61
60
NORBERA DENA IZATEAREN ALDEKO BORROKA
S
andra Moran naiz, guatemalarra, mestizoa, lesbiana, iraultzailea, feminista, perkusio-jotzailea, herri-hezitzailea, bizitzaren militantea eta emakumeen, gazteen, haurren, sexu-aniztasunaren komunitatearen, Herri Indigenen eta desgaitasuna duten pertsonen, hau da, Guatemalan etengabe baztertuak izan garen pertsona guztien eskubideen defentsaren militantea. 2016ko urtarrilaren 14tik 2020ra bitarte diputatu izan nintzen Guatemalako Errepublikako Kongresuan, herrialdearen historian Kongresurako aukeratutako lehen Lesbiana gisa aitortua, nahiz eta benetan, Guatemalako Estatuan bere identitate sexuala aitortu zuen lehen pertsona izan nintzen. Neure buruaren deskribapen horrekin, norbera dena Izatearen alde etengabeko borroka egiten duen biztanleria-sektorean sartzen naiz. Kontuan hartuta nortasun homogeneoen, isilen eta lausengarrien bila dabilen gizarte batean eta patriarkatu guztiz arrazistak eta bortitzak eta bizitza ez ezik, izan nahi duen guztia ere suntsitzen duen kapitalismo basatiak definitutako esparruetan bizi garela. Hainbat indarkeriatatik bizirik atera den pertsona bat ere banaiz; esate baterako, etengabeko indarkeriatik, nire aita alkoholikoak familian eragiten zuen indarkeriatik, nire nerabezaroan neure burua ez onartzeagatik neure buruaren aurka neuk eragindako indarkeriatik, herrialdea aldatu nahi izateagatik pairatutako Estatuko indarkeria zapaltzailearen indarkeriatik, desberdina izateagatik pairatutako indarkeria sozialetik eta, besteak beste, trans pertsonen, Sexu Aniztasuneko pertsonen, 14 urtetik beherako neska haurdunen alde Lege-ekimena (non abortua proposatzen nuen) eta nire diputatukideekin aurkeztutako meatze-moratoriarako eta hidroelektrikoen moratorietarako Lege-ekimena proposatzeagatik pairatutako indarkeria politikotik bizirik atera dena. Guatemala herrialde eder eta beldurgarria dela esango luke gure poeta Otto RenĂŠ Castillok,
Gehitu Magazine nÂş 109 60
60ko hamarkadan armadak erail zuenak. Borroka eta erresistentzia handiko herrialde bat gara, bizitzaren alde etengabe lan egiten duguna, sormen eta edertasun handikoa, milaka urteko erresistentzia duena. Pertsonen % 60 pobrezian eta muturreko pobrezian bizi den herrialde bat gara. Munduko milioidunen zerrenda txikia osatzen duten milioidunak ere badituen herrialde bat. Bere botereari eusteko pertsonak hil, desagerrarazi, sarraskitu eta kontrolatzen dituen oligarkia bat duen herrialde bat. Bizi-baldintza izugarriak ezartzen dituen oligarkia bat, milaka herrikide iparraldera joan daitezen lanera eta iparraldetik bidaltzen duten diruarekin eta remesekin manten dezaten herrialdea. IZATEA borroka horien zati duen herrialde bat gara. Gure lurraldeko jatorrizko herrietako pertsonak belaunaldiz belaunaldi borrokatu dira milaka urteko sustraiak dituen kultura baten zati izaten jarraitzeko; izan ere, gobernupolitikekin egin diete eraso, nazio-nortasun homogeneoaren zati izan daitezen. Sexu Aniztasunaren zati garenok, garena IZATEKO, maite ditugunak maitatzeko, nahi ditugun familiak sortzeko eta bizi garen eta geu garen herrialdera ekarpenak egiteko borrokatzen gara, baina borroka horren ordainean zera jasotzen dugu, hilketa, muturreko indarkeria, konbertsioterapiak, gizartearen okerrena garela, hots, Jainkoak lurrean utzi zuen ordena baten gaizkile eta suntsitzaileak garela adierazten duten mezu transhomlesbofobikoak. 251 indarkeriaekintza aurten. Gutako asko eliza katolikoan edo ebanjelikoan heziak izan gara, eta mezu horiek etengabe entzuteak adierazpen espiritualeko komunitateetan egotea eragozten digu, nahiz eta espiritualtasuna hain beharrezkoa izan bizitzarako. Sexu Aniztasunaren zati garen pertsonon lana, sormena eta ekarpena aintzatesten ez duen herrialde bat gara. Arlo teknikoetako eta zerbitzuetako ikasleak, profesionalak eta langileak gara, unibertsitateetako irakasleak gara, komunikabideetan lan egiten dugu, baina
11/12/20 11:32
