TÆKI
Sækja í hugvitið hjá Skiparadíó í Grindavík Þ
etta gengur sinn vanagang hér heima fyrir. Vísir og Þorbjörn eru stærstu viðskiptavinirnir og sitthvað annað slæðist með. En svo eru spennandi verkefni erlendis. Ég setti línustjórnunarkerfi í nýsmíði fyrir Ástrala úti í Noregi í ár. Cape Arkona heitir skipið og verður með þrennskonar veiðarfæri um borð,“ segir Jóhannes Sveinsson, eigandi Skiparadíós í Gríndavík. „Svo hef ég sett slíkan búnað í tvo norska báta líka, annar er nýsmíði og síðan í mikið tilraunaskip frá Úrúgvæ, sem heitir Ocean Azul og er búið ýmsum nýjungu. Dregur til dæmis línuna upp í gegnum skutinn og á línunni er sérstakt hylki sem dregur úr afráni hvala af línunni. Þessi búnaður dregur einnig úr sjófugladrápi, því línan kemur ekki upp í yfirborðið við hlið bátsins. Skipið verður gert út á tannfisk.“ Fyrirtækið var stofnað í Grindavík í janúar 2013. Jón Berg Jónsson hefur verið með Jóhannesi frá upphafi og nýlega bættist Karl Einarsson við. „Við Jón vorum báðir hjá öðru fyrirtæki sem hét Tæknivík, sem við áttum og rákum í um 15 ár. Það var svo selt til Vélasölunnar og við unnum þar í um það bil tvö ár. Þá hættum við þar og ég stofnaði þetta litla fyrirtæki,“ segir Jóhannes. Eitt af nýlegum stórum verkefnum Skiparadíós var hönnun og uppsetning á öllum búnaði í Páli Pálssyni, nýju línuskipi Vísis í Grindavík.
Captain Hook Jóhannes Gunnar nefnir einnig að þeir hafi sérhæft sig í línukerfum. Búið til kerfi fyrir línubátana sem stjórnar drættinum á línunni, hversu mikið afl er notað og hve hratt dregið. Kerfið haldi einnig utan um beitningu línunnar með svipuðum hætti. Þetta er lítið kerfi sem heitir Captain Hook, smíðað af Jóhannesi Gunnari. Jóhannes Gunnar er úr Grindavík og byrjaði á sjónum eins og flest allir aðrir í
ÆGIR Í 115 ÁR
Jóhannes Sveinsson og Jón Berg Jónsson hafa starfað saman við fyrirtækið Skiparadíó frá stofnun þess.
Jóhannes hefur hannað línustjórnunarhugbúnað, sem farið hefur í skip og báta, bæði hérlendis og úti í hinum stóra heimi. Eitt þeirra er línuskipið Ocean Azul, sem norskir útgerðarmenn gera út á tannfisk við Suðurskautið.
þeim bæ. Hann þekkir því meðal annars vel til útgerðar línuskipa. Jóhannes Gunnar byrjaði 14 ára gamall á hálfum hlut á bát með pabba sínum sem þá átti bát með nafninu Jóhannes Gunnar. Hann var svo í nokkur á Kópnum. Þegar hann
Í gegnum söguna
1986 – Skipavogir Tvö íslensk fyrirtæki, Póllinn h.f. Ísafirði og Marel h.f. Reykjavík hafa um árabil framleitt vogir og vogarkerfi fyrir fiskvinnslustöðvar. Bæði þessi fyrirtæki hafa nú einnig hafið framleiðslu á vogum til notkunar um borð í fiskiskipum. Venjulegar vogir verða að standa á fastri undirstöðu og eru því ónákvæmar um borð í fiskiskipum vegna hreyfingar skipsins og vélartitrings. Skipavogir skynja þessar hreyfingar og leiðrétta vigtunarskekkjuna gagnvart þeim. Frétt, apríl 1986.
106
var búinn að klára nám í rafeindavirkjun lá leiðin beint á sjóinn og var hann þar í nokkur ár áður en hann fór í land til að vinna við fagið.
Sækja hugvit til Grindavíkur Það má segja að það séu góð meðmæli þegar stór útgerðarfélög í Ástralíu, Úrúgvæ og Noregi sækja sér hugvit og þjónustu til Grindavíkur. Það má geta þess að tannfiskurinn veiðist eingöngu á suðurhveli jarðar. Hann er takmörkuð auðlind og eru að fást allt upp í 40 dollara á kílóið. Það svarar til 5.600 íslenskra króna.
