Daar’s altyd
K L GEby dieUongeluk Sy het Getroud met rugby-kykers deur die jare vasgenael gehou met al die dramas in haar sepiekarakter se lewe. Met haar swanesang verlede maand het Christel van den Bergh nogmaals haar staal as aktrise gewys. En al is sy nog rou en geskok oor dié onverwagte wending, weet sy: Alles gebeur met ’n rede . . . DEUR SUZETTE TRUTER FOTO’S THE SILBERMANN COLLECTIVE @the_silbermann_collective
So ’n paar jaar gelede het ’n gene-toets getoon dat aktrise Christel van den Bergh die sogenaamde “happy gene” het – haar liggaam vervaardig van nature serotonien. Min het sy geweet hoe nodig sy al daardie natuurlike serotonien sou kry, want die afgelope twee jaar was vir die aktrise ’n onvoorspelbare, moeilike tyd – met baie donker dae tussen die goeie dinge. Sy is onder meer deur ’n moeilike egskeiding, sy het onbepland swanger geraak, en haar kontrak by die gewilde kykNET-sepie Getroud met rugby is uit die bloute beëindig. Renate, die eksvrou van die Stryders-speler Simon Greeff, wat kykers die afgelope vyf en ’n half jaar geboei het met al die drama in haar lewe – onvrugbaarheid, aborsie, surrogaatskap, postnatale depressie, egskeiding . . . se laaste tonele is op 2 Desember uitgesaai. >
24 | Januarie/Februarie 2022
SARIE.com
