6
Mii kulloo anarâškielâlii Wikipedian? Čällee: Fabrizio Brecciaroli
A
narâškielâlâš Wikipedia (smn.wikipedia.org) lii tääl maailmist 208. stuárráámus Wikipedia. Njuhčâmáánu loopâst tobbeen lijjii paijeel 4 100 artikkâlid, já meeri lassaan ubâ ääigi. Siämmást puáris artikkâleh peividuv
vojeh já vijđeduvvojeh. Artikkâlij meeri lâi 3 762 skammâmáánu loopâst, 3 875 juovlâmáánu loopâst, 4 000 uđđâ ivemáánu loopâst já 4 043 kuovâmáánu loopâst. Anarâškielâ servi lii pálkkááttâm nuorâ čälleid meiddei ihán 2022. Taan ive fáárust láá nelji anarâškielâ sárnoo. Ohtâ sist áigu vuáijuđ Wikipedia infrastruktuur huksiimân já iäráseh uđđâ artikkâlij čälimân sehe puáris artikkâlij viijđedmân. Meid INSAKU já Giellagas-instituut anarâškielâ uáppeeh čäälih tyellittälli Wikipedian. Oulu ollâopâttuvâst sehe Kirjálâš kevttim I -kuursâst já Kirjálâš kevttim II -kuursâst ohtâ hárjuttâs lii Wikipedia-artikkâl čäällim. Uáppeeh láá čáállám el. artikkâlijd kissáást já Suomâ liipust.
Anarâškielâ tihtâantologia Čällee: Fabrizio Brecciaroli
I
ve 2020 Anarâškielâ seervi mediapargee Fabrizio Brecciaroli čokkij já ornij anarâškielâlijd tiivtâid antologian. Sun tärhistij ortografia riävtuičäällimohjelmáin já tivoi máhđulijd kielâ- já sujâttemoopâ feeilâid. Anarâškielâ
servi lii eidu finnim ruttâdem tihtâantologia almostitmân. Tot meerhâš, ete anarâšah finnejeh forgâ jieijâs tihtâantologia. Tääl antologiast láá ohtsis paijeel 400 tihtâd, moh láá juohhum kuulmâ uásán čällee mield: •
Uási 1: Márjá-Liisá Olthuis (132 tihtâd, main 42 láá viereskielâlij tiivtâi jurgâlusah)
•
Uási 2: Anja Kaarret (206 tihtâd)
•
Uási 3: Uáppeeh já eres ulmuuh (76 tihtâd)
Taat kuulmâuásásâš antologia ij kuittâgin lah lopâlâš versio, já sehe oornig já tiivtâi meeri sättih vala muttuđ ovdil ko antologia almostuvá. Jis kiinii lii majemui aaigij čáállám tiivtâid já haalijd, et toh-uv pieijuuččii antologian, te sun puáhtá väldiđ ohtâvuođâ Anarâškielâ seervi mediapargei čujottâsân fabrizio.brecciaroli@gmail.com.
