REEKS DEUR RAINER BOSHOFF
FLAGS
’N VADER-ENSEUN-REIS: na Bybelse Manwees
D
ie stryd rondom man wees en manlikheid is nie ’n vinnige naelloop nie, maar eerder ’n afloswedloop. Om hierdie wedloop te wen, moet ons die aflosstokkie suksesvol aan die volgende geslag oorhandig.
’n Vaderlose samelewing in ’n krisis gedompel Outentieke en Bybelse manwees is toenemend ’n skaarsheid in die wêreld van vandag en dit het ’n vernietigende uitwerking op die samelewing. Gemeenskappe is vandag in ’n krisis gedompel weens die gebrek aan vaders wat ’n ware nalatenskap aan hulle seuns oordra. Die meeste seuns van vandag weet nie wat ware manlikheid is en wat manwees behels nie en daarom moet die samelewing die kastaiings uit die vuur krap.
Mans moet hulle Godgeskape rol opneem Geloofwaardige, ware manlikheid ontbreek deesdae al te dikwels by mans en die gevolge is vernietigend vir ons samelewing. Dit is hoog tyd dat mans die rol opneem waarvoor hulle geskape is – om sterk, manlik en goed te wees – en dit móét aan ons seuns, die volgende geslag, oorgedra word! xx JUIG! TYDSKRIF 66 JUIG! TYDSKRIF
Wat definieer jou manlikheid? Daar is baie definisies van manlikheid en wat dit beteken om ’n man te wees. Elke kultuur definieer manlikheid deur rites. Sommige rites is op krag gegrond, ander fokus op moed, party op seksuele vermoë en ander lê weer die klem daarop om rites te voltooi wat seuns as manne inlyf. Maar volgens Ed Cole word die ware definisie van wat dit beteken om ’n man te wees, in die enigste ware voorbeeld, Jesus, saamgevat. Daarom is manlikheid en om soos Christus te wees, sinoniem.
Maak seker jy oorhandig die aflosstok van geloof Jy hoef nie die vinnigste te wees nie, maar jy moet wel die aflosstokkie van geloof aan die volgende geslag oorhandig. Jy hoef nie die beste te wees nie, maar jy moet seker maak dat jy die oorhandiging aan jou seun suksesvol voltooi. Jou lig hoef nie die helderste te skyn nie, maar jy moet die fakkel van geloof aan die volgende geslag oordra. Jesus is die vuur, die rolmodel van wat dit beteken om ’n ware man te wees. Hy is die bron van karakter wat jy aan jou seun wil oordra. Ons het almal ons blindekolle, ons almal het ons foute, geen pa is volmaak nie; maar solank ons net geloof het en dit oordra, slaag ons in ons taak!
