Heimen i havet ferdig bygd TEKST ELISABETH SÆTREVIK
I dokken på Stord ligg utstyr- og bustadplattforma til Johan Sverdrup-feltet mekanisk ferdig. No gjenstår berre klargjering og testing av system før Noreg sitt største plattformhotell våren 2019 skal fraktast til havs og installerast på feltet. Med ein kapasitet til å huse 560 personar, blir plattforma Nordsjøens største offshorehotell. I tillegg innehar plattforma det avanserte kontrollrommet som resten av Johan Sverdrup feltet er kopla opp mot. Dette rommet vil vera nervesenter for alle installasjonane på feltet. Plattforma er og hovudsenteret for blant anna lager, verkstadar, og innehar brannpumper, nødgeneratorar og ferskvatn. Med eit helikopterdekk og -hangar som kan romme tre helikopter, vil plattforma vera hovudsete for ankomst og avreise for arbeidarane.
18
SYSTEMPOSTEN
Prosjektgjennomføring etter læreboka Frå kontrakten vart signert 8. juni 2015, har plattforma vakse seg større for kvart år som har gått. Hausten 2017 vart plattforma køyrd ut på lekter i dokken og jekka opp 13 meter. Bustadseksjonar frå Leirvik og Emtunga har deretter blitt installert på løpande band i løpet av året som har gått. Etter dei vart installert, starta arbeidet med å løfte inn kabinar og innreie plattforma rom for rom. I tillegg er helikopterdekk, helihangar og livbåtar på plass. I midten av oktober vart det siste mekaniske
