ENTREVISTA
20
ANA MARÍA GÓMEZ E MARIO NOGUEIRA CRIADORES DA RAZA CACHENA
“UNHA DAS RAZÓNS POLA QUE CRÍO A CACHENA É PORQUE TEÑO UNHA CARNICERÍA. É UN PRODUTO BASTANTE EXCLUSIVO” Mario Nogueira é un amante das razas autóctonas e desde hai tres anos, xunto á súa muller, Ana, e agora co seu fillo Raúl, decidiu comezar coa cría da raza Cachena. A súa explotación divídese entre as provincias de Lugo e Ourense, posto que unha das explotacións está en Petín e os terreos onde pastan as vacas están en Quiroga. Ademais, contan con carnicería propia no Barco de Valdeorras desde hai vinte anos. Por que decidistes apostar pola Cachena? ANA: Porque é unha raza escrava para estar no monte e a nós interésanos iso, xa que na casa non temos sitio para ter moitos animais. Ademais, na carnicería, a súa carne ten moita demanda porque é moi saborosa. MARIO: Empezamos hai tres anos; primeiro, porque é unha vaca que me gusta de maneira visual e segundo, pola rusticidade de onde foi criada. Véxoa diferente ao resto. Ademais, somos a única Autóctonas Galegas Número 14
carnicería da zona que vendemos este tipo de carne e iso é un atractivo para a xente, xa que está moi demandada.
para comer. Cando hai vacas para parir controlámolas por se hai algún problema e as temos que baixar para a casa.
Como é o manexo destes animais? A: Están todo o ano no monte e comen do que hai por alí, agás dous meses no inverno, que son máis duros e dámoslles palla e herba nun cerrado que temos preparado cun comedeiro. Tamén de vez en cando pasamos a darlles uns tacos de penso, pero iso máis ben é porque queremos, xa que no monte teñen moito
Cal é a idade de sacrificio dos animais? A: Ao redor dos sete meses. É unha raza pequena, entón non os podes matar aos cinco meses como outros becerros de leite porque non dan rendemento. Nós, aos cinco meses, máis ou menos, baixamos as crías para unha cuadra e facemos dous meses de engorde a base de cereais (trigo, cebada, millo...), herba e algo de penso.
