rogra
tal- esta
Il-Ġimgħa, 2 ta’ Awwissu – Bidu tal-Kwindiċina – Il-poplu ta’ Ħad-Dingli jingħaqad taħt il-ħarsien tal-Madonna ta’ Pinu
F’dawn il-ġranet issir il-ġabra tal-envelopes b’risq il-festa ta’ barra. Wara l-quddiesa tas-6.00 a.m. u tas-7.30 a.m. jingħad ir-rużarju u l-kurunella ta’ Santa Marija. Ikun hemm ħin għal talb privat quddiem ix-xbieha tal-Madonna Ta’ Pinu filknisja. 8.30 a.m. Qrar minn konfessur barrani. 6.30 p.m. Quddiesa għall-komunità parrokkjali ta’ Ħad-Dingli fl-okkażjoni tal-bidu tal-Kwindiċina ħdejn l-istatwa tal-Madonna fi Triq Claudette Agius. Imexxi r-Rev. Gerard Buhagiar, Rettur tas-Santwarju Nazzjonali tal-Madonna Ta’ Pinu f’Għawdex. Fi tmiem il-quddiesa jsir pellegrinaġġ aux flambeaux bil-kwadru tal-Madonna ta’ Pinu sal-Knisja Arċipretali. Il-pellegrinaġġ jgħaddi minn dawn it-toroq: Claudette Agius, il-Ħawwiefa, il-Gvernatur William Reid, Ġużè Ellul Mercer, il-Kbira u l-Parroċċa. Fil-knisja ssir il-funzjoni tal-Kwindiċina u Ċelebrazzjoni Ewkaristika.
Is-Sibt, 3 ta’ Awwissu – Marija Assunta tipproteġi lit-trabi u lill-anzjani tagħna
9.00 a.m. Quddiesa għall-anzjani u l-morda tal-parroċċa li jinsabu fid-djar tagħhom jew f’residenzi
għall-anzjani. Imexxi r-Rev. Paul Muscat O.S.A. Jiġi amministrat is-sagrament talGriżma tal-Morda lil dawk li għandhom aktar minn sittin sena u ’l-morda. 6.15 p.m. Rużarju, funzjoni tal-Kwindiċina u Ċelebrazzjoni Ewkaristika. 7.00 p.m. Quddiesa mmexxija mir-Rev. Albert Buhagiar, Rettur tas-Seminarju. F’din il-quddiesa niċċelebraw id-don tal-ħajja, fil-preżenza tal-ġenituri u t-trabi li twieldu matul din l-aħħar sena. It-trabi jiġu ppreżentati lill-Madonna Ta’ Pinu u jingħataw tifkira tal-okkażjoni.
Il-Ħadd, 4 ta’ Awwissu – Ma’ Marija Assunta nitolbu għall-bżonnijiet talfamilji tagħna u biex joħroġ ġid spiritwali mill-festa
F’kull quddiesa tingħad it-talba ta’ affidament tal-familja lill-Madonna Ta’ Pinu. Bejn quddiesa u oħra, nagħmlu stedina lill-familji jqattgħu ftit ħin ta’ talb privat quddiem ix-xbieha tal-Madonna Ta’ Pinu. Fis-7.15 a.m. u fl-4.30 p.m. jingħad ir-Rużarju. 9.30 a.m. Quddiesa mmexxija mir-Rev. Tony Sciberras M.S.S.P. Tieħu sehem il-Banda Santa Marija ta’ Ħad-Dingli b’tifkira mit-twaqqif tagħha. Wara ssir il-funzjoni tal-Kwindiċina u Ċelebrazzjoni Ewkaristika.
It-Tnejn, 5 ta’ Awwissu – Marija Assunta tħares ’l-għaqdiet u l-poplu ta’ Ħad-Dingli
6.30 p.m. Rużarju. 7.00 p.m. Ċelebrazzjoni tal-għeluq tal-preżenza fostna tal-kwadru tal-Madonna Ta’ Pinu b’quddiesa
ċċelebrata mill-Arċipriet, ir-Rev. Mark Mallia Pawley. Jieħdu sehem il-Kunsill Lokali, il-Kunsill Pastorali Parrokkjali, il-kummissjonijiet parrokkjali, dirġenti u membri ta’ għaqdiet, gruppi u każini u l-poplu ta’ Ħad-Dingli. Fi tmiem il-quddiesa, issir velja ta’ talb f’riġlejn ix-xbieha devota tal-Madonna Ta’ Pinu li tintemm bil-Barka Sagramentali. Wara, isir riċeviment fl-okkażjoni tal-festa għall-kleru, il-Kunsill Lokali u d-diriġenti tal-għaqdiet, gruppi u każini.
