MY WÊRELD
BOKKE BO!
‘Dit voel
of ek op die veld is’ Sy’s die klein figuur wat op en af teen die kantlyn draf en op die veld storm wanneer iets verkeerd loop. Rene Naylor, die Bokke se mees senior fisioterapeut, kan haar nie ’n lewe sonder rugby indink nie DEUR SUZETTE TRUTER
ene Naylor het al drie Rugbywêreldbekertoernooie agter die blad as die Springbokke se fisioterapeut, sy’t twee reekse tussen die Bokke en die Britse en Ierse Leeus beleef (albei in SA se guns beklink) en nog ’n magdom ander internasionale toere . . . maar sy kry stééds hoendervel elke keer as die span op die veld draf. “Ek is net so passievol oor die sport. Dis ’n voorreg om deel te wees van
106 | Januarie/Februarie 2022
’n Suid-Afrikaanse handelsmerk wat soveel vir die land beteken,” sê sy. Dis moeilik om te glo dat Rene al sedert 2008 deel van die Bokspan is. Sy lyk soos ’n student met haar hoë poniestert en op spanfoto’s word sy skoon verdwerg deur die spelers wat bokant haar uittoring. Maar moenie dat haar jeugdige voorkoms jou flous nie. “Ek hoor nou die dag een van die spelers sê: ‘Rene is ’n baie nice girl in die week, maar op die veld, sjoe, dán verander sy!’” lag sy. “Ja, ek ís ferm,” sê sy. “Kyk, ek is daar
SARIE.com
vir die spelers se welstand, ek moet sorg dat hulle veilig is. En soms moet ek en die spandokter die moeilike besluit maak dat ’n speler van die veld moet afgaan.” Wanneer sy beserings takseer, help dit as sy die speler goed ken – dis nou benewens die kliniese diagnose, verduidelik Rene. “As ’n speler sê die pyn is vier uit tien, en ek wéét dis eintlik tien uit tien, maar ek ken hom as iemand wat nie sy span in die steek wil laat nie, dan moet ek ferm wees . . . Dit kan jy egter net weet as jy al >
