Altzaga Altzagarateko begiratokia
Iñaki Gurrutxaga
Ianire Aranzabe (Musikaria)
etxetik pauso gutxi batzuetara du, jaioterriko toki kuttunena; auzoan bertan, Gure Amaren baselizaren aurrean dagoen begiratokia. «Hantxe esertzen naizen bakoitzean nirekin egiten dut topo».
«Hantxe esertzen naizen bakoitzean nirekin egiten dut topo»
Goierriko ‘terraza’
Mendi kaxkoan, 360º-ko ikuspegi zabala dago begiratokitik. «Ikuspegiaz gozatzeko toki paregabea da». Goierriko nahiz Gipuzkoako mendi eta tontor ezagunenak ikusten dira bertatik: Ernio, Usurbe, Murumendi, Aizkorri, eta Txindoki eta Aralar. Haranean, berriz, Ordizia, «aztarna utzi duten bizipen asko» eman dizkiona. «Nire bigarren etxea!». Begiratokiak, Ordizia eta Altzagarate konektatzen ditu, nolabait. Bi herrien arteko lokarri da, eta horregatik ere kuttuna du. Kontzientzia hartzeko eta pentsatzeko espazioa da Aranzaberentzat, balio paisajistiko handikoa, urruneko eta gertuko ortzimugen erdigune. Han, arnasa sakon hartu, begiak zabaldu, eta denbora eteten da. Sentipen berezibereziak sortzen dituen horietakoa.
O
rdizia eta Itsasondo artean bidegurutzea hartu, Arama zeharkatu, eta errepidean gora joanda dago Altzaga. Arriguntzagaina mendiaren baso handien eta zelaien azpian, naturako bergel bat bezala irekitzen da, txoritxoen soinu nekaezinarekin. Baina bereziki, Altzagarate auzoa. Altzaga herrigunetik gora, errepidea amaitzen den tokian dago Altzagarate. Hantxe bizi da Ianire Aranzabe, Esanezin musika proiektuaren sortzailea eta ahotsa dena. Altzagaraten,
20
