Ein samansveisa gjeng TEKST OG FOTO ODD NAUSTDAL
Systemposten blei med arbeidsleiar Jarle Larsen ein tur ut i Plateverkstad 3, og møtte ein ryddig verkstadhall, med stor aktivitet på store og små konstruksjonar. – Det ser veldig ryddig og skikkeleg ut her. Korleis fungerer HSSE-arbeidet for tida? – Det er stadig terping og fokus, det er det som må til. Sjølv om me aldri kan seia oss tilfreds, så har me fått standarden opp på eit bra nivå no, og folk er nøye med bruk av personleg verneutstyr. Dersom du ser ein som kjem gåande i hallen med jakka open og hakereima slengande, så er det gjerne ein som ikkje høyrer til her, seier Larsen.
Rett frå lærling til opplæring Mellom arbeidarane Systemposten møter er Sondre Slåke, ein ung medarbeidar som fekk fagbrev som platearbeidar i juni i år. Den 20 år gamle kvinnheringen er allereie ein habil fagmann, og har fått i oppgåve å bistå i opp læringsarbeidet. Denne dagen er han, saman med førsteårslærling Jarand Taraldsøy Rafdal og andreårslærling Abdullah Hamaideh, i full sving med å bygga krakkar til malarhallen.
Ein av HSSE-utfordringane i hallen er å halda orden på alle kablane dei brukar i tilknyting til sveiseoperasjonane.
– Sondre er ein av våre dyktige, unge medarbeidarar, og har gått rett frå lærling til opplæring, seier Larsen.
– Me har spesielt fokus på kablar. Når du har 17–18 sveisarar på eit område, og kvar av dei har fem slangar så krev det litt å halda orden, seier Larsen.
– Det er viktig at dei slepp til og finn løysingar på eiga hand. Eg fekk god opplæring sjølv, og prøver å gjera det like eins her, seier Slåke.
36
SYSTEMPOSTEN
