għat-tieġ u nħalli x-xemgħa viċin il-purtiera. Fil-verità diversi films jispiċċaw hekk u jħallu t-tmiem għall-immaginazzjoni tiegħek. Però issa ngħidu sal-lum, għax “never say never”. Jiena bħala drama naħseb li “I call it a day”. Mhux għax ma nħobbhiex, mhux għax ma konniex nieħdu pjaċir, mhux għax ma kellniex rispons enormi (għadhom sal-lum anke tfal jaqbdu ma’ Mark u jgħidulu It’s Morris) imma fih wisq xogħol u għandek ħafna ħin barra mid-dar. Issa meta għandek il-familja qiegħda tikber u inti qiegħda barra tiffilmja u sar ħafna ħin (il-ħdax, nofsillejl) u kulħadd qiegħed id-dar u inti qiegħda barra bdiet iddejjaqni dik. Għalhekk ivvintajt il-program Family Affair għax il-programm almenu jiġborna kollha flimkien, jiġifieri nkunu qegħdin naħdmu u veru qed noħorġu barra mid-dar xorta, imma qegħdin kollha flimkien.

Il-pandemija affettwatek ħafna. X’kien ifisser għalik dak iż-żmien?

L-ewwel nett qgħadna attenti għax l-ewwel kellna lil Mark vulnerabbli minħabba l-età qabel ma ġiet it-tilqima, imbagħad kellna lil Christine pregnant u ġiet vulnerabbli hi wkoll, allura konna noqogħdu attenti biex nipproteġu lill-familja; bqajna ġewwa u qgħadna attenti. Jiena għalija kienet mibgħuta

minn Alla għaliex kelli dejjem lil kulħadd miġbur hawn id-dar, filgħodu u filgħaxija. Però tirrealizza li wara dan iż-żmien kollu mentalment tkun qed taffettwak, ma tistax li mid-dar għaxxogħol u ma tmurx lanqas imqar tieħu kafè. Mentalment tibda taffettwak. Issa qed noħorġu bil-mod; xorta noqogħdu ħafna attenti, xorta ma mmorrux ma’ gruppi kbar ta’ ħbieb. Infatti noħorġu ma’ koppja waħda biss. Nimsħu l-pożati, l-arms tas-siġġu, eċċ. Jien anka qabel ma nidħol l-istudjo, joħroġli kulħadd ’il barra mbagħad nidħol jien, nimsaħ il-microphone, id-desk u s-siġġu. Jgħiduli li minn warajja żgur kulħadd sigur ikun.

Din is-sena t-tielet sena ta’ Family Affair. X’tgħidilna fuqu?

Hekk hu, għax l-ewwel bdejna bih kuljum, imbagħad waqafna ħesrem minħabba l-pandemija. Imma mnalla għax Nina kienet qed tegħja kuljum. Għall-bidu kienet tieħu pjaċir tiġi mbagħad maż-żmien wara l-iskola kienet tkun għajjiena, tiġi bid-dwejjaq u bil-pandemija ġiet ix-xoqqa f’moxta biex għedna li din ta’ kuljum ma kinitx idea tajba. Imbagħad meta erġajna bdejna, bdejnieh fil-weekend u morna tajjeb, u allura għal din it-tielet sena żammejt l-istess andament. Immorru s-Sibt live imma tal-Ħadd ikun irrekordjat. Hekk Nina għandha ġimgħa u tkun għatxana għalih. Din is-sena iktar mis-sena l-oħra, għax is-sena l-oħra peress li għamilt diversi logħbiet differenti, Nina issa tifhem iktar u hija involuta f’dan il-logħob. Tkun ħerqana minn Sibt għall-ieħor li mmorru.

Kif taraha lil Nina kkomparata ma’ Christine ta’ daqsa, taraha li tkompli?

Christine kienet dejjem iktar determinata, kienet tgħid eżatt xi trid f’ħajjitha. Christine kienet tgħid li hi trid issir għalliema u żżomm it-tv u r-radio bħala passatemp. Lanqas bħalha xogħol part-time; bħala passatemp u hekk għamlet, saret għalliema u żżomm dawn l-affarijiet, li ndeffisha speċjalment fihom jien, bħala passatemp. Nina tgħid li trid issir wedding planner, trid tiżżewweġ u jkollha familja kbira imma ma tibqax toqgħod magħna u tgħid li żżomm ittelevixin passatemp biex tagħmel il-festini għat-tfal. Hekk tgħid, ma nafx, naħseb għadha qed toħlom ħafna jiena.

Bħala kapaċità kif taraha lil Nina?

Nina kapaċi ħafna, speċjalment bħala reċtar naraha li kapaċi ħafna u anki bir-raw talent li taha l-Bambin, għax ma tmur titgħallem imkien. Bħala kant jidher ukoll li għandha prospetti sbieħ; kieku kellha tikkultivah dak it-talent. Inħoss li hemm potenzjal kbir imma bħala attriċi, Nina vera kapaċi.

Imma jalla tkun trid tkompli għax mhux ħa ġġegħilha bilfors. Jiena ma nemminx li dawn l-affarijiet ta’ bilfors.

Dawn ikunu affarijiet ta’ gost jiġifieri jekk mhux qed tieħu gost tagħmlu l-oġġett, aħjar ma tagħmlu xejn.

Qabelxejn, tiftakar xi Milied patrikolari?

Forsi l-aktar Milied li s’issa għadu għal qalbi hu dak tal2019. Kien l-aħħar wieħed qabel faqqgħet il-pandemija.

Kien l-isbaħ għax qattajnieh bħala familja nduru l-Christmas markets tal-Ġermanja, l-Olanda u ta’ Praga. Ġmiel liema bħalu li jien stħajjiltni qiegħda ġo kartolina talMilied. Dakinhar ħassejtni fil-ġenna tal-art. Il-familja kollha fl-aqwa Christmas markets.

Rigali għall-Milied għandek xi ħaġa preparata?

Xejn. Nitlob lill-Bambin li jagħti s-saħħa lill-familja kollha; dik biss. Il-bqija jiena anki jekk ittini kaxxa sulfarini nifraħ ħafna biha u jiena nifraħ minn dak it-tip li tarah il-ferħ f’għajnejja, u jekk ittini karozza nifraħ biha daqs kaxxa sulfarini, m’hemmx differenza għalija, minn dejjem hekk kont. Jiena b’kelma tgħollini s-sema u b’kelma ssabbatni hemm isfel.

Normalment Christine tismagħni nsemmi xi ħaġa u tkun pronta tixtriha minn qabel u ġieli lanqas tistenna sal-Milied u taqbad u ttihieli. Naħseb l-ikbar rigal li seta’ jkolli f’ħajti kienet appuntu Christine li twieldet fi żmien il-Milied. X’rigal trid iktar minn hekk!

Nawguraw lill-familja Montesin Haber l-isbaħ xewqat f’dawn iż-żminijiet ta’ festi! Nawguraw minn qalbna lil Christine u r-raġel Francesco għat-twelid tat-tifla tagħhom Stella.

ŻMIEN L-IKEL!

X’ser tiekol dal-Milied? ... Ikel, ikel u iżjed ikel Ikel kemm ittik il-vista ta’ għajnejk u ikel li ma jispiċċa qatt. Żgur li matul dawn il-festi, l-ikel u r-riċetti ġodda ma jonqsux fid-djar Maltin u Għawdxin. Nammetti, nħobb niekol u l-ikel huwa wieħed mis-suġġetti favoriti tiegħi. IlMaltin u l-Għawdxin ma jirbħilhom ħadd għallaptit tagħhom, aptit li ma jieqaf fl-ebda ħin u speċjalment l-aptit assoċjat mal-ikel u l-ħelu fi żmien il-Milied u l-bidu tas-sena l-ġdida.

L-ikel iġib miegħu għaqda bejn il-familji u

l-ħbieb

L-ikliet kemm tal-Milied u kif ukoll tal-Ewwel tasSena jġibu magħhom għaqda u ġabra bejn il-familji u l-ħbieb. Huwa żmien mill-isbaħ sabiex tqatta’ l-ħin prezzjuż tiegħek mal-familjari u l-ħbieb tiegħek, għaliex wara kollox, Milied hieni u sena ġdida mimlija prosperità u kuntentizza x’jirrappreżentaw jekk mhux serenità u għaqda bejn il-familja u

l-ħbieb? L-ikel bnin u frisk jagħmel dan il-ħin iżjed u iżjed partikolari, interessanti, ċajtier u seren għaliex Ritratti: Pixabay

bla dubju li wara ikla bnina u togħma tajba, l-affarijiet dejjem jidhru aħjar u itjeb milli proprju kienu qabel. Dan iż-żmien huwa wkoll żmien ideali sabiex tistieden f’darek membri tal-familja tiegħek u ħbieb, sabiex flimkien taqsmu xi ċajta jew xi rakkont, filwaqt li tnaqqru xi ftit appetizers, qabel ma tgħaddu għal xi platt għaġin warrablu minn nofs. Insomma, fi kliem sempliċi, l-ikel għandu l-kapaċità li jqanqal emozzjonijiet differenti, li jġiegħlek titbissem u fuq kollox li tingħaqad u li taqsam ma’ dawk għal qalbek il-ħin tiegħek.

Tbissima u tgħanniqa

Lill-mistednin għandna nilqgħuhom fid-djar tagħna għall-ikla tal-Milied jew tal-Ewwel tas-Sena fuq kollox bi tbissima u b’tgħanniqa kbira. Wara dan l-awgurju, nistgħu ngħaddulhom xi kpiepel tal-Milied jew xi aċċessorji marbutin ma’ dan iż-żmien li nkunu preparajna minn qabel, bħal pereżempju xi ġiżirana tixgħel, sabiex permezz tagħhom tinħoloq ukoll atmosfera ta’ pjaċir u ta’ ferħ. Importanti li d-dar tkun tilqgħek sabiex il-mistednin iħossuhom komdi u għalhekk tajjeb li d-dar tkun armata b’xi tiżjin ħelu wkoll. Xi ftit mużika marbuta mal-festi fl-isfond twassal ukoll għal ħafna kant u anka stunar mingħand kulħadd. Dawn l-affarijiet jagħmlu l-ikla waħda li ma tintesa qatt! Ftit iżjed ideat jinkludu li tistaqsi lill-mistednin tiegħek sabiex kulħadd jilbes xi ħaġa assoċjata ma’ dan iż-żmien talfesti, u tista’ wkoll tagħti lill-mistednin xi rigal ċkejken bħala tifkira tal-ħin li gawdejtu flimkien tieklu, tieklu, u tieklu fost xi ċajta jew xi storja li tkunu semmejtu lil xulxin. Ovvjament, fuq kollox, apparti dan kollu, importanti li jkollok l-ikel. Trid taħseb għal xi affarijiet żgħar tal-ikel li tistgħu tnaqqru sakemm jinġabar kulħadd u anka għal xi ħaġa oħra tal-ikel li mbagħad ser taqsmu flimkien hekk kif tingħaqdu mal-mejda tal-ikel. Qis li tħawwar l-ikel sew, kif għedna, b’togħma tajba, l-affarijiet jieħdu xejra oħra wkoll.

