QUEER AS PROL
89
MARITXUKERIAK EZ DEZALA GURE MATXISMOA IZKUTATU
Z
aila da askotan mugimendu sozial bat non, noiz, nortzuk… hasi zuten azaltzea. LGBTI+ kolektiboan, adibidez, Stonewalleko istiluetan jar dezakegu begirada, baina honek ez digu esango noiz hasi zen LGTBI+ borroka, baizik eta zein momentu hartu den lehenengoa bezala. Argi dagoena da istilu hauek emakume trans, razializatu eta puta batek hasi zituela, baina zelan deitu zitzaion mundu osoan ekainaren 28an urtero ospatzen dugun aldarrikapenegunari? “Gay Pride Day”. Urteak pasa ahala eguna izenez aldatzen joan da, baina lehen aldiz erabili zen izen horrek erakusten du LGTBI+ kolektiboan gizonezkoak zirela garrantzia handiena zutenak, gizon gay zisak ziren mugimendu barruko hegemonia. Azaldutakoa, gizarte zis-heteronormatiboan bizitzeaz aparte, gizarte patrialkal batean bizi garelako da. Gizartean gizon gay zis-ak betidanik egon gara emakume LBTI*en gainetik. Azken finean gizon gay guztiok gizonak gara, beraz gizon bezala hezi eta erlazionatu gara. Orain dela gutxi, Coral Herreraren blogean “Mujeres feministas y aliados del feminismo” (Emakume feministak eta feminismoaren aliatuak) artikulua irakurri nuen. Hitz gutxitan, Coral Herrerak artikulu honetan arduraz eta erantzukizunaz idazten du; gizonen arduraz eta erantzukizunaz emakume guztiekiko, baina batez ere mugimendu feministekiko. Emakumeak, beraien eskubideen alde borrokatzen hasi zirenetik, era ezberdinetan antolatzen joan dira; teoria
Gehitu Magazine nº 109 89
feminista indartzen joatearekin batera salaketa ekintza publiko anitzak egin izan dira. Azken honetan jartzen du arreta Herrerak, ze geure burua aliatu feministatzat hartzen dugun gizonok teoria sortu baitugu, baina non daude gure autosalaketa publikoak lanketa bat egiteko? Munduan eta denboran zehar milioika emakume batu dira, espazio ez mixtoak sortu dituzte, oholtzak hartu dituzte… beraien ahotsak entzunak izan zitezen, beraien prozesuez hitz egiteko, hausnartzeko eta, batez ere, egoera oso latzak eta pertsonalak ikusarazi eta salatzeko.
11/12/20 11:33
