18
Toimâčielgiittâs 2021 hämmejum loostâ várás ANARŠKIEL SERVI RY. Aanaar 17.3.2022
Seervi ulme
Anarâškielâ servi lii olášuttâm njuolgâdusâidis miäldásii tooimâ ive 2021: Ovdediđ anarâškielâ kielâpiervâl-, lostâ- já kirjetoimáin sehe tiäđujyehimáin.
Seervi stivrâ
Jeessân
Värijeessân
Saavâjođetteijee
Marja-Liisa Olthuis
Jukka Mettovaara
Värisaavâjođetteijee
Miina Seurujärvi
Anja Kaarret
Čällee
Saammâl Morottaja
Fabrizio Brecciaroli
Jeessân
Iiris Mäenpää
Laura Ylinampa
Jeessân
Henna Tervaniemi
Tiina Lehmuslehti
Čuákánkiäsu stiivrâ miärádâsâin já seervi tábáhtuumijn ive 2020 Stivrâčuákkimeh já eres teivâdmeh:
Stivrâ čokkân táárbu mield. Ive 2021 tot čokkânij 13 kerdid. Stivrâ lii kieđâvuššâm syeinimáánu loopâ räi jyehi čuákkimstis kielâpiervâlaašijd já seervi tooimân já stivriimân kyeskee aašijd. Tastmaŋa čuákkimijn stivrâ lii kieđâvuššâm kielâpiervâlij sirdemân kyeskee aašijd sehe tooimâ vuávám kielâpiervâlij sirdem maŋa. Čuákkimij lasseen stivrâ lii kieđâvuššâm seervi aašijd šleđgâpoostâ peht.
Ihečuákkim:
Ihečuákkim tollui ohtii, 20.3.2021. Čuákkimalmottâs almostui Inarilainen-aavisist 3.3.2021. Ton lasseen lii almottum Facebookist Orroomviste-siijđost.
Tilitärhisteijeeh:
Ive 2021 tilitärhisteijen toimáin Risto Pauna já Kari Pauna. Väritilitärhisteijen toimáin Panu Lauhava já Tuomas Enbuske.
Kielâpiervâltooimâ olášuttem Kulmâ kielâpiervâl:
Anarâškielâ servi já Aanaar kieldâ jođhijn anarâškiel kielâpiervâlpalvâlusâi uástupalvâlemsopâmuš syeinimáánu 2021 loopâ räi. Stivrâ lii juátkám valmâštâlmijd kielâpiervâltooimâ sirdemân Aanaar kieldân. Sirdem tábáhtui 1.8.2021. Anarâškielâ servi lii ornim kielâpiervâltooimâ kuulmâ kielâpiervâlist: Piervâlist já Piäjust Anarist já Kuáđist Avelist. Sämitigge lii ruttâdâm tooimâ máttááttâs- já kulttuurministeriöst mieđettum kielâpiervâlruttâdmáin. Meid Aanaar kieldâ lii ruttâdâm tooimâ (15% budjetist). Takkâ Aanaar kieldân, Sämitiigán já máttááttâs- já kulttuurministeriön kielâpiervâltooimâ ruttâdmist. Kielâpiervâltooimâ olášutmist kijttoseh aktivlâš pargeid, kiäh láá tool-
