EPISODJU 8/ L-EWWEL STAĠUN
IR-RIKATT (l-ewwel parti) Skript miktub minn Audrey Brincat Dalli Produzzjoni SharpShoot Media ltd. Adattament għall-GWIDA minn Anthony M. Baldacchino
Sebaħ il-jum u Stella qamet bil-mod. Ħdejha kien hemm raġel li kien għadu rieqed. Inkiss inkiss, tqum biex tiġbor il-kartiera li kien hemm fuq il-komodina mingħajr ma tagħmel l-iċken ħoss. Ħarset lejn il-kartiera u b’diżappunt sabet li dan ma kellux sold fuqu. Niżlet mis-sodda u bdiet tbiddel filwaqt li xegħlet sigarett. Rat l-uniformi ta’ dan ir-raġel u ntebħet li kien uffiċjal. Iċċekjat il-bwiet kollha u sabet ftit flus li daħħlithom bejn sidirha. Ħadet żewġ nifsijiet mis-sigarett, ħarset lejn ir-raġel li kien hemm fuq is-sodda u ħarġet ’il barra. Xħin kienet nieżla t-taraġ indunat li kienet f’nofs xena ta’ delitt. Il-pulizija Johnny u sieħbu Carmelo kienu qegħdin hemm. Stella tinżel isfel u ssib żewġ nisa li kienu qegħdin jissendikaw dak li qed jiġri. Stella tistaqsihom x’kien qed jiġri u dawn jgħidulha li minkejja li ħadd ma ried jgħidilhom b’xejn, indunaw li waħda minnhom kienet sfat maqtula mal-lejl. Ix-xniegħa kienet li din il-mara kellha erbat itfal żgħar. Il-qattiel ta’ Strada Stretta baqa ma nqabadx. Din bdiet toħloq ħafna tensjoni kemm għan-nisa u anke għas-sidien talkmamar tal-briedel. Stella tħassbet ftit fuq dak li kien ġara, imbagħad kompliet ħierġa. Il-katavru li kien hemm kien mgħotti b’ liżar. Carmelo xejn ma kien qed jieħu pjaċir li l-miġemgħa kienet qed ittaqtaq u tparla fuq il-każ mhux solvut. Carmelo beda jħeġġeġ lil sħabu biex jindirizzaw il-problema kemm jista’ jkun malajr. Johnny: L-unika mod biex tindirizza l-problema Carm, billi naqbdu l-barri minn qrunu.
Carmelo: Imma l-barri fejnhu? Lanqas suspettat wieħed.
Johnny: Hemm xi mara ħa tiġi interrogata iktar tard għax qalet li rat xi ħaġa.
Carmelo: Issa tara.
Johnny: Min hu jaf x’inhu jagħmel. Studjata l-azzjoni. (Iħares lejn l-arloġġ u jinduna li kien qiegħed tard) Ħa jkolli nħallik għax irrid niltaqa’ ma’ Violet. Carmelo deher imbarazzat, ftakar f’dak li kien ra ftit tal-ġranet qabel. Johnny beda jimxi għad-dar u Carmelo bħal donnu jimxi warajh biex jgħidlu xi ħaġa.
Carmelo: Qed tiltaqgħu iktar hux dan l-aħħar? Johnny: (b’sodisfazzjon) Nippruvaw.
Carmelo: Mhux aħjar!
Johnny: Int min qallek li qed ingerger.
Carmelo: Tajjeb hux! (kien konfuż immens. Ma kienx jaf kif ser jaqbad jgħidlu li ra lil martu taqlibhielu. Imtela b’ansejtà liema bħalha) Johnny: Trid tgħidli xi ħaġa?
Carmelo: Carmelo: Min? Jien?
Johnny: Għax bqajt ħiereġ miegħi!
Carmelo: Le għax konna qed nitkellmu ...ara ħa nitla’! ( jitlaq u jħalli lil Johnny jimxi għad-dar tiegħu) Stella waslet fid-destinazzjoni li kellha f’rasha, reġgħet qabdet sigarett u daqqet il-qanpiena. Kienet qiegħda quddiem il-kunvent tas-sorijiet. Is-soru dak il-ħin ħarġet xi ftit tfal orfni biex jilagħbu fil-ġnien. Stella niżlet is-sigarett u ħarset mill-grada. Kienet tefgħet għajnejha fuq tifel li kellu ħames snin li kien għaddej jilgħab b’ferrovija. Qalbha kienet qed tinħall bil-viżjoni ta’ dan it-tifel li ma kien ħadd ħlief binha. Wieħed mittfal li kienu qed jilagħbu mexxa l-ferrovija li kien qed jilgħab biha dan it-tifel f’direzzjoni fejn kienet qiegħda Stella. Stella staħbiet biex ħadd ma jaraha. Iben Stella qam minn postu biex imur iġib il-ferrovija tiegħu. Xħin ġabar il-ferrovija jilmaħ lil Stella. Għall-ewwel kienet ftit imbarazzata imma baqgħet tħares lejh u titbissimlu. Waħda mis-sorijiet bdiet tfittex lil dan it-tifel u tgħajjatlu.
Xewqat il-Qalb - 112
GWIDA Ottubru 2021 67