Il-famuża mejda tal-ikel

Il-mejda tal-ikel armata għall-ikla tal-Milied tiġbed l-għajn, anka jekk l-ikel ikun għadu ma ħariġx. Id-dekor tal-mejda tal-ikel huwa xi ħaġa li speċjalment fi żmien il-Milied, jolqot ħafna dettall, kulur, attenzjoni u delikatezza.

Sabiex tħejji l-mejda u kif ukoll l-ikel, tajjeb li tipprepara minn qabel u jkollok pjan ta’ x’inhu l-ikel li ser issajjar u għalhekk il-mejda tal-ikel kif ser tkun armata. Ara li l-mistednin ser ikunu komdi u għalhekk jekk hemm bżonn, żid mejda oħra ma’ li għandek diġà u għattiha b’xi dvalja; m’għandniex xi ngħidu, bid-dekor tal-Milied. Tista’ wkoll taħseb f’tema ta’ kif trid li tarma l-mejda u tlesti wkoll l-ismijiet tal-mistednin skont kif ser ipoġġu mal-mejda ħin l-ikel. Għax-xorb ta’ qabel l-ikel tista’ tarma mejda ċkejkna fil-ġenb tal-kamra wkoll sabiex tħalli biżżejjed spazju fuq il-mejda għall-ikel u għad-dekor. Ara li għandek il-pożati, it-tazzi u l-platti kollha meħtieġa għall-ikel li tkun preparajat – l-ikel tal-bidu li ħafna drabi jkun jikkonsisti f’soppa, għaġin jew xi insalata mħawra, l-ikla prinċipali bħal ngħidu aħna u popolari ferm fi żmien il-Milied, dundjan imsajjar fil-forn, imħawwar bil-patata u ħwawar ta’ kull xorta, u d-deżerta –xi biċċa gateaux, kejk tal-Milied mimli frott u ċikkulatini ta’ kull forma u għamla.

Riċetti għall-ikla tal-Milied u tal-Ewwel tas-Sena

2022

Tradizzjonalment id-dundjan imsajjar fil-forn għadu popolari ħafna speċjalment bħala l-ikla nhar il-Milied. Madanakollu, hemm diversi riċetti oħrajn li wieħed jista’ jipprepara kemm għal nhar il-Milied u kif ukoll nhar l-Ewwel tas-Sena. Xi wħud mir-riċetti huma dawn; majjal, salamun imsajjar bil-frotta ananas, taljarini mħawrin bil-majjal u bil-ħxejjex, weraq tal-kaboċċi mimlijin bil-laħam u rrumblati bħall-braġjoli, qargħa ħamra mqattgħa rqiqa u msajra fil-forn minn tulha, u canapés magħmulin mit-tiġieġ, ġobon brie u cranberry. Fir-rigward tad-deżerti, wieħed jista’ jipprepara blalen tal-coconut imdawrin fiċ-ċikkulata, trifle permezz ta’ frott, sponge u krema fuq tliet saffi jew iżjed, u bla dubju l-kejk tradizzjonali tal-Milied li jirrikjedi li tlestih xi ftit minn qabel sabiex il-frott jilħaq jiġbor fih it-togħma tal-liquor. Diġà qed inxomm ir-riħa ta’ dan l-ikel bnin kollu u ma niċħadx, li r-riħa tal-kejk tradizzjonli talMilied hija l-iżjed waħda għal qalbi!

Wasalna fit-tmiem, u minn qalbi nawgura lilkom il-qarrejja tal-GWIDA ikla nhar il-Milied u l-Ewwel tasSena li ma tinsewha qatt, imdawrin b’ikel bnin malmaħbubin tagħkom – Awguri!

X’INHI L-MODA BĦALISSA?

Smart, casual, formali jew chic F’dan iż-żmien ta’ festi u ċelebrazzjonijiet, ikollna diversi attivitajiet li ser nattendu għalihom bħal ikliet ma’ tal-familja, mal-kollegi u anka mal-ħbieb. Dawn l-attivitajiet huma avvenimenti ta’ ferħ u pjaċir hekk kif ilkoll insellmu s-sena li għaddiet u bil-mod il-mod nilqgħu s-sena li jmiss. M’hemmx dubju li matul dan iż-żmien ta’ festi kulħadd ikun irid jidher xi ftit speċjali u differenti mis-soltu. Li tipprepara

x’ser tilbes, u kif ser tidher, hija parti milleċitament li jġibu magħhom dawn il-festi li ser ikunu magħna minn hawn u biss ftit ġranet oħra!

Flimkien ser naraw x’inhu moda bħalissa u ser naqsam magħkom ukoll xi ftit ideat u suġġerimenti li bihom kapaċi tibdel id-dehra tiegħek, anka jekk ser tibqa’ sejra r-riċeviment li ġejt mistiedna għalih dritt wara x-xogħol.

Kif ser nidhru l-aħjar, attraenti u kunfidenti kull fejn immorru f’dawn il-festi?

Hija idea komuni ħafna li tilbes x’tilbes l-importanti huwa li tkun komda fih. Idea oħra li nistgħu ngħidu saret pjuttost moda wkoll hija dik illi nilbsu b’mod li jidher sempliċi filwaqt illi d-dehra tkun waħda li kien jistħoqqilha xi ftit tal-effort sabiex tidher daqshekk attraenti, irrispettivament mis-sempliċità tagħha. Is-sena 2021 rat diversi stili ta’ ħwejjeġ u anka żraben li ħaduna lura għas-snin disgħin. Dawn jinkludu ġersijiet ta’ kull lewn, disinn, tul u qosor, u l-aktar popolari huma dawk qosra li jintlibsu kemm fuq dbielet u anka fuq qliezet. Moda oħra hija dik li wieħed jilbes dik li nafuha bħala tracksuit, però tintlibes fuq takkuna, jew inkella naraw moda oħra fejn ġakketta każwali tintlibes proprju taħt blazer. Moda oħra partikolari wkoll hija dik ta’ qmis b’disinn iċċangajt li għalkemm qmis hija magħmula wkoll b’tali mod li tagħti dehra ta’ ġakketta. Moda oħra li reġgħet magħna hija dik tal-kmiem kbar, magħrufin bħala puff sleaves u kif ukoll tal-basktijiet żgħar b’ċinga qasira u f’forma ta’ nofs qamar, basket li fis-snin disgħin kulħadd kellu xi wieħed jew tnejn minnhom fil-gwardarobba. Din is-sena moda immens ukoll it-tiger print fuq ġersijiet, kowtijiet u qliezet. Il-kpiepel magħrufin bħala bucket hats huma prominenti fid-djar tal-moda għal din is-sena, u kif ukoll l-boots magħrufin bħala tractor boots, fejn b’mod partikolari nosservaw li l-qiegħ tal-boots ikun wieħed għoli u kemxejn wiesa’.

Ritratti: Pixabay

Fir-rigward tal-moda għall-irġiel naraw il-kulur aħmar bħala wieħed popolari ħafna għal din is-sena, u kif ukoll ġersijiet ta’ disinni ta’ kull xorta u ta’ kull lewn. Prominenti wkoll huma suits, però suits bi stil modern, u mhux suits kif normalment imdorrijin naraw. Nosservaw ukoll kemm huma moda ġersijiet bil-għonq kbir magħrufin bħala polo necks, u kif ukoll kwalunkwe oġġett tal-ilbies magħmul mill-ġilda. Reġgħu moda ħafna fuq l-irġiel ukoll il-kowtijiet magħrufin bħala trench coats u t-tractor boots li semmejna bħala moda għan-nisa huma wkoll moda għall-irġiel.

Stili tax-xagħar u tal-make-up għall-festi tal-Milied u l-Ewwel tas-Sena

L-istil tax-xagħar jirrifletti wkoll l-okkażjoni li ser nattendu għaliha. Stilisti tax-xagħar

jissuġġerixxu lil dawk xagħarhom innukklata sabiex f’dan iż-żmien jaraw illi n-nokkli f’xagħarhom jidhru fl-aħjar tagħhom u b’ċertu volum. Mill-banda l-oħra, min għandu xagħru twil jista’ jiġbru f’toppu eleganti fil-ġenb, inkella jgħollih u f’xagħru jżid xi aċċessorju jekk hu mistieden għal xi festin jew għal xi ikla partikolari f’dawn iż-żminijiet ta’ festi. Il-malji u l-kulur fix-xagħar imorru tajjeb ħafna fuq xi żagħżugħ jew żagħżugħa li ser jattendu għal xi festin ta’ divertiment. Fir-rigward tal-make-up tajjeb li dan ukoll ikun addattat għall-okkażjoni li nkunu sejrin u kif ukoll jaqbel mal-ilbies li nkunu lebsin. Ħuġbejn mimlijin, xufftejn ħomor jew miżbugħin lewn skur, ħaddejn lewn roża, u xagħar tal-għajnejn twil, huma kemm fost il-moda u kif ukoll issuġġeriti għal dawn iżżminijiet ta’ festi.

Tagliatore

Fendi

Ħarġa mal-ħbieb, ikla jew staff party Jekk ser toħroġ mal-ħbieb f’dawn il-festi għandek diversi għażliet ta’ x’tista’ tilbes però ara li f’dak li tilbes ikun hemm xi ftit jew wisq dehra ta’ festività u ta’ avventura, għaliex le. Tista’ tilbes ħwejjeġ li tilbes normalment ukoll, anka jeans, però għandek taqla’ l-ilbies permezz ta’ xi ġakketta pulita jew casual smart. Permezz ta’ ġojjellerija jew takkuna kapaċi tibdel l-ilbies minn dak każwali għall-casual smart jew anka dak ta’ stil formali. Mill-banda l-oħra, jekk irċivejt xi invit għal xi avveniment formali, ara li tilbes xi libsa jew xi suit addattata.

Għal xi ikla filgħaxija f’dawn il-festi m’inti ser tmur żmerċ qatt jekk tilbes xi libsa b’xi disinn, boots u kowt. L-ilbiesi b’komma twila jagħmlu stil eleganti u chic immens, filwaqt li ġersijiet u blazers fuq takkuna jagħtu stil casual smart.

