Sjokolade
KOS VAN DIE GODE Of dit nou ’n skamerige koekie met sjokoladesplinters of ’n wulpse nagereg is: Ons swymel oor sjokolade. En liefde, soos op Valentynsdag DEUR LYDIA VAN DER MERWE
Hemels! En jy is nie alleen as jy so dink nie. Sjokolade se botaniese naam, Theobroma cacao, beteken “kos van die gode” in antieke Grieks. Kakaobone, sjokolade se basiese bestanddeel, is deur die Majas gerooster, fyngemaal en met water gedrink. Dis tweeduisend jaar later en baie het intussen verander – maar sjokolade is steeds tops. Die wêreld is aan’t herstel van die coronavirus en gooi stadig maar seker weer sy deure oop. Een van die tekens dat dinge terugkeer na normaal, is dat die vraag na sjokolade toeneem. Sjokolade was ’n slagoffer van die reisverbod: ’n Beduidende deel van verkope is afhanklik van die reisbedryf en impulsiewe kopies by lughawens se belastingvrye winkels, luidens Bloomberg.com.
Het jy dít geweet?
Die plantstowwe in kakao is ’n natuurlike antidepressant en laat jou goed voel.
En dit bevat minerale soos magnesium, kalsium, yster en koper. Dis belangrik vir beengesondheid en om bloedarmoede te help voorkom. Bron: Mariza van Zyl
Bron: eighty20.co.za
LOS ONS TJOKLITS
Toe ’n SPAR-winkel in 2020 op sosiale media aankondig Nestlé-sjokolade soos Peppermint Crisp en Quality Street gaan van die rakke af verdwyn, het Suid-Afrikaners hul misnoeë luid te kenne gegee. Beurtkrag, die pandemie, inperking, gepynigde ekonomie . . . en
nou dít. Nestlé moes wal gooi: Daai sjokolade gaan nêrens heen nie. Die gewilde Chocolate Log se dae was egter ná vyftig jaar getel. Peppermint Crisptert is natuurlik ’n trots Suid-Afrikaanse nagereg. En Quality Street is in baie van ons huise ’n tradisie in die Kerstyd.
DONKERDER IS GESONDER
Ja, jy mag maar – solank dit goeie donkersjokolade is. Sjokolade word gemaak van kakao, waarvan die boom inheems aan dele van Suid-Amerika is. Die vrug word geoes en die bone binne-in gefermenteer en gemaal tot ’n suiwer sjokoladevloeistof. Dié vloeistof word dan geskei in kakao en kakaobotter. Albei word in donkersjokolade gebruik, maar die verhouding verskil van produk tot produk. Daar word altyd op die verpakking van goeiegehalte-sjokolade aangedui wat die persentasie kakao is. Hoe hoër, hoe beter. Maar gehalte kom teen ’n prys en dis gewoonlik ’n bietjie duurder as minder gesonde sjokolade. Bron: Mariza van Zyl
40 | Januarie/Februarie 2022
SARIE.com
Foto’s en illustrasies Getty Images/Gallo Images
Sjokolade van goeie gehalte (70% of meer kakao) bevat min kafeïen. Daar is sowat 27 mg kafeïen in 100 g, sowat ’n derde van ’n koppie koffie s’n.
Die persentasie mense wat op Valentynsdag sjokolade bo enige ander geskenk verkies, volgens ’n 2021-peiling.
