55
KOLEKTIBOKO EMAKUMEEN EGOERARI BEGIRADA BAT
D
agoeneko igaro da denboratxo bat Gehitu Elkartean egon nintzenetik. Soziologiako ikasketak egiten ari nintzen, elkartean praktikak egiteko aukera suertatu zitzaidanean. Bertan esperientzia ikaragarri polita eta aberasgarria bizi izan nuen, seguruenik mundua ikusteko eta irakurtzeko dudan modua erabat aldatu zidana. 2018an argitaratu zen “Bizikidetza Aniztasunean�, LGTBI+ populazioaren errealitateen diagnostikoan parte hartzeko aukera izan nuen. Prozesu guztian zehar lan taldean egon nintzen. Jende pila bat ezagutzeko aukeraz gozatu nuen, kolektiboko errealitate ezberdinak gertutik ezagutuz eta abar. Testu honen helburua, diagnostikoaren bitartez aztertutako errealitateetatik abiatuta, emakumeen egoera zein den hausnartzea da. Gizarteak erakutsi digun eskema bitarra kontuan izanik, (emakume eta gizonen errealitatea, soilik 2 sexu-generoren existentzia), honek sortzen dituen desberdintasun sozialak aurkitu ditugu diagnostikoan ere. LGTBI+ kolektiboaren errealitateen azterketa bat izanda, sistema bitarra hausten duten errealitateak aztertu ditut. Datu guztiak ikuspegi intersekzional eta feminista batetik aztertu izanak, begirada, bereziki eskema bitar hori hausten duten emakumeen egoeran jartzea erraztu dit, orokorrean, errealitatea anitza delako. Gizartean ikusten ditugun desberdintasun sozialak, kapitalismoak eta matxismoak eragindako zapalkuntzaren argazki bat ikus dezakegula esan daiteke diagnostikoan parte hartu duten emakumeen egoera laborala, ekonomikoa eta akademikoa aztertzen badugu, nolabait esatearren, emakume izateagatik gizarteak bizkar gainean jartzen digun zama horren errepaso azkar bat egingo dugu, lan egoera, diru sarrerak eta egoera akademikoa bezalakoak kontuan izanik.
Gehitu Magazine nÂş 109 55
55
Gorago aipatu bezala, Bizikidetza Aniztasunean, LGTBI+ populazioen errealitateen diagnostikoa da hausnarketa honen oinarria, beraz, lehenik eta behin, aipatzen ditugun desberdintasun sozial hauek ondoen islatzen diren 2 grafiko mota aztertzea erabaki dut, alde batetik, genero identitatearen eragina, egoera akademiko, lan egoera eta diru sarreretan, eta bestetik, orientazioaren eragina, egoera akademiko, lan egoera eta diru sarreretan aztertzea erabaki dut. Aztertuko dudan kolektiboaren zatia, emakumeena da. Beraz, identitateei dagokionean, emakume zis-en datuak aztertuko ditut eta orientazioari dagokionean, lesbiana eta emakume bisexualen egoera akademikoa, lan egoera eta diru sarrerak aztertuko ditut.
Iturria: Bizikidetza Aniztasunean, LGTBI+ kolektiboaren errealitateen diagnostikoa. 2018. Zutabe gorria erreparatu behar dugu ikusteko zein den emakumeen egoera, horrela, ikusten dugu, diagnostikoaren galdetegia erantzun duten emakume gehienak ikasten ari direla, %40a inguru. %28ak gutxi gora behera, lan egonkorra du eta %20ak lan ez egonkorra du. Gelditzen den %12ak, lana eta ikasketak, langabezia eta zaintzaren taldeak osatzen dituzte. Gizonezkoen datuei begirada azkar bat botako bagenio, lan egonkorra duten kopurua %50era iristen dela ikusiko genuke.
11/12/20 11:32
