|
FÓLKIÐ Í SJÁVARÚTVEGI Óli Þór Jóhannsson
„Ofboðsleg bylting í sjávarútvegi“ V
ið höfum eftirlit með auðlind þjóðarinnar, að allt sé gert samkvæmt reglum og lögum. Við förum bæði á hafnirnar, inn í vinnslurnar, förum á sjó með trillum og allt upp í uppsjávarskipin. Og þá meina ég fulla róðra,“ segir Óli Þór Jóhannsson, eftirlitsmaður á veiðieftirlitssviði Fiskistofu. Á því sviði starfa yfir 30 manns á sex starfsstöðvum um land allt. „Þetta er allt saman frábært fólk sem vinnur hérna.“ Túrarnir með skipunum geta verið mislangir en sumir þeirra geta varið í vikutíma. „Svo hafa menn lent í að fara á uppsjávarskip og það hefur verið ákveðið í miðjum túr að landa í Noregi. Maður fer kannski um borð á Þórshöfn en endar í Vestmannaeyjum. Þetta er orðin svo dreifð eignaraðild að útgerðinni og á mörgum stöðum að þetta er svolítið út um allt,“ segir Óli Þór. Hann segir að þrátt fyrir að menn í hans starfi séu um borð til þess að fylgjast með störfum áhafnarinnar séu samskipti eftirlitsmanna og áhafnar yfirleitt mjög þægileg. „Menn vita alveg af hverju við erum að koma. Við erum bara að fylgjast með og menn eru yfirleitt mjög þægilegir við okkur. Auðvitað eru til undantekningar alls staðar en í 90% tilfelli er þetta bara mjög fínt og engir árekstrar,“ segir Óli Þór.
Í sjávarútvegi frá 16 ára aldri Óli Þór er á sínu sjötta ári í þessu starfi en reynsla hans af sjávarútvegi er mun lengri. „Ég hef verið í sjávarútvegi síðan ég var 16 ára. Ég byrjaði á loðnu, síðan var ég á sjó þar til ég fluttist erlendis og lærði fiskeldi. Síðan kom ég hingað heim og vann í 20 ár í lúðueldi á Hjalteyri á Dalvík, sá um að taka hrogn og svil og frjóvgva egg,“ segir Óli Þór en eftir að hann hætti í fiskeldinu var hann hafnarvörður á Dalvík í fimm ár.
Óli Þór Jóhannsson er eftirlitsmaður hjá Fiskistofu.
Þá sá hann auglýsta stöðu í eftirliti hjá Fiskistofu á Akureyri og hefur verið í því í tæp sex ár. „Þetta er mjög gefandi og maður er mikið á ferðinni. Svæði okkar eftirmanna á Akureyri er frá Siglufirði að Vopnafirði. En svo erum við oft beðnir um að fara austar, jafnvel á Fáskrúðsfjörð, vestur á firði, til Eyja eða til Grænlands, eins og ég gerði fyrir tveimur árum,“ segir Óli Þór. Núverandi staða í samfélaginu hefur mikil áhrif á störf eftirlitsmanna. „Eins og staðan er í dag þá er þetta mjög erfitt því menn vilja helst ekki fá okkur um borð. Við fáum að fara með öllum varúðarráðstöfunum inn í verksmiðjurnar en menn eru ekkert hrifnir af því að fá okkur. Við erum að þvælast svo víða,“ segir Óli Þór.
Þróunin mjög mikil Fiskistofa er í fararbroddi í notkun nútíma
ÆGIR Í 115 ÁR
lausna eins og áhættustýringar í eftirliti, rafrænna lausna við stjórnun fiskveiða og áreiðanlegra upplýsinga í rauntíma. „Við erum mjög framarlega í rafrænni þróun á þessu sviði. Bæði aflatölur og landanir, þetta er stanslaus púls á auðlindinni. Við erum með gríðarlega góða yfirsýn á því sem er að gerast. Svo er verið að vinna í fjareftirliti með myndvélum,“ útskýrir Óli Þór. Frá því Óli Þór hóf störf við sjávarútveg fyrir rúmum fjórum áratugum hefur margt breyst. „Þegar ég var sem gutti að vinna í frystihúsinu heima á Dalvík var fiskinum landað lausum á bíla og svo komu þeir keyrandi með dísilmekki og sturtuðu á gólfið í móttökunni. Núna er umgengnin allt önnur og alveg frábær. Það hefur orðið ofboðsleg bylting í sjávarútvegi,“ segir Óli Þór að lokum.
Í gegnum söguna
1980 – Nýr sjávarútvegsráðherra
1982 – Nýr björgunarbúningur fyrir sjómenn
Hinn 8. febrúar s.l. tók ríkisstjórn GunnarsThoroddsen við völdum. Sjávarútvegs- og samgöngumálaráðherra í hinni nýju stjórn er Steingrímur Hermannsson. – Ægir óskar Steingrími Hermannssyni farsældar í hinu nýja og þýðingarmikla starfi hans. Frétt, mars 1980.
Ný tegund af vinnu- og björgunarbuningi hefur nýlega komið á markaðinn, sérstaklega hannaður fyrir siglingarmenn á skútum, fiskimenn og menn á olíuborpöllum. Búningurinn býður upp á tvenna kosti, vörn gegn kulda og gott flotmagn. Sjálfur kemur búningurinn i stað hlýrra yfirhafna, samfestings, regngalla og bjargbeltis. Frétt, febrúar 1982.
102
