KÖFUNARÞJÓNUSTA Köfunarþjónustan ehf. í Hafnarfirði
Kafarar með reynslu og fagþekkingu Þ
jónusta í og við hafnir landsins eru meðal sérsviða Köfunarþjónustunnar ehf. í Hafnarfirði. Verkefnin snúast til dæmis um ástandsskoðanir og viðhald hafnarmannvirkja en einnig um neðansjávarverkefni við skip og báta. Helgi Hinriksson, framkvæmdastjóri, segir verkefni af þessum toga stóran hluta starfseminnar en auk þess annast Köfunarþjónustan alls kyns verkefni á landi enda mjög vel búin tækjum til að leysa verkefni við krefjandi og oft á tíðum hættulegar aðstæður. „Við gerum úttektir á hafnarmannvirkjum, þykktarmælingar á stálþilum, skoðun og mat á tjónum sem verða á hafnarmannvirkjum í óhöppum eða vondum veðrum. Síðan önnumst við líka lagfæringar á hafnarmannvirkjum bæði neðansjávar og ofansjávar þannig að okkar vinna snýst um mun meira en bara köfunina sjálfa,“ segir Helgi en neðansjávarverkefni við skip geta einnig tengst viðhaldi, bilunum eða óhöppum. „Við framkvæmum í raun allt sem hægt er að gera við skip á floti.“
Ástandsskoðanir hafnarmannvirkja og viðgerðir Þegar starfsmenn Köfunarþjónustunnar taka að sér ástandsskoðanir hafnarmannvirkja skilar fyrirtækið viðskiptavinum sínum ítarlegum gögnum og skýrslum um ástand mannvirkjanna, sem og tillögum að úrbótum þegar þörf er á slíku. „Hér erum við að tala um skemmdir neðansjávar sem geta verið orðnar umtalsverðar áður en þær uppgötvast. Gat á bryggjuþili getur þýtt að efni skolist út og þar með myndist holrúm undir þekju bryggjunnar án þess að nokkur merki sjáist á yfirborðinu. Þess vegna er mjög mikilvægt að skoða mannvirkin neðansjávar reglulega og lagfæra skemmdir í tíma áður en hætta og meira tjón skapast,“ segir Helgi.
Helgi Hinriksson, framkvæmdastjóri Köfunarþjónustunnar.
Hús Köfunarþjónustunnar ehf. við
Hafnarfjarðarhöfn er sérstaklega hannað fyrir búnað og starfsemi fyrirtækisins.
Hann segir mismunandi eftir höfnum hvort farið er í reglubundnar skoðanir með þessum hætti en undantekningarlaust þurfi að skoða mannvirkin vel þegar einhver óhöpp verða, skip rekst í hafnarkant eða eitthvað slíkt gerist. Einnig sé mikilvægt að hafa í huga að stálþil í hafnarmannvirkjum tærast og að tæringin er mismikil milli hafna.
ÆGIR Í 115 ÁR
Vottaðir suðumenn neðansjávar Helgi leggur áherslu á mikilvægi fagmennsku og öryggis í þjónustu Köfunarþjónustunnar en hjá fyrirtækinu starfa sex atvinnukafarar í fullu starfi. Flestir hafa þeir menntað sig í faginu í Bretlandi og Noregi, eru allir með svokölluð HSE atvinnukafararéttindi frá Bretlandi og eru vottaðir neðansjávarsuðumenn. Köfunarþjónustan er með alþjóðlegar vottanir á sinni fagþjónustu og segir Helgi mjög mikilvægt að aldrei sé slegið af öryggiskröfum í verkefnum sem þessum. Stundum þurfi að kafa á mikið dýpi, t.d. þegar farið er niður að sokknum skipum. „Við erum líka með fjarstýrða litla kafbáta sem oft koma sér vel í verkefnum af þessu tagi og eru þeir gott dæmi um þann sérhæfða búnað sem við höfum yfir að ráða,“ segir Helgi.
Í gegnum söguna
2010 – Getur fiskneysla lækkað blóðþrýsting?
2012 – Flest á uppleið í þorskstofninum
„Í sígildri næringarfræði hafa prótein aðallega verið talin gefa nauðsynlega orku og næringu. Í „nýju næringarfræðinni“ er hins vegar litið svo á að peptíð, sem til staðar eru í próteinum meðal annars úr fiski, geti einnig haft lífeðlisfræðilega virkni,“ segir Margrét Geirsddóttir, sérfræðingur hjá Matís. Úr viðtali, janúar 2010.
Í byrjun júní verða kynntar samanteknar niðurstöður rannsókna Hafrannsóknastofnunar á helstu nytjastofnum og tillögur hennar um aflamark næsta fiskveiðiárs. Fyrstu niðurstöður úr vorralli Hafró og mikil veiði í netaralli nú á dögunum gefa fullt tilefni til að ætla að aukið verði við aflamark í þorski enda eru flestir mælikvarðar í rannsóknum á þorskstofninum jákvæðir. Frétt, mars 2012.
124
