80 verneombod skal bidra til tryggleik og godt arbeidsmiljø TEKST ODD NAUSTDAL
Ei stor verksemd som Kværner har eit omfattande verneapparat. Verneombod i region vest vart i juni løna med to av tre av Kværner sine årlege HSSE-prisar. – Det er stor semje i Kværner om at verne arbeidet er viktig å setja fokus på. Me har kring 80 verneombod i Kværner i region vest, i tillegg kjem verneombod for innleigte, leverandørar og kundar. Dette gir oss ein stor muskel til å driva HSSE-arbeid ute i linja, og kraft til å jobba føre byggande, seier Knut Ove Handeland, som er hovudverneombod i Kværner region vest. – Samhandlinga mellom linja og verneomboda er det viktig. I 2011 evaluerte Arbeidsmiljøutvalet vernetenesta, noko som medførte enda tydlegare fokus på linja sitt ansvar. Det er eit prinsipp at alle leiarane er tilknytt eit verne ombod, seier Handeland. Då konsernsjef Karl-Petter Løken på eit allmøte i juni delte ut konsernet sine årlege HSSE-prisar, gjekk to av tre til verneombod i Johan Sverdrup bustad- og utstyrsplattform-prosjektet. Prosjektverneombod Joakim Espevik tok imot prisen i gruppekategorien for vernearbeidet sitt bidrag til å nå prosjektet sine HSSE-mål, medan verneombod Ingvill Rasmussen fekk prisen i den individuelle kategorien. - Det som har fungert hos oss er at prosjektet har vore flinke å involvera oss tidleg. Det har vore eit prosjekt med lite støy, få personalsaker og mykje ro og fred i organisasjonen. Det har
vore ein god plass å jobba for alle, seier Espevik. Verneombod Ingvill Rasmussen fekk HSSE- prisen i den individuelle kategorien, noko som vart grunngjeve med framifrå innsats og engasjement. – Engasjement for operatørane er alfa og omega. Det viktigaste er å møta folk på ein god måte, vera imøtekommande og open. Det handlar om å få folk med seg og ikkje imot seg. Ein kjem ingen veg dersom ein har ein ovanfrå- og ned-haldning. Det er også viktig å vera synleg ute. For meg er det ikkje poeng i å sitta på eit kontor heile dagane, og så ta ein snartur ut for å prakka ting på folk, seier Rasmussen. Dei fleste verneomboda i Kværner har denne oppgåva i tillegg til den vanlege jobben sin, men i Johan Sverdrup-prosjektet gjorde dei ei endring ved at dei fristilte fleire verneombod enn det som tidlegare har vore vanleg – med gode erfaringar. Både Espevik og Rasmussen har vore dedikert til verneombod-oppgåver på heiltid. – Erfaring av det å vera fristilt VO har vore veldig positiv. Me vonar me held fram med dette i andre prosjekt, seier Rasmussen. •
SYSTEMPOSTEN
45
