LEESDINGE
DEUR PHYLLIS GREEN pgreen@media24.com of @PhyllisGreen op Twitter
Uit “Optiek” deur Zandra Bezuidenhout in die bundel Derde gety (Human & Rousseau, R250)
Sterboek
Together
Luke Adam Hawker (Kyle Books, R414)
Dié inspirerende boek se boodskap van saamwees is die perfekte mantra om vanjaar met jou saam te dra. Die afgelope twee jaar is ons lewe ontwrig deur ’n storm in die vorm van ’n pandemie. Dié storm word op ’n eenvoudige manier, met min woorde en gevoelvolle illustrasies, deur Hawker uitgebeeld. Deur die oë van ’n man en sy hond beleef ons die emosies wat onsekerheid en verandering meebring: hoe moeilik dit is om afgesny te wees van ander, hoe alleen ons voel. Maar deur anders te kyk, met hoop en waardering, kan ons die positiewe sien. Die mooi van die natuur en die familie- en vriendskapsbande wat die gom is wat ons sterk hou. Dié boek moet langs jou bed lê sodat jy dikwels daarin kan kyk. Net om jou te herinner dat ons saam die meeste uitdagings kan oorkom. Phyllis Green
138 | Januarie/Februarie 2022
SARIE.com
SO SÊ HULLE OP SARIE.COM
Marzahn Botha gesels oor haar dokumentêre boek, Lafenis in die droogte (Landbouweekblad, R300)
Wat het jou die diepste geraak? Die Boesmanland met sy wrede prentjies van karkasse en die boer wat moet toekyk. ’n Boer en sy vrou wat ’n katplaag beleef en skaars vir hul diere kan sorg. By Calvinia het ek wedlope gesien tussen skape wat agter voer aanhardloop, asook ’n vroueboer wat saam met haar twee werkers alles probeer om nie by die voerkrippe omgestamp te word nie. By die Nqwebadam naby Graaff-Reinet het die toneel van duisende gevrekte visse op die dam se bodem my diep geraak. Ek glo elke stedeling móés al by voerskenking betrokke geraak het. Wat staan vir jou uit? Die tema van die boek is eintlik “Hoop ten spyte van die droogte”. Al was sommige gemeenskappe sonder water, het hulle telkens iets laat val wat hoop gee. Daar was plaasbordjies met Begin weer” op. Verhale van oervroue wat vertel hoe hul man uis kom en sê daar sal môre nie oer vir die diere wees nie. Dan om hulle by die koöperasie en emand het hul rekening betaal. Daar’s Roselien Mienies van ieu-Bethesda wat ou wynkanne itspoel en vol boorgatwater tap n vir die mense van Graaff-Reinet aan uitdeel. Serieta Klindt van Kenhardt wat R50 vra as iemand haar padstal se toilet gebruik sodat sy ’n resepteboekie kon uitgee. Met die opbrengs het sy die skoolen koshuisgeld van kinders in die Boesmanland betaal. So is daar baie voorbeelde van hoop ten spyte van erge beproewing. Lees die volledige onderhoud met Marzahn op SARIE.com
Foto’s verskaf * Pryse is voorgestelde pryse en kan wissel van winkel tot winkel
By ’n herbesoek aan roetes en ruïnes word dit duidelik: ’n geskiedenis is geknoei vir selfbehoud