Ftit ideat tal-aħħar : Il-ġojjellerija u l-aċċessorji joħduk milluffiċċju jew minn fuq il-post tax-xogħol għal dik l-ikla li inti mistieden jew mistiedna għaliha, u permezz ta’ hekk jirnexxilek tibdel l-istil tal-ilbies tiegħek skont l-okkażjoni wkoll. Flimkien mal-aċċessorji, jekk iżżid ftit make-up addattat u tibdel anka jekk imqar oġġett wieħed minn dak li inti liebsa, pereżempju minn ġakketta għal blazer, tista’ tgħid li tkun bdilt id-dehra tiegħek kompletament.

Sabiex nagħlqu hawnhekk, ser naqsam magħkom ħsieb żgħir –matul is-sena kollha, u mhux b’inqas matul dawn il-festi, tinsiex ukoll tilbes it-tbissima tiegħek. Ħudu pjaċir, ingħaqdu u gawdu dawn il-festi li ġejjin. Awguri!

Haney

Jacquemus

IR-RIGALI GĦALL-MILIED!

Aħseb minn qabel!

Reġa’ wasal il-Milied u l-ġranet ta’ preparamenti għal din il-ġurnata u għal dan il-perjodu qegħdin iktar ma jmur jonqsu ! Fost ħafna preparamenti, li nixtru rigal mill-qalb għall-maħbubin tagħna tkun waħda millaffarijiet fuq ta’ quddiem fil-lista ta’ dawk l-affarijiet li rridu nagħmlu u nippreparaw. Ir-rigali joħdulna ħafna ħsieb, u dan anka jekk il-ħsieb biss huwa naturalment biżżejjed, kollha kemm aħna nkunu qegħdin nistennew li r-rigal li nkunu xtrajna lil uliedna, lillmaħbub jew maħbuba tagħna, lill-ġenituri, ħbieb u kollegi tagħna, jintlaqa’ b’sorpriża u jintgħoġob.

Baqagħlek biss ftit jiem, tħallix għall-aħħar!

Dawn huma xi ftit ideat ta’ x’rigali tista’ tagħti lill-maħbubin kollha tiegħek!

Nibdew bir-rigali lit-tfal. Bla dubju li bħalma jitbissmu huma hekk kif jaraw ir-rigali, ma jitbissem ħadd. Ittbissima u l-espressjonijiet tagħhom partikolari wisq, speċjalment hekk kif b’eċitament kbir, b’tant enerġija, u b’għajnejhom jixegħlu, jiftħu r-rigali li jkunu rċivew.

Ir-rigali li nixtru lit-tfal għandna nqabbluhom maletà tat-tfal u anka mal-interessi tagħhom, però permezz tar-rigali li ser nagħżlu għalihom kapaċi wkoll ngħinuhom sabiex jagħrfu passatempi ġodda.

Wieħed isib diversi ġugarelli li huma adattati, edukattivi kif ukoll ġugarelli li jwasslu għall-kreattività fit-tfal tagħna.

Xi ftit ideat huma roti u skuters li jieħdu pjaċir bihom kemm il-bniet u kif ukoll is-subien, kameras tar-ritratti, ġugarelli tal-logħob għal tfal iżgħar fl-età bħal ngħidu aħna kċejjen ċkejknin u ġugarelli marbutin mal-preparazzjoni tal-ikel għal dawk ittfal li juru interess fil-kċina u fl-ikel, muturi żgħar, ġugarelli marbutin mal-arti, kollezzjonijiet ta’ kotba b’illustrazzjonijiet il-ġmiel tagħhom, u ġugarelli marbutin mal-mużika.

Ġugarelli oħrajn, u li forsi huma kemxejn oriġinali u riċenti wkoll huma dawk marbutin ma’ AMSR. Dawn ikunu magħmulin minn materjali u anka rwejjaħ illi jirrillasaw lit-tfal tagħna b’mod san hekk kif it-tfal joħolqu affarijiet ġodda proprju b’dawn il-ġugarelli. Rigali oħrajn għat-tfal tagħna jinkludu sets ta’ materjali li bihom it-tfal jistgħu joħolqu ġojjellerija sabiex imbagħad jagħtuhom lill-ħbieb tagħhom, u anka ġugarelli marbutin max-xjenza, man-natura, mal-inġinerija u mal-matematika. Bla dubju ma tonqosx l-għażla ta’ prodotti teknoloġiċi li nistgħu

nixtru wkoll, fosthom diversi aġġeġġi u anka arloġġi li huma aġġeġġi minnhom infushom!

Xi ngħidu rigward ir-rigali għaż-żgħażagħ? Ħsibt f’diversi affarijiet u ser naqsamhom magħkom. Il-lista tinkludi affarijiet li jolqtu l-gosti taż-żgħażagħ kollha, forsi anka għaliex tfajliet u ġuvintur żgħażagħ ikunu għadhom qegħdin jifformulaw il-personalità tagħhom, u għalhekk, dak li jinteressahom u dak li mhuwiex ta’ interess partikolari għalihom. Xi ftit ideat huma: ħwejjeġ, vawċers li jistgħu jintefqu fi stabilimenti li għandhom wieħed isib prodotti tax-xagħar u tassbuħija, ġojjellerija, kotba rigward diversi oqsma inklużi dawk rigward it-tisjir, ir-reliġjonijiet u l-kulturi, jew rigward xi idolu ta’ dan iż-żagħżugħ partikolari. Iżjed ideat jinkludu oġġetti marbutin ma’ xi sport partikolari, l-aħħar aġġeġġi li jagħmlu l-ħajja ta’ dawn iż-żgħażagħ iżjed cool, kamera tar-ritratti, skuter, oġġetti tipiċi marbutin mal-arti, mal-mużika, mal-ikel, max-xjenza u ma’ xi esperiment, bħal ngħidu aħna xi mikroskopju għal dik iż-żagħżugħa li qed tistudja l-bijoloġija.

X’ser nixtru lil dik il-koppja favorita tagħna li ser jiżżewġu f’dan iż-żmien jew li inkella għadhom kemm bdew jgħixu flimkien fid-dar il-ġdida? It-tnejn huma avvenimenti sbieħ tassew, però rridu nammettu li kapaċi jkunu żminijiet ta’ tensjoni u stress ukoll!

Għalhekk, lil din il-koppja nistgħu nixtrulhom xi hamper imħawwar bi prodotti lokali, jew inkella nagħtuhom xi vawċer sabiex iqattgħu tmiem il-ġimgħa f’xi waħda mil-lukandi eċċezzjonali li għandna kemm f’Malta u kif ukoll f’Għawdex. Nistgħu nagħtuhom għall-Milied xi vaganza qasira barra minn xtutna jew inkella xi vawċer sabiex isarrfuh f’xi stabiliment li joffri interventi ta’ rilassament bħal pereżemepju massaġġi. Xi ftit iktar ideat huma xi oġġett personalizzat għalihom it-tnejn bħala koppja li jistgħu jżejnu bih fid-dar il-ġdida, jew inkella xi magna li tagħmel kafè prim jekk huma t-tnejn fanatiċi tal-kafè, xi pittura tagħhom it-tnejn flimkien f’xi avveniment partikolari, jew inkella xi pittura ta’ xi xena li inti taf li għalihom hija waħda speċjali u li żgur ser iġġibilhom memorji sbieħ.

Dawk il-koppji li qegħdin jippjanaw li jkollhom tarbija, jew inkella dawk li qegħdin jistennew tarbija, żgur illi dan il-Milied jieħdu pjaċir b’rigal mogħti lilhom proprju għat-tarbija li qegħdin jistennew. Lokalment wieħed isib diversi prodotti li huma ta’ bżonn fiddar tiegħu meta wieħed ikollu tarbija, u dawn huma oġġetti li tiġi bżonnhom fid-dar, u anka oġġetti li l-użu

tagħhom huwa partikolarment prattiku għal meta l-ġenituri jinstabu barra mid-dar bit-tarbija. Sakemm jasal proprju l-ikbar rigal, it-tarbija, din il-koppja żgur li ser tapprezza l-ħsieb tiegħek fit-tarbija tagħhom. U lil dik il-koppja miżżewġa ħbieb jew familjari tagħna x’nistgħu nixtrulhom ? Vawċers, trattamenti tas-sbuħija għalihom it-tnejn, ornamenti jew appliances għad-dar tagħhom, xi bukkett fjuri sabiħ jew xi qasrija ta’ ġewwa, xi hamper mimli prodotti favoriti tagħhom it-tnejn jew inkella xi oġġett personalizzat għalihom it-tnejn bħal pereżempju xi bord tal-kċina b’isimhom fuqha.

Irridu naħsbu wkoll f’nies ikbar fl-età, li jiġu familjari tagħna, kollegi, ħbieb jew ġirien tal-qalb. Xi jħobbu jagħmlu, u kif qegħdin jgħaddu l-ħin li jkollhom li fih mhumiex impenjati ? Dawk li jħobbu l-ktieb nistgħu nixtrulhom xi ktieb kontroversjali sabiex imbagħad ingawdu magħhom diskussjoni li ma tispiċċa qatt, qsari u pjanti lil dawk li jħobbu l-ġnien, prodotti marbutin mal-ikel, mal-mużika u mal-arti għal dawk l-artistiċi jew dawk li minn dejjem xtaqu jagħrfu iżjed l-arti, xi ritratt ħelu fil-gwarniċ tagħhom meta kienu għadhom tfal u ieħor tagħhom riċenti, prodotti u vawċers ta’ rilassament u sbuħija. Fl-aħħar mill-aħħar, żgur li dan il-Milied jixirqilhom oġġett li sempliċiment joħolqilhom tbissima, li jqanqalhom u jferraħhom.

Lin-nanniet għeżież tagħna dan il-Milied, apparti li ngawdu l-ħin magħhom filwaqt li nżommulhom idejhom u nħarsu lejhom b’ammirazzjoni, ngħaddulhom xi rigal li nafu li ser ikun speċjali u għal qalbhom. Xi ftit ideat jinkludu, ritratti tagħhom u tal-familja li bnew magħquda lkoll flimkien, xi rigali personalizzati għalihom u kif ukoll aġġeġġi moderni sabiex in-nanniet tagħna jibqgħu mexjin maż-żmien tal-lum, li fih iva, it-teknoloġija tibrilla, u għalhekk, mhux biss għaliex jixirqilhom l-aħjar, jeħtieġ li n-nanniet tagħna dan il-Milied iduqu xi ftit mill-aħħar teknoloġija li ġabet magħha s-sena 2021!

