Is-Sibt 11 ta’ Mejju 2019, kappella tad-Dar tal-Providenza saret ċelebrazzjoni Ewkaristika biex jitfakkar it-tnejn u tletin anniversarju tal-mewt ta’ Mons. Mikiel Azzopardi, li waqqaf id-Dar fl-1965. Għal din il-Quddiesa attendew għadd ta’ membri tal-Azzjoni Kattolika Maltija (AKM), residenti u ħbieb tad-Dar tal-Providenza. Dun Mikiel, kif kien magħruf l-aktar, twieled fil-Belt Valletta fl-10 ta’ Frar 1910 u miet fit-13 ta’ Mejju 1987. Iċ-ċelebrazzjoni tmexxiet minn Fr Martin Micallef, Direttur tad-Dar tal-Providenza flimkien ma’ Fr Reuben Gauci, Assistent Ekkleżjastiku taż-ŻAK (Żgħażagħ Azzjoni Kattolika). Fi tmiem iċ-ċelebrazzjoni, sar diskors qasir mis-Sur Josef DeBono, President tal-AKM.
Din is-sena, il-Premju Dun Mikiel Azzopardi ingħata Iis-Sur Oliver Scicluna, Ċerpersin tal-Kummissjoni għad-Drittijiet tal-Persuni b’Diżabilità u lill-kumpanija Camilleri & Cuschieri Consulting Engineers, rappreżentata mis-Sur Charles Cuschieri, ko-fundatur tal-kumpanija. Dan il-Premju ingħata mill-E.T. Dott. George Vella, President
ta’ Malta waqt il-Kunċert Annwali organizzat mill-Banda tal-Forzi li nżamm fil-Katidral talImdina l-Ġimgħa 6 ta’ Diċembru 2019. Il-Premju Dun Mikiel li tnieda għall-ewwel darba fl-1955, jingħata kull sena biex jirrikonoxxi l-kontribut ta’ persuni fil-qasam tal-persuni b’diżabilità f ’Malta u f ’Għawdex kif ukoll persuni u entitajiet li jgħinu lid-Dar tal-Providenza fil-ħidma tagħha. Oliver Scicluna kien ġie appuntat bħala Ċerpersin tal-Kummissjoni Nazzjonali Persuni b’Diżabilità f ’Marzu 2014. Bħalissa huwa qed iservi wkoll fuq diversi kunsilli u bordijiet fuq livell nazzjonali. Huwa wkoll Viċi-Ċerpersin tal-Fondazzjoni għallAċċessibilità fit-Teknoloġija Informatika. Kien serva bħala Ċerpersin tal-Kumitat Azzjoni Soċjetà Ġusta, li kien kumitat li jagħti pariri
92 • Rapport Annwali 2019
Id-Dar tal-Providenzà
