94
Vardando dae finestre davanti, a destra vedevo el crocevia de Porta Padova e, de·à, ·a botega de feramenta Campagnoℓo, ·a pasticeria su ℓ'altro canton e 'l resto de chea casa non sconto daℓa ba§a casa, dequà, chea dei Dartardi. Vanti par Porta Padova, dopo sta casa ghe gera na mureta e se vedea: ℓa strada , ·a casa de Pilan de·à e quea dea latara e del becaro Camèrlo de quà. Più a destra dea feramenta non podevo vèdare, ma ghe gera ℓa Farmacia e tante boteghe de·à o de quà dea strada, in 100 metri. Da ℓ'altra parte, verso el centro, sconte da ℓa casa de Pilan ghe gera ·e sco·e de Porta Poadova. Insoma, visto o non visto, cheo che serviva el gera tuto lì intorno, a destra o a sinistra dell’incrocio col so trafico, i so vigi·i, ·e fermate del tran par andare versi el centro o verso Padova, aℓa sta§ion o aℓa Stanga. Davanti , a sinistra dea casa de Camerlo, de ℓà del fo§o ghe gera el prà de Camerlo e, de·à de chel spa§io verto, na fi·a de casete ba§e, tochi de mura, tuta Vicensa e ·e montagne in fondo. Visin se vedea el campani ·e de San Piero, più in là ·a Tore de Pia§a dei Signori, el coverto dea Basi·ica. In fondo a sinistra se vedea el campani·e de S. Caterina co l' angelo sora e, man man più visin, i grandi albari, ·a strada, ·e case de Via·e Margherita. Vardando dae finestre dedrìo, a destra vedevo la ciesa de Monte Berico, ·a corte de “Pietro Lodi - legna e carboni” e ·e case de Borgo Casa·e co ℓa corte de·e ba·e. Davanti ghe gera ·a nostra cortexe·a con a destra i muri de na ba§a fabricheta e a sinistra el giardin dei Faso ℓo. Più in là, tra le case de Corso Padova e de Borgo Casa·e ghe gera na serie de orti e in fondo i fabricati dea dita “Pan