Lil dik il-ħabiba speċjali jeħtieġ li naħsbu fiha wkoll. Naraw ftit xi tħobb jew inkella naħsbu f’xi ħaġa li ġieli semmiet li tixtieq li jkollha jew li tixtieq tagħmel. Dan il-Milied nistgħu nagħtuha sorpriża bir-rigal tal-Milied u dan għaliex ikun jinkludi xi biljett għal xi avventura li tant ilkom titkellmu fuqha flimkien, jew inkella xi biljett għal xi safra li wkoll ilkom tiddibattu fuqha flimkien. Tmiem il-ġimgħa f’xi lukanda jew xi vawċer għal xi trattament tas-sbuħija ma naf l-ebda ħabib jew ħabiba li ser tgħid le għalih, anzi ninsabu ċerti li jkun wieħed mir-rigali favoriti li tkun irċeviet din il-persuna speċjali għalina. Lokalment wieħed isib diversi oġġetti wkoll li xħin tarahom mill-ewwel ser tiġik il-persuna f’moħħok li għaliha għandek tixtri dak ir-rigal partikolari.

Tal-aħħar, u żgur mhux tal-inqas, x’ser nixtru lirraġel jew lill-maħbub tagħna, jew lil ħutna rġiel u lil missierna? Din ħafna drabi jaf tkun xi ftit jew wisq diffiċli, jew inkella, sena wara sena, nagħtu l-istess rigal. Din is-sena minflok nistgħu naħsbu iżjed fid-dettall forsi anka ta’ x’għandu bżonn il-persuna, fejn naf jien, forsi xi oġġett għall-karozza jew għall-mutur tiegħu,

jew xi aġġeġġ partikolari li kapaċi jagħmillu l-ħajja ta’ kuljum iżjed faċli. Trattamenti tas-sbuħija u ta’ rilassament huma affarijiet li jieħdu pjaċir bihom l-irġiel ukoll u għalhekk dejjem nistgħu nagħmlu vawċer li jissarraf f’xi stabiliment lokali.

Wasalna fit-tmiem. Nittamaw li dawn l-ideat ser jgħinukom sabiex jirnexxilkom tixtru l-aqwa u l-isbaħ rigal lill-maħbubin tagħkom, u għalhekk rigal li jibqa’ kemm fil-memorja u fuq kollox filqalb. Min-naħa tagħna nawguralkom Milied mimli kuntentizza u saħħa!

KNISJA ĠDIDA F’MABANDA

Kif int tista’ tgħin?

Madwar 200 familja Kattolika jgħixu fil-villaġġ ċkejken ta’ Mabanda fid-Djoċesi KasanaLuweero fl-Uganda. Ħafna m’għandhomx aċċess għallebda forma ta’ trasport. Dan ifisser li biex jisimgħu quddiesa nhar ta’ Ħadd, ikollhom jimxu madwar 3 kilometri f’toroq mimlijin tajn. Ta’ darba fil-ġimgħa, dawn il-familji jkollhom jimxu din id-distanza twila u meta t-temp ikun ħażin, it-toroq isiru perikolużi ħafna. Dan minħabba li bl-ammont ta’ xita qawwija li tagħmel, it-toroq isiru inaċċessibbli.

In-nies ta’ Mabanda kienu jafu li kien hemm bżonn ta’ knisja fid-distrett tagħhom. Madwar sentejn ilu huma taw bidu għal din il-knisja. Huma jafu li bl-għajnuna li ser jirċievu mingħand diversi benefatturi, il-bini tal-knisja ser ikun possibbli. Dan il-proġett ser jiġi jiswa ħafna flus. Il-familji ta’ Mabanda bejniethom ġabru s-somma ta’ A$1200 (€849), li hi somma kbira ħafna meta tqis li f’sena jaqilgħu bejn A$200 (€141.50) u A$400 (€283). Dun Matthias Jjooga, il-qassis ta’ parroċċa fil-qrib, jisħaq fuq il-bżonn urġenti ta’ bini ta’ knisja biex tilqa’ fiha lil din il-komunità u tiġborhom kollha flimkien. In-nies tal-lokal għamlu mill-aħjar li setgħu u taw dak kollu li għandhom biex dan ikun possibbli. Minkejja li huma bdiewa foqra, irnexxielhom jiġbru biżżejjed biex jinxtraw 40,000 briksa, 40 xkora siment u 10 trakkijiet ramel. Ħallsu wkoll għax-xogħol, għalkemm dawk li jinqalgħu ma ħasbuhiex darbtejn u meddew idejhom għaxxogħol huma wkoll.

Joan Nansubuga, anzjana ta’ 92 sena, li tgħix f’dan il-villaġġ, u li dari kienet bidwija, tifhem u tagħder lin-nies talkomunità u taf bil-bżonn urġenti ta’ knisja. Għalkemm Joan ma tistax tgħin fil-bini, hija xorta għamlet il-parti tagħha u tat b’donazzjoni l-biċċa art tagħha biex fuqha tinbena l-knisja. Minkejja li ma twelditx f’dan il-villaġġ, Joan rabtitu ħafna ma’ qalbha, sa minn meta marret tgħix hemm wara

li miet żewġha. Hija tilfet il-mobbiltà f’saqajha t-tnejn wara li tatha puplesija, imma bl-għajnuna ta’ infermiera li tgħix magħha, hija jirnexxilha tmur tisma’ l-quddiesa u titqarben. Dun Matthias jemmen li l-bini tal-knisja mhux biss se jservi biex il-familji jinġabru flimkien għall-quddiesa, imma l-mexxejja tal-knisja ser ikollhom iċ-ċans li jitħalltu mannies u jsiru jafuhom aktar. B’hekk ikunu jistgħu jagħtuhom pariri ħafna aħjar. Mill-banda l-oħra, in-nies ta’ Mabanda jħossuhom ċerti li permezz tal-knisja, li fuqha jiddependu ħafna, huma ser ikollhom opportunità ta’ aktar servizzi, fosthom skola u klinika.

Għalkemm il-villaġġ ta’ Mabanda huwa wieħed żgħir, li jgħixu fih mhux aktar minn 700 ruħ, l-istennija tal-bini talknisja hija kbira ħafna. Bl-għajnuna u s-sapport ta’ diversi benefatturi, il-proġett qed joqrob lejn it-tmiem. L-istennija fit-tul ma ddumx ma tagħti l-frott u tagħmel kemm tagħmel xita, il-parruċċani ser ikunu jistgħu jinġabru u jiċċelebraw il-quddiesa tal-Ħadd bla diffikultajiet ta’ xejn.

Grazzi għad-donazzjonijiet ta’ flus li aħna nagħtu, ċkejkna kemm huma ċkejkna, nies f’sitwazzjonijiet simili madwar id-dinja kollha, jirċievu dak kollu neċessarju biex jgħixu ħajja diċenti. Bis-saħħa ta’ ħafna benefatturi Maltin u Għawdxin, Missio Malta (l-uffiċċju missjunarju) fil-Belt u l-Mosta, jibgħat fondi lil diversi komunitajiet fejn hemm il-missjunarji sabiex jgħinu mill-aħjar li jistgħu lill-foqra u abbandunati, fost oħrajn. Aktar informazzjoni tista’ tinkiseb minn fuq il-websajt www.missio.org.mt, minn Facebook jew fuq 2123 6962.

Addattament Claudia Cini

TISLIBA BIL-PREMJU DIĊEMBRU

Rigal Ġdid! Issa tista' tirbaħ fwieħa grazzi għal Ta' Xbiex Perfumery

L-Ewwel Premju

Doris Caruana

€20 Vawċer minn Gold Market

It-Tieni Premju

Carmelo Catania

Fwieħa minn Ta' Xbiex

Perfumery

It-Tielet Premju

David Borg Attard

Ktieb minn Merlin Publishers

Ir-Raba' Premju

Doris Grima

Ktieb minn Merlin Publishers

Soluzzjoni GWIDA Ottubru

Mimdudin 1 Deffun; 3 Ċensur; 8 Debuttant; 10 Tosti; 11 Ilsna; 13 Nanna, 15 Raġuni; 19 Nil; 20 Laus; 21 Tarsu; 23 Torri; 25 Anti; 26 Priedka; 27 Stiva; 29 Amato; 30 Stess; 31 Ruman; 32 Kukku(Drill); 33 (Kukku)Drill

Weqfin 1 Doċċa; 2 Fiduċja; 4 Suttana; 5 Ross; 6 LarinġDifiża; 7 Atti; 9 Ballu; 12 Skart; 14 Nanu; 16 Ġesti; 17 Namrat; 18 Almanakk; 22 Spettur; 24 Wasal; 26 Pannu; 27 Soru; 28 Imma

Mimdudin

Qal, tkellem (6)

Ħasel idejh minn Kristu (6)

Maħfra li tingħata f’xi okkażjoni millPresident jew il-Gvern lill-priġunieri (9)

Assistenza soċjali (5)

Dover tiegħi (5)

Ara 5 Wieqfa (5)

Jittajru fil-festi u l-okkażjonijiet (6)

U 6 Wieqfa Frott tal-baħar (3)

Irqiq, penetranti (4)

Waħda, okkażjoni, ġrajja (5)

Allat foloz (5)

Ara 14 Wieqfa (4)

Biċċa drapp skartata (7)

Annimali mħattba li ssib fid-deżert (5)

Tisliba Bil-Premju Novembru

Ibgħat is-soluzzjoni lill-GWIDA/Tisliba

Novembru, Content House, Mallia Buildings, 3, Level 2, Triq in-Negozju, Zone 3, Central Business District, Birkirkara, CBD 3010 mhux aktar tard mill-31 ta' Diċembru, 2021.

Biċċiet li jibqa’ mis-sigaretti (5)

Fl-aħħar tal-mazzita ssibha! (5)

Festa tal-Madonna... tal-baħar (5)

Tarmiha u nini nini ċċaqalqu l-vapur (5)

Telgħa baxxa għal xi siġġu tar-roti (5)

Weqfin

Kejl modern għal-likwidi (5)

Isewwi ż-żraben (7)

Differenza (7)

U 13 Mimduda Tal-mistħija (4)

Ara 19 Mimduda (6)

Żmien meta tieħu frott l-għelieqi (4)

Ippenetra min-naħa għall-oħra (5)

Sugu tal-għeneb magħsur (5)

U 25 Mimduda Jara kollox ħażin, mhux pożittiv (4)

Fuq ruħu (5)

Iżomm il-ħin (6)

Ġlieda (8)

Inħeles minn Pilatu (7)

Kapitali ta’ Kuba (6)

Iħarsu fil-vojt (5)

Iżda (4)

Ġeneru femminili (4)

Ktieb: Frammenti ta’ Tyrone Grima

Aqra din is-silta u fittex mill-gradilja l-kliem li huma skuri.

Immaġinak tqum filgħodu, jum bħall-oħrajn (mingħalik), u ssib li d-dinja ta’ madwarek ma baqgħetx hemm. Kulħadd telaq … karozzi, nies, annimali Toroq vojta, uffiċċji vojta, djar vojta. Baħħ. Inti biss.

X’tagħmel kieku?

