PROFIEL
EKSKLUSIEF SA SE FIRST LADY
Dr.
TSHEPO Motsepe ‘Ek lei my lewe, Cyril het sy mense’
Met haar snyerspakkie en pêrelhalssnoer is sy pure first lady. Maar met politiek bemoei pres. Cyril Ramaphosa se vrou, Tshepo Motsepe, haar nie. Daarvoor is sy te besig: as mediese dokter, ma, filantroop en vroueregteaktivis. In dié onderhoud praat sy eksklusief met Daniëlla van Heerden oor haar liefde vir Afrikaans, die plaaslewe, en waarom haar onafhanklikheid vir haar so belangrik is 34 | Januarie/Februarie 2022
SARIE.com
Toe Cyril Ramaphosa in Februarie 2018 die demokratiese Suid-Afrika se vyfde president word, moes ons as joernaliste behoorlik bontstaan om soveel as moontlik oor hom te probeer uitvind. Van die feite was welbekend – ons het immers geweet hy was destyds ’n vakbondleier, gesoute politieke onderhandelaar, later ’n skatryk sakeman en, in sy vrye tyd, ’n beesboer. Maar één onderwerp het ons bly ontglip: Die nuwe presidentsvrou. Tshepo Motsepe, Ramaphosa se eggenoot, is immers baie privaat. Sy maak selde openbare verskynings, en staan selfs nog minder media-onderhoude toe.
