ÞJÓNUSTA Gúmmísteypa Þ. Lárusson
Reimaþjónusta fyrir matvælaiðnaðinn ört vaxandi
Starfsmenn Gúmmísteypu Þ. Lárusson. Fyrirtækið byggir á áratuga reynslu í þjónustu við íslenskan sjávarútveg.
G
úmmísteypa Þ. Lárusson hefur að undanförnu aukið umsvif sín verulega í reimaþjónustu fyrir matvælaiðnað en vart er til sú fiskvinnsla eða skip hér á landi þar sem færibönd koma ekki við sögu. Fyrirtækið þjónustar innlend tæknifyrirtæki sem framleiða vinnslubúnað í t.d. sjávarútvegi auk þess að þjónusta skip og landvinnslur á þessu sviði.
Byggt á langri sögu Gúmmísteypa Þ. Lárusson var stofnuð árið 1984 en fyrirtækið hét áður Gúmmí-
ÆGIR Í 115 ÁR Í gegnum söguna 1920 – Ný gasstöð við Rauðarárstíg Aðalstarf þessarar gasstöðvar er að framleiða gas til Ijósa, þannig að hið hreinsaða gas er látið á sterkar járnflöskur af ýmsum stærðum og vega hinar þyngstu 100 kg., og geta menn því fengið heim til sín eða út á skip, efni í ágætt ljós, sem auk þess mun ódýrt. Frétt um opnun gasstöðvar Ísaga, febrúar 1920.
steypa Þ. Kristjánsson og var stofnað árið 1952. Á þeim tíma snerust verkefnin m.a. um viðgerðir á gúmmíblökkum fyrir síldveiðar. Enn þann dag í dag steypir fyrirtækið margvíslega hluti úr hrágúmmíi sem notaðir eru vítt og breitt í atvinnulífinu. Af vörum fyrir sjávarútveginn má nefna t.d. pressuhjól í flestar gerðir netaspila og sjóvéla, gúmmíklædd álkefli fyrir spil og blakkir, auk viðgerðarþjónustu á netaniðurleggjurum.
Sókn í reimaþjónustunni Berglind Steinunnardóttir, framkvæmdastjóri Gúmmísteypu Þ. Lárusson segir að árið 2018 hafi fyrirtækið tekið við sölu- og þjónustuumboði fyrir Habasit færibandareimar fyrir matvælaiðnað. Gúmmísteypan hafði árinu áður keypt Reimaþjónustuna og sameinað sínum rekstri og jók með Habasit enn frekar þjónustu sína á þessu sviði. „Við bjóðum mikið úrval af böndum og reimum sem öll eru vottuð til notkunar í kröfuhörðum matvælaiðnaði eins og sjávarútvegur er. Nýjast eru svokölluð kubbabönd sem mikið eru notuð í t.d. fiskvinnslunum en viðskiptavinir okkar í sjávarútvegi eru framleiðendur vinnslubúnaðar sem og útgerðir og fiskvinnslur,“
50
segir Berglind en auk banda fyrir matvælaiðnað framleiðir fyrirtækið gúmmíbönd sem notuð eru víða í iðnaði, s.s. hjá álverunum. Viðskipavinahópurinn er því stór og fjölbreyttur.
Sérfræðingar í færiböndum Líkt og sjá má í nýjustu fiskiðjuverunum á Íslandi byggja þau mikið á alls kyns útfærslum af færiböndum og í raun eru þau grundvallarbúnaður í því að færa fiskinn áfram í vinnslunni með sjálfvirkum hætti. Bönd frá Gúmmísteypu Þ. Lárusson koma þarna mikið við sögu. Starfsmenn fyrirtækisins fara gjarnan til viðskiptavina til að endurnýja böndin þegar óskað er eftir. Þjónusta fyrirtækisins teygir sig því víða um land og um borð í skip. „Öll efni sem notuð eru til framleiðslu matvælabanda okkar uppfylla allar kröfur sem gerðar eru í matvælaiðnaði og eru vottuð. Hér er sérfræðikunnátta í færiböndum, við byggjum á áratuga reynslu og góðri þjónustu. Gæðin skipta öllu máli í þessari þjónustu,“ segir Berglind.