Din hi l-premessa eċitanti tar-rumanz il-ġdid ta’ Tyrone Grima, Frammenti. Ir-rumanz isegwi lill-protagonist li stenbaħ biex imur għax-xogħol kif dejjem kien jagħmel, imma din id-darba malli ħareġ minn daru, sab baħħ. Sa ma sab lil Sophie – forsi l-unika persuna li kien għad fadal. Frammenti jinqara f’nifs wieħed, fejn kull mixja

tal-protagonisti minn belt għal oħra tiftaħ iżjed bibien –bibien ta’ djar li jsibu abbandunati u jidħlu fihom għall-kenn u għall-ikel, imma wkoll bibien għal ġol-misteri l-aktar profondi ta’ ħajjithom. Diżappunti, traġedji imma anki mħabbiet.

Frammenti jinsab għall-bejgħ mill-ħwienet tal-kotba kollha, jew online b’pustaġġ lokali b’xejn mis-sit merlinpublishers. com

Ibgħat ir-risposta tiegħek fl-indirizz; Logħba tal-Editur, GWIDA, 3, Level 2, Mallia Buildings Triq in-Negozju, Zone 3 Central Business District, Birkirkara, CBD 3010

Lokalità

sehem f’din il-kompetizzjoni u irbaħ ktieb mingħand Merlin Publishers. Imla d-dettalji f’din il-kaxxa u ibgħathom sal-31 ta' Diċembru, 2021. Ir-rebbieħ tax-xahar li għadda kien Edgar Izzo, Sliema

1. Karozzi

2. Annimali

3. Toroq

4. Baħħ

5. Frammenti

6. Rumanz

7. Sophie

8. Diżappunti

9. Misteri

10. Traġedji

Reno:

Polly:

Reno: Polly: Reno: Polly:

EPISODJU 8/ L-EWWEL STAĠUN IR-RIKATT (lt-tielet parti)

Skript miktub minn Audrey Brincat Dalli Produzzjoni SharpShoot Media ltd.

Adattament għall-GWIDA minn Anthony M. Baldacchino

Marie titlob biex Luċija ddaħħal lil Twannie u ġġegħelha tiskuża ruħha li għalqitlu l-bieb f’wiċċu. Twannie jidħol ġewwa, jinża’ l-kappell, Luċija tiskuża ruħha u dan jibqa’ tiela’ wara Marie.

Fil-bar ta’ Polly, kien hemm il-kant u ż-żfin bħas-soltu. Lilly u Lydia kienu qed jieħdu ħsieb ftit baħħara. Kollox kien normali, biss Polly ma kinitx f’sikkitha. Ma riditx taqla’ għajnejha minn fuq Reno. Reno kien qiegħed ma’ xi klijenti mal-bar. Wara ħafna ħsieb, Polly iddeċidiet li tmur ħdejn Reno. Iċċekjat jekk hux kollox sew u provat tibda konversazzjoni ma’ Reno. Reno min-naħa tiegħu kien xott fi kliemu. Polly baqgħet tittantah.

Għandek raġun. Ma tantx għandi aptit nitkellem illum. (Filwaqt li jkompli jħares kullimkien minbarra f’għajnejn Polly. Reno kompla jsellem lill-baħħara u jagħmel ix-xorb).

Lil ħaddieħor m’intix tiddejjaq tkellmu imma. Miegħi ta’ ftit kliem.

Ma nafx għala qed tiddejjaq, dejjem tgħidli ma niffittakx u nkompli fuq xogħli u hekk qed nagħmel. Issa jekk ma jimpurtax ħa mmur intella’ żewġ kaxxi birra minn wara.

Iva stenna. Infakkrek li xorta għadni l-imgħallma tiegħek.

Għandek xi tgerger miegħi bħala impjegat?

Le ...imma meta nkellmek nistenna li tismagħni.

Xi trid Pol? Forsi mmur inkompli.

Ara kif jagħmel dan! (Iddur fuq Reno u ssefsiflu f’widnejh). Ridt ngħidlek li s-sigriet tiegħek, serraħ moħħok m’iniex ħa nikxfu.

Violet mhix xi sigriet ...ma nħobbx insemmiha għalxejn b’xejn, dak kollox. Għaliha għax hi ma tiħux gost li noqgħod ngħid li missierha.

Din vera sorpriża kienet! Qatt ma stennejt li kellek tifla. Qisek kont tħobbha l-ħajja meta kont iżgħar.

Il-ħajja kulħadd iħobbha Pol. U meta tkun żgħir tagħmel ħafna affarijiet li jiddispjeċik wara. Imma li kien kien u li sar sar (filwaqt li deher aġitat biex tfittex titlaq minn quddiemu).

Imma m’ommha għadek titkellem, bqajtu f’kuntatt?

Ifhem ommha żżewġet, lil Violet rabbieha ħaddieħor ...(fl-aħħar idur fuq Polly u jistaqsiha fuq din il-kurżità żejda) Imma għala qed ngħidlek dan kollu lilek jien?

Għala m’għandekx? Ħsibtek ma tiddejjaqx tiftaħ qalbek miegħi.

Kif dejjem tgħidli int Pol. Int l-imgħallma, jien hawn biss impjegat. Meta xtaqt inkun iktar, dejjem ksirtni. Għandek raġun tafx. M’għandekx bżonn irġiel int f’ħajtek, tajba kif int. Tidher li qed tkampa. Min jien, jien biex ngħidlek mod ieħor?

Reno! (Polly tibqa’ mbellha hekk kif Reno jitlaq minn quddiemha ħesrem. Provat turi lil kulħadd li ma kien ġara xejn).

Mhux Polly biss inkisret dak il-lejl! Luċija wkoll tafux. Inkisret bl-aġir tas-Sinjura ma’ Twannie! Luċija marret tgħid kollox lir-raġel tagħha Wiġi.

Jien għalaqtlu l-bieb f’wiċċu, x’mistħija!. Ma kontx naf li Marie bagħtet għalih. Kif rajtu hemm ħsibtu ġej jaqla’ iktar inkwiet hawn ...biex isaqsi fuq Lydia u erġajt ipprovajt naqtagħlu fil-qasir... imbagħad niżlet Marie u kisritni quddiemu. Fejn tridni nkun naf li hi għajtitlu l-oħra. X’mistħija.

Imma kif ma titgħallem qatt int! Dejjem il-kontra trid tagħmel.

Ara l-ieħor! Jien tant kemm ma ridtx naqla’ inkwiet bgħattu ’l hemm. Fejn nobsor!

EPISODJU 8/ L-EWWEL STAĠUN IR-RIKATT (lt-tielet parti)

Skript miktub minn Audrey Brincat Dalli

Produzzjoni SharpShoot Media ltd.

Adattament għall-GWIDA minn Anthony M. Baldacchino

Wiġi:

Luċija:

Wiġi:

Luċija:

Wiġi:

Luċija:

Wiġi:

Luċija:

Wiġi:

Luċija:

Wiġi:

Luċija:

Wiġi:

Luċija:

Wiġi:

Luċija:

Wiġi:

Luċija:

Wiġi:

Jekk ma tridx taqla’ inkwiet, żomm ’il bogħod minnu. Uri li m’għandekx x’taqsam. Inkella s-Sinjura jiġi għal widnejha li qed tikkomplotta kontriha.

Min qallek li qed nikkomplotta. Min jisimgħak!

Għalhekk mort inkellimha dalgħodu. Ħa nkun ċert li tifhem li aħna, jien u int, leali lejha biss. M’għandniex x’naqsmu ma’ dak kollu li qed jiġri ma’ Lydia. Dak jarawh huma.

X’mort tgħidilha?

Int trid tifhem li minnha rridu. Diġà deherna koroh bl-istorja tal-ittra, meta int aċċettajt li ttiha lil Mario, u ara x’ġara. Ħaditna fuq demm id-dars. Għidtilha li hemm min qed isaqsi fuq Lydia, li qed isaqsi lilna u lir-raħal kollu jekk nafux xi ħaġa. Ma naħsibx li qabditu hi għax kompliet issaqsini ...jekk nafx ismu, jew min hu.

Int qed tiġġennen? Dejjem tgħidli biex ma nindaħalx u mort titkellem fuq xi ħaġa bħal din?!

Għandna bżonn nerġgħu nakkwistaw il-fiduċja tagħha Luċija. Diġà għidtlek, minnha rridu. Iddardarx l-għajn li tixrob minnha. Hekk issa forsi tibda tħares lejna differenti wara l-bużullotta tiegħek.

M’intix tifhem li issa ġġib fl-inkwiet lil ħaddieħor. Lil min qabdu lil dan.

Issa dik mhux biċċa tiegħi. Wara kollox iqabbdu min iqabbdu. Lanqas mhi ħaġa tindaga fuq l-affarijiet tan-nies. Din il-mara qed tgħid lil kullħadd li bintha qiegħda għand is-sorijiet meta ħadd ma jaf fejn qiegħda veru. Setgħetx qatlitha u difnitha u ħadd ma jisma’ iktar mingħandha?

Hemm int! Tħarref u żżejjen u tħalli moħħok jiġri bik. Kultant naħseb m’intix f’sensik.

Iva hekk taħseb! Taħseb li jien miġnuna. Il-veru miġnuna f’din l-istorja kollha qiegħda hemm fuq u jisimha Marie. Dik is-Sinjura għalik. Indirizzaha skont il-grad tiegħek.

Qatt ma ltqajt ma’ laqgħi daqshekk Wiġ. Nisħet is-siegħa li żżewwiġtek.

U tgħidx ereżijiet! Mur għax tiżloq fin-niexef. Mur!

Taf għala dejjem għentha lil Lydia? Taf għala qatt ma waqqaftha milli tiltaqa’ ma’ Mario? Għax rajt li kienu jinħabbu. Imħabba vera bħal dawk li taqra fin-novelli. Bħal dak li dejjem xtaqt inħoss jien u li qatt ma ħassejt miegħek. Min jisimgħak jaħsbek xi waħda mdejqa. Miskina.

Ferħana m’iniex!

Jekk m’intix ferħana mhux tort tiegħi.

Jekk Luċija u Wiġi dakinhar kienu ser jorqdu miġġildin, Johnny u Violet żgur kienu ser itemmu lejl bl-aktar mod romantiku. Tgħid? Dak il-ħin kienu qegħdin fil-Music Hall bl-aqwa lbies possibbli. Il-banda kienet qiegħda ddoqq u sabu post tajjeb. Is-servjent ġie fuqhom u staqsiehom ridux xi ħaġa tax-xorb. Violet kienet ser tordna, iżda Johnny mill-ewwel qallu biex jgħaddi aktar tard. Violet qarset ftit wiċċha. Sabu post u bdiet is-serata.

