Id-Dar għandha numru sabiħ ta’ voluntiera li jagħtu s-sehem sħiħ tagħhom biex jgħinu lid-Dar tkompli taqdi l-missjoni tagħha. Ħafna minnhom jiġu d-Dar fuq bażi regolari waqt li oħrajn jagħmlu xi xogħol abbinat ma’ xi attività partikolari.
Id-Dar għandha numru ta’ voluntiera li jaħdmu direttament mar-residenti jew fi flett jew billi jimpenjaw ruħhom li joħorġu xi residenti passiġġata fil-ġonna tad-dar, fiċċentru agrikolu jew f ’attivitajiet differenti fidDar jew barra mid-Dar. Numru ta’ voluntiera jgħinu fil-kċina, fil-laundry, fis-sezzjoni talħjata, fil-maintenance, fl-istores, kif ukoll filbazaar li kien jiftaħ kull nhar ta’ Tlieta u nhar ta’ Ħamis. In-numru ta’ voluntiera reġistrati huwa ta’ 220.
Fost il-gruppi li din is-sena ddedikaw ġurnata xogħol voluntarju fid-Dar ta’ min isemmi dawn li ġejjin: • Grupp ta’ ħaddiema mill-MITA • Grupp ta’ studenti mis-Sixth Forms ta’ Għawdex. • Grupp ta’ żgħażagħ mill-Parroċċa tanNadur • Grupp ta’ żgħażagħ minn Għawdex • Grupp ta’ ħaddiema ta’ Agius Marble Works • Grupp ta’ abbatini mill-Parroċċa ta’ Ħ’Attard • Grupp ta’ studenti mill-MCAST • Grupp ta’ studenti mis-Seminarju Minuri • Grupp ta’ studenti mill-Higher Secondary School • Grupp ta’ studenti milll-Iskola St Joseph tal-Blata l-Bajda • Grupp ta’ Abbatini minn Ħ’Attard • Grupp ta’ studenti minn Virginia fl-Istati Uniti • Grupp ta’ voluntiera mill-Parroċċa talQala • Grupp ta’ studenti Amerikani millMedseas Christendom College Misssion • Ħbieb tad-Dar tal-Providenza (is-Siġġiewi) Hemm ukoll numru sostanzjali ta’ voluntiera li jgħinu fil-Festa ta’ Ġenerożità li ssir fl-ewwel tas-sena u l-Maratona tal-Volleyball li ssir f ’Lulju.
38 • Rapport Annwali 2019
Id-Dar tal-Providenzà
