Tu r i s m o b a l i a b i d e a k
Igartzako multzoa
•• Helbidea. Igartza auzoa (Beasain). •• Monumentu multzoa. Jauregia, errota, burdinola, ermita, dolarea (jatetxea-hotela) eta zubia. •• Ordutegia. Asteazkenetik igandera (11:0014:00 eta 16:00-19:00). Bisita gidatuak (11:3013:00 eta 16:30-18:00). •• Jarduerak. www.igartza.eus. •• E-posta. igartza@beasain.eus. •• Telefonoak. 943 08 77 98 . •• Sare sozialak. @Igartza (Fb), @IgartzaBeasain (Tw) eta @Igartza_beasain (Ig).
Beasaingo Igartza Monumentu Multzoa Ondare Kultural Kalifikatua dago. Zutik dirauen Euskal Herriko monumentu multzorik garrantzitsuenetakoa da. Jauregia da nabarmentzekoa, egurrezko arkitekturaren adibide ikusgarria baita. Igartza XII. mendekoa da, jauregiaren lekuan defentsarako dorretxe bat zegoenean, garai hartako familiarteko guden erakusgarri. Igartzako Jaunak XVI. mendean eraiki zuen jauregia eta beharrezko zerbitzuak jarri zituen inguruan: irina egiteko errota eta errotariaren etxea, burdinola, errementariaren etxea (gaur egun botata dago), antzinako bideko benta (Dolarea), ermita eta zubia. Euskal Herriko tradizioa eta kultura industriala ondo baino hobeto islatzen dira Igartzako Monumentu Multzoan. Izan ere, gaur egunean, antzinako eraikinak erabilera berriz bete dira, kultura, turismo eta hezkuntzako erabilerak. Bertako azpiegiturak herritarren eskura daude eta kultur eskaintza zabala izaten da urte osoan zehar.
Bisita gidatuak
Igartza Monumentu Multzoan, kultur ondare ezberdinak aurkitzen direnez, horien historia eta balioak gizarteratzeko bisita gidatuak eskaintzen dituzte urte osoan zehar. Erdi Arotik hasi eta gaur egun arte, gizartearen arlo ezberdinek (lanbideak, ohiturak, botere-harremanak,...) Igartzan izan dituzten bilakaera historikoak ezagutu daitezke.
7