Pawlu: Johnny: Johnny: Violet:

U issa sinjuri, il-pjaċir tiegħi nilqgħu magħna ...Ladies and gentleman, before stepping to the dancefloor for this dance, I would like you to welcome our very own devil drummer. Our little devil drummer.

Biex ħiereġ dan?

Victor ħareġ fuq il-palk, ħares lejn missieru, tbissem lill-udjenza u beda jdoqq. Johnny kien sorpriż jara lil Victor idoqq b’mod illegali. Peress li kellu l-mara ħdejh u kien qiegħed bla uniformi ħadd ma kien għarfu.

Ara min hu. Ja xifajk! Dan jaf li kontra l-liġi.

Tibdiex ta! M’intix surġent illejla. Taqlax paroli, saħħa ġejna nieħdu ftit gost. Tħassarx festi.

Johnny:

Violet:

Johnny:

Violet:

Johnny:

Violet:

Johnny:

Violet:

Johnny:

Johnny:

Victor:

Jeffrey:

Johnny:

Victor:

Jeffrey:

Johnny:

Jeffrey:

Johnny:

Jeffrey:

Johnny:

Jeffrey:

Jeffrey:

Johnny:

Violet:

Johnny:

EPISODJU 8/ L-EWWEL STAĠUN IR-RIKATT (lt-tielet parti)

Skript miktub minn Audrey Brincat Dalli Produzzjoni SharpShoot Media ltd. Adattament għall-GWIDA minn Anthony M. Baldacchino

Jien dejjem surġent Violet, bl-uniformi u mingħajrha.

Jiġifieri x’ser tagħmel?

Victor beda jdoqq u s-sala kollha ntefgħet iċċapċaplu mar-ritmu. Johnny beda jgiddem difrejh biex ma jqumx minn postu u jintervjenix. Violet xtaqt tiżfen imma hu iktar kien moħħu f’Victor.

Stenna Violet. Dan taf kemm hu gravi. Illegali li tħalli tifel taħt l-età tiegħu jdoqq ġo stabbiliment bħal dan.

Imma mhu jagħmel xejn ħażin ...u vera bravu ħa ngħidlek.

Dan ksur tal-liġi ċar.

Daqshekk għamilna kwieti. Iktar jien ivvintajt.

Iva tagħmilx hekk. Wara kollox hawn għadni.

Jien biex niżfen ġejt!

Iva issa niżfnu! Agħtini ċans.

Johnny ħalla l-mejda, dak il-ħin il-mużika waqfet, Victor mar fin-nofs tal-palk biex isellem lill-udjenza, u ħa l-kappell ta’ missieru biex jiġbor. Kulħadd seta’ jammira l-kuntentizza ta’ dan it-tifel xħin sema’ l-muniti jċekċku ma’ xulxin hekk kif jaħbtu flimkien fil-kappell. Johnny għamel ċert li Victor jarah u hekk kif rah iż-żgħir għarfu mill-ewwel.

Victor talbu biex ma jarrestax lil missieru għax iġibu fl-inkwiet u qallu li kulma xtaq kien li jqatta’ ftit ħin ma’ missieru. Victor talbu wkoll biex ma jgħid xejn lil ommu.

Victor min qed iġibek hawn qed jagħmel diservizz. Huwa ksur tal-liġi. Ma nistax inħallik hawn.

(filwaqt li għannaq lil Johnny) Le jekk jogħġbok police. Ma nkunx nista’ noqgħod mal-papà iktar u jiġġieldu ommi u missieri talli gdibnielha u ġġib lil missieri fl-inkwiet.

(Missier Victor induna li dan waqaf jiġbor u għalhekk b’mod kurjuż mar fuqu) Ejja Victor ħa nkomplu. Ħallih bi kwietu lis-sinjur.

Le jien waqqaftu.

Please! Pleaaaaaaase! (jurih għajnejn biex jitħasru. Johnny jibdel fehmtu)

Għax għandu ħabta jaqbad parlata ma jiqafx.

Min jaf x’għandek bih?

U kieku taf! Ħallini ara għax jivvintahomli.

Fuq hekk kont qed inkellmu...

Imma ma ngħixx mingħajru. Jekk għandek tfal tifhimni.

(Iħares lejn Violet li dak il-ħin kienet irrabjata għalih) Le għad m’għandniex.

La jkollok tifhem. Iġennuk ta imma għalija d-dinja. (Jgħannaq lil ibnu u Victor jitolbu bil-ħniena biex ma jikxfux).

Aħjar inkomplu issa, xi tgħid Vic?

Morru ma nżommkomx. (Victor jagħtih tbissima kbira u jmorru posthom)

X’għidtilhom?

Li għandi l-mara qed tistennieni biex noħorġu niżfnu żifna.

EPISODJU 8/ L-EWWEL STAĠUN IR-RIKATT (lt-tielet parti)

Skript miktub minn Audrey Brincat Dalli

Produzzjoni SharpShoot Media ltd.

Adattament għall-GWIDA minn Anthony M. Baldacchino

Wiċċ Violet ħa r-ruħ, irranġatlu l-ingravata u ħarġitu jiżfen filwaqt li wegħedha li kien kollu kemm hu tagħha. Lura fil-bar ta’ Polly fejn kien għad hemm dik il-bruda kiesħa bejn Polly u Reno. Polly xtaqet lil Lydia tkanta biex tibdel ftit is-serata. Lydia aċċettat u fil-pront il-baħħara nġabru biex jisimgħuha. Dak il-ħin daħal Mario li qalb il-folla kien insinifikanti. Induna bil-leħen sabiħ ta’ Lydia. Ħadd ma kien għarfu. Beda jersaq viċin, ma setax jemmen lil għajnejh. Lydia hemm kienet tkanta minn qalbha filwaqt li tittanta lil dawk ta’ quddiemha. Lilly lemħet lil Mario u provat tagħmel minn kollox biex Lydia ma tarahx. Iżda Lydia lemħitu u f’daqqa waqfet tkanta. Il-mużika kompliet għaddejja, imma għal dawn iż-żewġ maħbubin qisu d-dinja waqfet u ntilfu jħarsu lejn xulxin. Xi baħħara bdew igergru li Lydia waqfet tkanta u wħud bdew iħeġġuha tkompli. Wieħed minnhom terġa’ u tgħid, mar fuqha u taha daqqa fuq sormha. Mario ma felaħx. Fajjarlu daqqa ta’ ponn u Lydia werżqet biex Mario jieqaf u jitlaq ’il barra. Polly intervjeniet mill-ewwel u tefgħetu ’l barra.

Lydia:

Mario:

Lydia:

Mario:

Lydia:

Mario:

Lydia:

Mario:

Lydia:

Mario:

Lydia:

Mario:

Int kif ġejt hawn?

Jien? Għidli int kif spiċċajt hawn ...Taf kemm ilni nfittxek!

Issa? Wara li ħallejtni nistenniek dawk is-sigħat kollha. Int abbandunajtni. Xi trid minni issa?

Lydia fhimt ħażin....

Ma fhimt ħażin xejn. Allaħares ma kinitx Lilly għalija. Kieku min jaf x’sar minni. Id-dar ma nistax nerġa’ mmur.

Naf!

Mela għalfejn ħallejtni? Jekk bżajt minħabba l-baby, missek kellek id-diċenza tgħidli f’wiċċi.

Mela veru! Veru tqila? U tiegħi?

Mario, taf li tiegħek!

Lydia jien ma ġejtx niltaqa’ miegħek dakinhar għax l-ittra li bgħattli, qatt ma waslet għandi.

Mela kif taf li bgħattlek ittra?

Mario: Ommok indunat u ħaditha lil Luċija. Allura ommok ġiet tkellimni biex tikkonvinċini li issa int kont konvinta li trid tiżżewweġ u li ma ridtx tarani iktar. Imbagħad Luċija ġiet tgħidli l-verità. Imma kien tard wisq. Ma kontx naf x’sar minnek jew fejn kont qiegħda. Ħsibtek tlaqt minn Malta, ma ħsibtx li ħa nerġa’ narak.

Fl-aħħar wara ħafna qtugħ ta’ qalb, Mario u Lydia tbewsu bewsa twila.

Imma x’ġara fil-palazz u l-konversazzjoni bejn Twannie u Marie?

Twannie:

Marie:

Twannie:

Marie:

Twannie:

Sinjura m’għandix dubju li inti mara ta’ rispett u li bintek hija importanti għalik imma kif diġà spjegajtlek, dan huwa xogħli.

U xogħlok huwa li tindaga privatament fuq binti, imħallas min....hu min hu. Jien ma nafx min hu li qed iħallsek, iżda nista’ nimmaġina li hu xi ħadd li għandu lil binti viċin qalbu u li jafda ftit li xejn lil ommha. Ma jinteressanix min qabdek. Irridek taħdem għalija. Irridek issib lil Lydia u meta ssibha tgħid lili l-ewwel.

Ma nistax. Tajt kelmti lil klijent ieħor. Taf li qed naħdem għal xi ħadd u li qed titlobni mhux etika. Però nirringrazzjak għax issa kkonfermajtli li lanqas inti ma taf fejn qiegħda bintek. U dan ifisser li kont qed tigdeb meta bdejt tgħid li tinsab il-kunvent.

Naħseb veru ma tafx ma’ min qed tagħmilha. Smajt li kont fil-korp tal-pulizija imma kellek tirreżenja fuq kondotta ...kif nista’ ngħid ...mhux xierqa? Jekk taf x’inhu tajjeb għalik. Taħdem għalija. Sib lil Lydia u meta ssibha avża lili qabel ma jsir jaf Guido ...Xi ħsibt, li ma kontx ser ninduna min qabdek?!

Dan rikatt sinjura!

Marie: Xewqat

Le. Sempliċiment ftehim....ikkompensat ġenerożament ukoll, naturalment.

IS-SOLITUDNI

Addattament Erica Mangion

Xi drabi fil-ħajja, minkejja li nkunu mdawrin bi qraba jew ħbieb, xorta waħda nħossu sens ta’ solitudni. Hemm min, mill-banda l-oħra, tassew jgħix ħajja solitarja b’nuqqas ta’ kuntatt ma’ qraba jew ħbieb.

Is-solitudni hija fenomenu li qed narawh jikber kontinwament fil-ħajja li qed ngħixu. Xi drabi mhux għax ikun tort tagħna iżda għax ninqabdu f’ċirkostanzi li forsi ma jkollniex kontroll fuqhom. L-esperjenza tassolitudni taf tiġi minħabba raġunijiet varji, fosthom il-bżonn li wieħed jibdel fiżikament il-post fejn ikun jgħix jew fejn ikun jaħdem. It-telfa ta’ xi ħadd għażiż minħabba mewt jew separazzjoni taf ukoll tinstiga sens ta’ solitudni, kif jafu jġibu magħhom ukoll emozzjonijiet interni

li jesperjenza l-bniedem fil-karattru tiegħu bħal ngħidu aħna nuqqas ta’ stima tiegħu nnifsu jew sens ta’ inferjorità.

Meta persuna tesperjenza s-solitudni jista’ jagħti l-każ li din l-esperjenza toħloq diffikultajiet oħrajn għall-persuna nnifisha u b’hekk is-sitwazzjoni taf issir aktar diffiċli. Naraw fost l-oħrajn kif issolitudni tista’ ġġib magħha mard fiżiku u mentali bħal ansjetà, stress, dipressjoni u abbuż ta’ sustanzi varji. Taf ukoll taffettwa l-irqad tal-persuna billi jew ikun hemm nuqqas ta’ rqad jew inkella l-irqad ikun interrott b’mod kontinwu. F’każijiet aktar ikkumplikati s-solitudni sfortunatament taf ukoll twassal għall-mewt tal-persuna.

L-indikazzjonijiet li juruna li persuna qed tbati mis-solitudni jistgħu jkunu bosta u jistgħu jvarjaw minn persuna għal oħra. In-nuqqas ta’ kuntatt ma’ persuni viċin jew nuqqas ta’ ħbieb speċjali jista’ jkun wieħed mill-indikazzjonijiet. Meta persuna b’mod kontinwu tiddubita minnha nnifisha u ma tagħtix valur lil dak li hu tagħha, jista’ wkoll ikun indikazzjoni li dik il-persuna tkun qed tħossha waħedha.

Ċerti diffikultajiet għalkemm kultant jiġu fuqna u ma jkollniex kontroll fuqhom, nistgħu xorta waħda negħlbuhom. L-aktar ħaġa importanti hi li nammettu li għandna problema. Dan jagħtina sens ta’ kontroll fuq is-sitwazzjoni li nkunu fiha u minn hemm naħdmu biex noħorġu minnha. F’ċirkostanzi

ta’ solitudni tajjeb li wieħed ifittex li jżomm kuntatt ma’ persuni differenti li jħoss li jistgħu jgħinuh, joħloq konnessjonijiet ġodda anke ma’ gruppi

differenti fil-komunità, joħloq ambjent san fejn

jgħix b’affarijiet li jinteressawh, ifittex li jiżviluppa

aktar is-sens kreattiv li kull wieħed u waħda minna

għandna moħbi ġo fina u fl-aħħar nett ifittex

għajnuna professjonali meta jħoss li dan huwa

bżonn biex tingħeleb il-problema.

Xi drabi ma jkunx biżżejjed li nitkellmu mal-ħbieb jew mal-qraba tagħna iżda jkollna bżonn għajnuna professjonali mingħand min ikun imħarreġ biex joffri sapport emozzjonali f’każijiet sensittivi. U huwa proprju dan, wieħed mis-servizzi li joffru l-linji nazzjonali ta’ Supportline 179 u 1772. Permezz ta’ ħaddiema mħarrġa fil-qasam, dawn iż-żewġ servizzi jagħtu spazju permezz tat-telefown lil kull min f’xi perjodu minn ħajtu jħossu waħdu. Meta persuna tkun qed tesperjenza s-solitudni jkollha bżonn ma’ min tiftaħ qalbha, min jagħtiha widen u min jempatizza magħha. Kull min iċempel 179 jew 1772 ser isib persuni li lesti jisimgħu mingħajr ma jiġġudikaw filwaqt li joffru sapport emozzjonali u anke jirreferu fejn ikun meħtieġ. B’dan il-mod il-persuna li ċċempel issib sostenn fiha nnifisha u tfittex li tegħleb id-diffikultajiet li jkollha. Dan kollu jista’ jsir filwaqt li l-persuna żżomm l-identità tagħha sigrieta.

Is-sabiħ ta’ soċjetà joħroġ f’ġesti bħal dawn fejn l-individwi jingħataw l-ispażju fejn iħossuhom aċċettati, milqugħin u mifhuma, fl-isfond tal-ħajja li jkunu qed jgħixu. Dan kollu jagħmel soċjetà aktar b’saħħitha u li tista’ tkompli timxi ’l quddiem.

Ritratti: Pixabay

Ingredjenti

Għall-mili taċ-ċanga

P 800g ċanga kkapuljat darbtejn

P 3 zalzettiet tal-Malti

P basla żgħira

P 2 sinniet tewm

P 3-4 tsp estratt tal-ħmira (bovril jew marmite)

P 4 mgħaref frak tal-ħobż frisk

P bajda mħabbta

P 2 imgħaref tursin

P 150g ġobon affumikat, maħkuk

MEATLOAF

FESTIV BILĠOBON AFFUMIKAT U

L-FAQQIEGĦ

Metodu

Ibda din ir-riċetta billi tqalli flimkien il-basla u t-tewm fi ftit żejt. Poġġi fi skutella l-ikkapuljat taċ-ċanga u l-laħam taz-zalzett u ħawwad flimkien. Sussegwentament, żid il-basla u t-tewm imsajjar, l-estratt tal-ħmira (bovril jew marmite), nofs bajda mħabbta, frak tal-ħobż, tursin u ġobon affumikat maħkuk u ħawwad sewwa. Poġġi 2 biċċiet kbar cling film u poġġi nofs il-mili fin-nofs. Poġġi l-bajd iebes fuqu u għatti bil-mili li jifdal. Kebbeb fil-cling film bħal zalzett u kessaħ fil-friġġ. Sadanittant, qalli l-faqqiegħ ġo taġen għal 3 minuti u xxotta l-ilma. Irrombla l-għaġina f’forma ta’ rettanglu kbir u dellek bil-bqija tan-nofs bajda mħabbta. Poġġi l-faqqiegħ fin-nofs, imbagħad poġġi l-laħam ippreparat fuq nett. Kebbeb fl-għaġina u aqta' ż-żejjed. Idlek bl-ilma jew bajda żejda u roxx fuq iż-żrieragħ. Sajjar fil-forn f'temperatura ta' 190°C għal 45-55 minuta, jew sakemm jismar u jsir. Servi maqtugħ f'biċċiet bil-ħaxix imsajjar fil-ġenb.

RiĊetta ta’ Manuel Xuereb

Ingredjenti

P slices tal-ħobż

P tadam imqatta’ żgħir

P basal imqatta’ żgħir

P ġobon feta

P tursin imqatta’ żgħir

P ġbejniet xotti mqattgħin f’biċċiet

żgħar

P żejt taż-żebbuġa. Jekk tista’ uża

extra virgin

P bżar mitħun frisk

BRUSCHETTA BIL-ĠOBON FETA

Metodu

1.Ġo bieqja qiegħed it-tadam, basal, tursin u ġobon feta. Ħalli ftit tursin biex iżżejjen. Ħawwad tajjeb. Roxx ftit bżar u ferrex ftit żejt taż-żebbuġa.

2. Qiegħed it-taħlita fuq kull biċċa ħobż. Tista’ tuża ħobż frisk jew jekk se tuża xott trid tixwih. Fil-wiċċ agħmel il-biċċiet tal-ġbejniet.

3. Fil-wiċċ roxx ftit bżar, tursin u erġa’ ferrex ftit żejt qabel ma sservi.

RiĊetta ta’ Anton B Dougall

IŻ-ŻODJAKU MA’ PAULJON

Tagħrif dwar iż-żodjaku ta’ Sagittarius

Ix-xahar ta’ Diċembru jgħaqqadna maż-żewg żodjaki importanti fl-aħħar kwart tal-kalendarju żodjaku fejn ser nesperjenzaw l-ewwel iż-żodjaku ta’ Sagittarius imbagħad lejn tmiem ix-xahar dak ta’ Capricorn. Barra dan, ix-xahar ta’ Diċembru jikkombina diversi aspetti barra l-astroloġija. Ilaqqagħna ma’ bidla fl-istaġuni minn dik tal-ħarifa għall-bidu tal-istaġun kiesaħ; dak tax-xitwa. Iżda ovvjament attività importanti f’dan ix-xahar huwa Jum il-Milied u t-twelid tassena ġdida!

B’hekk tajna ħarsa ħafifa dwar kemm dan ix-xahar ta’ Diċembru huwa xahar partikolari, imma issa niġi għall-għan ta’ dan l-artiklu u nħarsu lejn ix-xahar ta’ Diċembru mil-lenti żodjaka. Niltaqgħu ma’ żewġ żodjaki kompletament differenti minn xulxin fejn fil-preżent qegħdin taħt iż-żodjaku ta’ Sagittarius sal-21 ta’ Diċembru fejn eżatt mal-bidu tal-istaġun tax-xitwa jibda ż-żodjaku ta’ Capricorn. Dan l-artiklu ser jiffoka aktar fuq Sagittarius.

Iż-żodjaku ta’ Sagittarius tista’ tgħid li hu preżentat b’żewġ simboli, is-simbolu tal-vleġġa u s-simbolu ta’ nofs persuna forma umana u nofsha dik ta’ kreatura. Però t-tifsira ta’ dan is-simbolu prinċipali tibqa’ l-vleġġa! Skont il-mitoloġija Griega l-vleġġa qiegħda tissimbola dak il-fejqan imsejjaħ, healing, li hu mezz ta’ fejqan mhux ta’ kura medika imma mezz ta’ fejqan b’meditazzjoni profonda. Dan is-simbolu għandu wkoll t-tieni tifsira: dik ta’ pont li jgħaqqad lid-dinja tagħna ma’ dik imsejħa l-eternità spiritwali!

L-isem ta’ dan iż-żodjaku, dejjem skont il-mitologija Griega, ġej mill-kliem “Τοξότης Toxotes” li mbagħad maqluba għallingwa tal-Latin toħroġ proprju l-kelma Sagittarius. Sagittarius huwa d-disa’ żodjaku fil-kalendarju żodjaku fejn flimkien maż-żodjaki ta’ Aries u Leo jiffurmaw l-element tan-nar. Dawn it-tliet żodjaki flimkien joffru bosta prospetti, fosthom l-aktar magħrufa: is-sensittività fl-imħabba u d-determinazzjoni b’aspett differenti minn żodjaki oħra f’dak li jkun irid iwettaq. Ovvjament għandhom ukoll dik ir-ras iebsa li tkun trid tgħaddi tagħhom iżda huma ħafna persuni li joffru l-għajnuna kollha tagħhom, barra li tispikka l-umiltà kbira taghhom!

Ovvjament kif kont spjegajt fl-artikli oħra, l-importanti hu li int li qed taqra dan, trid tagħraf jekk intix dak iż-żodjaku, pur, jew inkella tkun magħqud ma’ żodjaki minn ta’ maġenbek. Dan jaffettwa ħafna dwar dak li ktibt fis-sentenza ta’ fuq; dejjem il-jum u xahar jgħodd.

Maż-żodjaku ta’ Sagittarius, bħal kull żodjaku ieħor, hemm il-fattur tal-qmura, li għaż-żodjaku ta’ Sagittarius il-qmura nqalbu. Suppost l-ewwel ikun hemm il-qamar kwinta iżda b’dak li ġara fix-xahar ta’ Ottubru, is-sekwenza tal-qmura għalissa nbidlet. Fil-fatt esperjenzajna n-new moon nhar il-Ħamis 4 ta’ Novembru. Għaż-żodjaku ta’ Sagittarius dan ser jagħti spinta sabiex tagħraf tkun iffukat ferm iżjed fuq ilmadwar tiegħek, fuq il-personalità tiegħek u fuq xi twettiq ta’ tibdil fil-ħajja personali tiegħek.

Il-qamar kwinta jiġi l-Ġimgħa 19 ta’ Novembru u dan ser ikun qed iwasslek għal aktar mumenti sensittivi, aktar konxju ta’ twettiq, aktar konċentrazzjoni, iżda wkoll jagħti għarfien lejn is-saħħa tiegħek fejn hawn trid tagħti importanza! B’hekk b’dan il-qamar kwinta int agħraf aħtaf li hemm bżonn sabiex tirregola jew tirranġa! Int li taqa’ taħt dan iż-żodjaku għandek l-opportunitajiet li tiftaħ toroq ġodda, għandek l-opportunità li tagħraf tmexxi lilek innifsek iżjed fejn verament tixtieq u ovvjament sabiex tkattar dak li hemm sabiex b’hekk tkompli tissaħħaħ.

Fatti interessanti dwar il-karattru taż-żodjaku ta’ Sagittarius: Meta tinkiseb il-kunfidenza kompluta ma’ dan iż-żodjaku int żgur tkun taf fejn int. Iżda dan iż-żodjaku jaf ibati ħafna mill-burdatI, għalhekk trid tagħraf timxi sew ma’ dan. Waħda mill-aktar sitwazzjonijiet għal qalbhom hija l-ivvjaġġar jew il-vaganzi, iżda b’tema differenti minn kif wieħed jimmaġina. Persuni famużi f’dan iż-żodjaku ta’ Sagittarius insibu lil Winston Churchill, Britney Spears, Bruce Lee, Scarlett Johansson, Kirk Douglas, Jane Fonda, Steven Spielberg, Tina Turner, Brad Pitt, Emmanuel Macron, Christina Aguilera, Ludwig van Beethoven u l-Papa Franġisku, fost oħrajn.

L-aktar jum ideali għaż-żodjaku ta’ Sagittarius huwa dak talĦamis iżda għandek tevita l-jum tat-Tnejn. Bħala l-aktar xahar ideali għalik huwa dak ta’ Ġunju iżda għandek tevita dak ta’ Marzu. Bħala kristalli ideali għalik huma Amethyst u Sapphire u bħala dati ideali għalik għax-xahar ta’ Diċembru huma s-7, id-9 u d-19 ta’ Diċembru!

Jekk int tkun tixtieq aktar informazzjoni dwar iż-żodjaku personali tiegħek aqra l-ktieb PaulJon bl-Oroskopju Għalik jew iktibli fl-indirizz postali: PaulJon (GWIDA) PO Box 27 Paola, jew żur is-sit tiegħi www.pauljon13.com… Namaste!

IŻ-ŻODJAKU TA’ SAGITTARIUS MWASSAL MINN PAULJON MIT-22 TA’ NOVEMBRU SAL-21 TA’ DIĊEMBRU

Aquarius mill-20 ta’ Jannar sat-18 ta’ Frar

Ser tagħraf iżjed fil-profond ideat fuq diversi proġetti li hemm resqin lejk. Dan ukoll jaf jikkawżalek li tkun ftit panikuż minħabba li trid turi l-abbiltà u l-kapaċità tiegħek. Iżda taqtax qalbek għax b’ħiltek ser iwassluk fejn tixtieq tasal. Namaste.

Pisces mid-19 ta’ Frar sal-20 ta’ Marzu

Ser jagħtik dik il-kunfidenza ġewwa fik li aktar ma jgħaddi żmien aktar tersaq lejn dawk is-sitwazzjonijiet li int trid twettaq. Ovvjament trid tagħraf aktar tibda tikkumbatti mal-mewġ li minn żmien għal żmien int tista’ tiffaċċja. Dan m’għandux iżommok sabiex finalment tasal għal dik l-istabbiltà meħtieġa. Namaste.

Aries mill-21 ta’ Marzu sad-19 ta’ April

Ser jagħmlek tagħraf aktar kif minn issa tagħraf tafda. Int persuna li ma tantx tħobb tafda għalhekk bħalissa ara ma’ min tafda ċertu sitwazzjonijiet b’mod speċjali waqt il-ħidma. Din is-sitwazzjoni taf iġġib magħha ftit ta’ tensjoni fuqek. Però din se tagħmlek tagħraf aktar il-fiduċja meħtieġa. Namaste.

Taurus mill-20 ta’ April sal-20 ta’ Mejju

Ser iwasslek lejn dik il-motivazzjoni ta’ rankatura sabiex b’hekk tiffoka iżjed fil-madwar kollu tiegħek. Għalkemm taf li mhux kollox jiddependi minnek imma tal-inqas dak li int tista’ tasal għalih int, ser twettqu. Dan ser jagħtik dak is-sodisfazzjon lejn aktar tkattir. Namaste.

Gemini mill-21 ta’ Ġunju sat-22 ta’ Lulju

Ser joffrilek opportunità li int trid tieqaf taħseb sew dwarha.

Mhux il-mument li bħalissa tgħaġġel fid-deċiżjoni għax għandek sitwazzjonijiet oħra fil-preżent. Għalhekk wettaq analiżi profonda sabiex din l-opportunità ma tkunx ta’ xi żbilanċ fil-futur. Namaste.

Cancer mill-21 ta’ Ġunju sat-22 ta’ Lulju

Ser tagħraf timxi aktar b’ħsibijiet profondi peress li sitwazzjoni li żviluppat quddiemek trid ftit tal-ħsieb. Dan trid tagħmlu sew għax trid iżżomm bilanċ bejn il-karriera u r-relazzjoni tajba li int għandek. Mument delikat imma jidher li dan tgħaddi minnu jekk tagħraf temmen aktar fik innifsek. Namaste.

KOMPETIZZJONI MA’ PAULJON

Mistoqsija sempliċi għal dan ix-xahar: Iż-żodjaku ta’ Sagittarius huwa:

Q Il-ħdax-il żodjaku Q Id-disa’ żodjaku Q It-tnax-il żodjaku

Leo mit-23 ta’ Lulju sat-22 ta’ Awissu

Ser ikun mument fejn trid tagħfas aktar fuq il-ħila u l-kapaċità tiegħek. Ma tistax tistrieħ aktar fuq dawk ta’ madwarek. Dan int taf li issa wasalt f’dik il-pożizzjoni li trid tħares ’il quddiem, biss bi twemmin fik innifsek. Għalhekk bħalissa trid tiffoka ftit iżjed f’dan ir-rigward. Agħraf sew dan. Namaste.

Virgo mit-23 ta’ Awissu sat-22 ta’ Settembru

Trid tagħraf aktar min int, tagħraf aktar vera xi trid, tagħraf aktar fejn trid tasal. Dan mument fejn int trid issib aktar lilek inifsek. Jekk dan m’intix ħa tagħmlu jaf ikun hemm xi konsegwenzi. Mhux faċli li tieħu ċertu deċiżjonijiet, għalhekk agħraf li ssib spazju fejn int tkun tista’ tirrifletti. Namaste.

Libra mit-23 ta’ Settembru sat-22 ta’ Ottubru

Ser iwasslek għal tħejjija ta’ pjan li int tixtieq twettaq u dan jista’ jsir imma trid tagħraf tħejji tajjeb għalih. Taf li int ma tħobbx li xi ħaġa tmurlek ħażin! Taf kemm int preċiż f’dak li tkun trid. Dan ser jagħtik spinta tajba ’l quddiem! Basta tonora dmirek b’aktar responsabiltajiet. Namaste.

Scorpio mit-23 ta’ Ottubru sal-21 ta’ Novembru Sitwazzjoni mill-passat ser terġa’ tiġi għall-attenzjoni tiegħek peress li għadda ċertu żmien u int stabbilixxejt lilek innifsek. Din taf tkun ta’ problema jekk finalment int tagħti xi spazju. Dan meta int taf kemm battejt biex ħrigt minn dan il-passat. Mhux il-waqt li int tiftaħ il-passat. Namaste.

Sagittarius mit-22 ta’ Novembru sal-21 ta’ Diċembru Mument ta’ riflessjoni dwar il-pjanijiet ġodda fil-karriera tiegħek. Ikun tajjeb li tagħmel ċertu tibdiliet, imma ħu ħsieb li timxi b’għaqal. Hemm bosta ideat u ser ikun hemm diversi tibdil madwarek. Imma trid tagħraf tħejji skeda tajba li tirrifetti ma’ dak li jkun meħtieġ. Namaste.

Capricorn mit-22 ta’ Diċembru sad-19 ta’ Jannar

Ser ikun il-waqt li tirrifleti sabiex ma tkunx daqstant rasek iebsa, għax jekk ħa żżomm iebes żgur ser iġġarrab xi telfa. Huwa waqt fejn int trid tagħraf terħi mis-sikkatura. Tibżax tagħmel dan għax m’intix ħa titlef l-ebda kredibiltà, anzi wara ħa tinduna li xi kultant meta timxi f’dan il-pass int tista tagħraf aktar. Namaste.

Isem u Kunjom: _________________________________________Mobile Number: _________________

Indirizz: ________________________________________________________________________________

L-ewwel premju – Voucher bi skont fuq il-pubblikazzjoni PaulJon bl-Oroskopju Għalik

It-tieni premju – Voucher bi skont fuq trattament tas-sbuħija, mogħti minn Angels and Crystals Beauty

Wellness Salon, Marsascala. Flimkien ma’ tifkira tal-kalendarju żodjaku 2020.

Ir-rebbieħa tal-kompetizzjoni għall-mistoqsija li kienet:

Iż-żodjaku ta’ Scorpio taħt liema element jaqa’? Kienet l-ilma

L-ewwel premju għax-xahar ta’ Novembru ntrebaħ minn: Nadia Sammut, San Ġwann

Filwaqt li t-tieni premju għax-xahar ta’ Novembru ntrebaħ minn: Sabrina Abela, Naxxar

Ibgħat it-tweġiba postali tiegħek lil: PaulJon,Kompetizzjoni GWIDA Po Box 27 Paola. Mhux aktar tard mill-31 ta' Diċembru, 2021. Namaste.